অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

শীতকালৰ প্ৰসাধন

চমু বিৱৰণ

শীতৰ আগমনৰ লগে লগে আমাৰ ছাল অলপ শুকান হ’বলৈ ধৰে| গতিকে এই সময়ত ক্লিনজিং, টোনিং আৰু ময়শ্বাৰাইজিং প্ৰতিদিনে কৰাটো খুবেই প্ৰয়োজনীয়| প্ৰতিদিনে কৰা এই সাধাৰণ পৰিচৰ্যাই ছালখন সুন্দৰ আৰু সেমেকা কৰি ৰাখে| শীতৰ আগমণৰ লগে লগে মেকআপৰ দিশতো কিছু গুৰুত্ব দিয়া উচিত|

শীতকালৰ প্ৰসাধনৰ টিপছ্‌

#এইখিনি সময়ত কোনোবা বিয়া বা পাৰ্টিলৈ গ’লে হেভি বা মোটা আইলেচ লগাব পাৰে| যিয়ে মুহুৰ্তৰ ভিতৰতে আপোনাৰ ৰুপ সলনি আৰু আকৰ্ষণীয় কৰিব পাৰে| আইলেচ লগাবলৈ এবিধ আঠা পোৱা যায়| খুৱ সাবধানে আঠা লগাই আইলেচ চকুৰ পতাত বহাব| আইলেচ লগালে মুখৰ বাকী প্ৰসাধন পাৰিলে নিউট্ৰেল ৰাখিব| নহ’লে অতিৰঞ্জিত দেখাব পাৰে|

#মেকআপ কৰাৰ আগমুহূৰ্তত ছালখন ভালদৰে ময়শ্বাৰাইজাৰ লগাব লাগে| ইয়াৰ ফলত ছালখন মেকআপ কৰাৰ পিছত খুব ধুনীয়া, উজ্জ্বল কৰি ৰাখে|

# এই সময়ছোৱাত ব্লাছাৰ অলপ কাঢ়াকে লগাব পাৰে| এই সময়ত নিশা কোনো পাৰ্টি বা অনুষ্ঠানলৈ গ’লে অলপ কাঢ়াকে লগোৱা ব্লাছাৰে এটা আকৰ্ষণীয় ৰুপ দিয়ে| পিচে ইয়াৰ লগত চকুৰ প্ৰসাধন আৰু ওঁঠৰ ৰং ভালদৰে মিলিব লাগিব, নহ’লে অলপ অশুৱনি দেখিব পাৰে|

# যদি হাতত বেছি সময় নাথাকে, কম সময়তে এটা সুন্দৰ লুক দেখাবলৈ আইলাইনাৰ অলপ দীঘলকৈ বুলাব পাৰে| এনে উইংড আইলাইনাৰে বৰ আকৰ্ষণীয় লুক দিয়ে| দীঘলীয়াকৈ ক’লা আইলাইনাৰ লগোৱাৰ পিচত তাৰ ঠিক ওপৰত অইন ৰঙৰ আইলাইনাৰ, যেনে-নীলা, বেঙুনীয়া, গ’লড্‌, ছিলভাৰ লগাই এটা ট্ৰেণ্ডি লুক আনিব পৰা যায়|

# কেৱল ক’লা ষ্ম’কি আই মেকআপ নকৰি, মাজৰ অংশত কপাৰ বা ব্ৰ্ঞ্জ আইশ্বেড’ বুলাব পাৰে| তদুপৰি নীলা বা বেঙুনীয়া স্ম’কি আই মেকআপো কৰিব পাৰে|

# শেহতীয়াকৈ জনপ্ৰিয় মেকআপ ট্ৰেণ্ড হৈছে গাঢ়কৈ লগোৱা পিংক লিপষ্টিক| কিন্তু ইয়াৰ বাবে চকু আৰু গালৰ প্ৰসাধন একেবাৰে কম ৰাখিব| পিংক লগাব নিবিচাৰিলে ৰঙা মেট লিপষ্টিক বা বেঙুনীয়া লগাব পাৰে|

# সাধাৰণতে আপুনি যি সাজ পিন্ধে তাৰ আটাইতকৈ কমকৈ থকা ৰংটোৰ লগত মিলাই চকুৰ আৰু ওঁঠৰ ৰং ৰাখিব পাৰে| ইয়াৰ ফলত এটা সুন্দৰ ৰুপ ওলাই পৰে|

# কম সময়তে এটা সুন্দৰ আই মেকআপ কৰিবলৈ হ’লে আপোনাৰ চকুৰ পতাত গ্লিটাৰ্ছ লগাব পাৰে| ইয়ে লগে লগে এটা উজ্জ্বল ৰুপ দিয়ে|

# শীতৰ আগমনৰ এটা লেটেষ্ট ট্ৰেণ্ড হৈছে-ৰঙা আইশ্বেড’| ইয়াৰ লগত আইলাইনাৰ আৰু মাস্কাৰা নলগালে বেছি ভাল দেখাব| কিন্তু এনে আই মেকআপ পশ্চিমীয়া সাজ, যেনে- ষ্কাৰ্ট বা পেণ্টৰ লগত বেছি ভাল দেখায়| ৰঙা আইশ্বেড’ নলগাই যিকোনো ডাঠ ৰঙৰ আইশ্বেড’ লগাব পাৰে|

# এটা সুন্দৰ বেছ মেকআপ কৰিবলৈ প্ৰথমে কালাৰ কাৰেক্টৰ তাৰ পিচত ফাউণ্ডেচন আৰু শেষত কনচিলাৰ লগাব|

# আইব্ৰ’ বা চেলাউৰি অলপ কাঢ়াকে গাঢ় ব্ৰাউন পেঞ্চিলেৰে বুলাব পাৰে| কিন্তু মন কৰিব যাতে নেচাৰেল লুকটো থাকে| চেলাউৰিৰ খালী অংশবোৰ পূৰাবলৈহে আইব্ৰ’ পেঞ্চিল ব্যৱহাৰ কৰা হয়| ইয়াৰ পিছত আইব্ৰ’ ব্ৰাছৰ সহায়ত আইব্ৰ’ বা চেলাউৰিযোৰ আঁচুৰি দিব লাগে|

লেখক:- জুৰি শইকীয়া

উৎস:- সম্ভাৰ

 

 



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate