অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

পিগমেণ্টেচনৰ সমস্যাত ভুগিছে নেকি?

পিগমেণ্টেচনৰ সমস্যাত ভুগিছে নেকি?

 

পিগমেণ্টেচন বা ক’লা দাগৰ সমস্যা আৰু বয়সৰ চাপ পৰা সমস্যা ৰ’দত বহু সময় ধৰি, হৰ্ম’নৰ পৰিৱৰ্তন , গৰ্ভনিৰোধক পিল, উচ্চৰক্ত চাপৰ দৰব সেৱা আদিৰ বাবেই হ’ব পাৰে। ভিটামিন বি-১২ ৰ অভাৱ, কমদামী প্ৰসাধন সামগ্ৰীৰ ব্যৱহাৰ, হেয়াৰ ডাই আদিও ইয়াৰ কাৰণ হ’ব পাৰে।

পিগমেণ্টেচন সমস্যাৰ পৰা হাত সৰাৰ উপায় -

*প্ৰতিদিন দুচামুচ বিলাহীৰ ৰসত ১ চামুচ নেমুৰ ৰস মিহলাই মুখমণ্ডলত লগালে দাগ কমিব।

*দুচামুচ গাখীৰৰ ৰসত এচিকুট হালধিৰ গুৰি মিহলাই পেষ্ট বনাব। মুখমণ্ডলত এই পেষ্ট লগাই ১৫ মিনিটৰ পিছত ধুব।

*দুচামুচ কেঁচা গাখীৰত কিছু কমলা বাকলিৰ গুৰি মিহলাই পেষ্ট বনাব। মুখত লগাই ২০ মিনিটৰ পিছত ধুই দিব। ক’লা দাগৰ পৰা ৰেহাই পোৱাৰ ই অতি উত্তম উপায়।

*সৰু বাটি এটাত দুচামুচ নেমু ৰস আৰু তিঁয়হৰ ৰস মিহলাই মুখত লগাই ২০ মিনিট পিছত ধুই পেলাব। লাহে লাহে ক’লা দাগ আঁতৰিব।

*কেঁচা আলু বা কেঁচা অমিতা পিহি ৰস লগাব।

ছাল কোঁচ খোৱাৰ সমস্যা -

ছাল কোঁচ খোৱাটো বয়স বৃদ্ধিৰ লক্ষণ। কিন্তু পৰিৱৰ্তিত জীৱন প্ৰণালী, ৰাসায়নিক পদাৰ্থযুক্ত প্ৰসাধন সামগ্ৰী, প্ৰদুষণ আদিৰ কাৰণে বয়সৰ পুৰ্বেই বয়সৰ চাপ পৰে।

ঘৰুৱা উপায় -

*এচামুচ কণীৰ কুহুমত বিলাহীৰ ৰস আৰু নেমুৰ ৰস মিহলাই মুখমণ্ডলত লগাব।

*এচামুচ পাউডাৰ গাখীৰ, কণীৰ বগা অংশ আৰু আধা চামুচ মৌ মিহলাই মুখমণ্ডলত লগাব। ১৫ মিনিট ৰাখি ধুই দিব।

*এচামুচ দৈত এচামুচ মাটি দাইলৰ গুৰি মিহলাই মুখত লগাব। শুকুৱাৰ পিছত কপাহৰ বল পানীত তিয়াই মুখখন পৰিষ্কাৰ কৰিব।

*এচামুচ বেচন, দুই চিকুট হালধি, ৫-৬ টোপাল অলিভ অইল মিহলাই মুখমণ্ডলত লগাব। ২০ মিনিটৰ পিছত ঠাণ্ডা পানীৰে মুখখন ধুব।

*১ টা বিলাহী বা কমলাৰ ৰস আৰু অমিতাৰ ৰস আৰু এচামুচ গোলাপজল আৰু গ্লিচাৰিণ মিহলাই মুখত লগাব। ১৫ মিনিটৰ পিছত ধুব।

উৎস: দেওবৰীয়া সুকন্যা



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate