অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

বিৰুদ্ধ ভোজনৰ অপকাৰিতা:

 

সুস্বাস্থ্যৰ সৈতে সুষম আহাৰৰ সম্পৰ্ক মুদ্ৰাটোৰ ইপিঠি-সিপিঠিৰ দৰে-

 

সুষম-সন্তুলিত আহাৰৰ অবিহনে কোনো লোকেই সুস্বাস্থ্যৰ অধিকাৰী হ’ব নোৱাৰে। আহাৰেই যিহেতু জীৱনৰ পোহৰ আৰু সুস্থতাৰ সঁচাৰ কাঠী, সেয়ে আহাৰ নাইবা ভোজ্য পদাৰ্থ নিৰ্বাচন তথা সেৱনৰ সময়ত আমি বিশেষ সাৱধান হ’ব লাগে। আমি প্ৰায়েই গ্ৰহণ কৰা বিভিন্ন খাদ্য-সম্ভাৰৰ মাজত এনেকুৱা কিছুমান বিষম বিৰুদ্ধ ভোজ্য সামগ্ৰীয়ে খাদ্যত বিষক্ৰিয়া সংঘটিত কৰি পাকস্থলীত ক্ষতি সাধি আমাক ৰোগাক্ৰান্ত কৰি তুলিব পাৰে। সেয়ে আমি বিষম আহাৰৰ ক্ষেত্ৰত সচেতন হোৱা উচিত। এনেবোৰ বিৰুদ্ধ আহাৰৰ কেইবিধমানৰ উল্লেখ কৰা হ’ল-

পনীৰৰ সৈতে দৈ একেলগে খাব নালাগে-

 

খালে পেটত প্ৰচণ্ড পীড়া হ’ব পাৰে। আমি গাখীৰে-মাছে প্ৰায়েই খাওঁ যদিও মাছৰ সৈতে গাখীৰ, মৌ নাইবা কুঁহিয়াৰৰ ৰস খাব নালাগে। যিবোৰ সামগ্ৰীৰ একত্ৰ সেৱনে ছালৰ ভিন ভিন ৰোগকে ধৰি কুষ্ঠ ৰোগৰ সৃষ্টি পৰ্যন্ত কৰিব পাৰে বুলি আয়ুৰ্বেদ শাস্ত্ৰত উল্লেখ আছে।

১)ঘিউ আৰু মৌ একেলগে খাব নালাগে।

২)কলৰ লগত লচ্চী বা দৈ খাব নালাগে।

৩)তৰমুজৰ সৈতে দৈ খাব নালাগে।

৪)এঁৱা গাখীৰৰ সৈতে টেঙা বস্তু খাব নালাগে।

৫)টেঙাৰ সৈতে তিতা খাব নালাগে।

৬)খিচিৰি আৰু তিয়ঁহ একেলগে খাব নালাগে।

৭)মাংস আৰু মূলা একেলগে খাব নালাগে।

৮)চাহ বা গাখীৰ খোৱাৰ আগে-পিছে লচ্চী বা ঠাণ্ডা পানী খাব নালাগে।

৯)এঁৱা গাখীৰ আৰু সুৰা একেলগে পান বিপজ্জনক, যাৰ ফলত মৃত্যুপৰ্যন্ত হ’ব পাৰে।

১০)এঁৱা গাখীৰৰ সৈতে নিমখ খাব নালাগে।

১১)দৈৰ সৈতে চেনি খোৱাতকৈ নিমখ খালে বেছি উপকাৰ পাব পাৰি।

১২)ৰাতি দৈ খাব নালাগে, বিশেষকৈ ৰক্ত বিকাৰত ভোগা লোকে।

১৩)দৈৰ সৈতে কণী, তেঁতেলী, মৌৰ সৈতে তৰমুজ, মূলা/পানী আদি খাব নালাগে।

১৪)টেঙা আৰু খাৰ একেলগে খাব নালাগে।

১৫)নহৰু-পিঁয়াজ খোৱাৰ পিছত গাখীৰ খাব নালাগে।

১৬)ৰহৰ দাইল খোৱাৰ পিছত গাখীৰ খোৱা নিষেধ।

১৭)তেল আৰু ঘিউ একেলগে খাব নালাগে।

১৮)কঁঠালৰ সৈতে এঁৱা গাখীৰ খাব নালাগে।

১৯)আমলখিৰ বাহিৰে যিকোনো টেঙা ফলৰ লগত এঁৱা গাখীৰ খাব নালাগে।

২০) ‘ভোজনান্তে বিষম বাৰি’ বুলি আয়ুৰ্বেদ শাস্ত্ৰত এষাৰ কথা আছে। সেয়ে আহাৰ খোৱাৰ ঠিক পিছতেই পানী খাব নালাগে। এঘন্টামান পিছতহে খাব লাগে। উৰদ দাইলৰ সৈতে দৈ বা এঁৱা গাখীৰ খাব নালাগে, পাপৰৰ সৈতে দৈ এঁৱা গাখীৰ খাব নালাগে। আইচক্ৰীম খোৱাৰ পিছতেই চাহ-কফি আদি গৰম বস্তু খাব নালাগে।

এই বিৰুদ্ধ পদাৰ্থবোৰ একেলগে খালে পাকস্থলী বিকাৰগ্ৰস্ত হৈ পৰে। যাৰ ফলত বমি-বদহজম, পেটৰ অসুখ, কোষ্ঠকাঠিন্যকে ধৰি বিভিন্ন ৰোগ হ’ব পাৰে। পাকস্থলী শৰীৰৰ মূলাধাৰস্বৰূপ। বিষম-বিৰুদ্ধ দ্ৰব্য ভোজনৰ ফলত পাকস্থলী সহজতে বিকাৰগ্ৰস্ত বা ৰোগাক্ৰান্ত হৈ পৰে। পাকস্থলী ৰোগাক্ৰান্ত হ’লে তাৰ সমস্ত কু-প্ৰভাৱ দেহৰ ওপৰত পৰে।

সেয়ে খোৱা-বোৱা, আহাৰ-বিহাৰৰ ক্ষেত্ৰত কিছু সাৱধানতা অৱলম্বন কৰি বিষম-বিৰুদ্ধ দ্ৰব্য সেৱনৰপৰা আঁতৰি থাকি অনায়াসে নিজৰ সুস্বাস্থ্য সুনিশ্চিত কৰি ষোল্ল অনাই জীৱন উপভোগ কৰিব পাৰি।

লেখক: ভুৱনেশ্বৰ ডেকা(দৈনিক অসম)



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate