অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

সুঠাম বাহুৰ বাবে ব্যায়াম কৰক :

সুঠাম বাহুৰ বাবে ব্যায়াম কৰক :

 

শৰীৰ সুন্দৰ আৰু আটিল হ’বৰ বাবে ব্যায়ামৰ ৰুটিনখন সুন্দৰ হোৱাৰ প্ৰয়োজন । অৰ্থাৎ কেৱল খোজকাঢ়িলেই শৰীৰ আটিল কৰিব নোৱাৰি । খোজ কাঢ়িলে আপুনি নিৰোগী হৈ থাকিব। শৰীৰত অতিৰিক্ত চৰ্বি হ্ৰাস পাব । কিন্তু হাতৰ পেশী সবল হ’বৰ বাবে, ভৰি দুখন সুগঢ়ী হ’বৰ বাবে, পিঠি আটিল হ’বৰ বাবে সুকীয়াকৈ ব্যায়ামৰ অনুশীলন কৰা প্ৰয়োজন । কেৱল সুশৃংখল এখন ব্যায়ামৰ তালিকাইহে আপোনাৰ শৰীৰটোক সুগঢ়ী কৰি তুলিব ।

বেছিভাগ মহিলাৰে অভিযোগ শুনা যায় যে তেওঁলোকৰ শৰীৰত চৰ্বিৰ পৰিমাণ বৃদ্ধি হৈছে । এই চৰ্বি কমাবৰ বাবে তেওঁলোকে নিৰ্দিষ্ট কিছুমান ঠাই বাছি লয় । অৰ্থাৎ থুঁতৰিৰ তলৰ চৰ্বি কমাব লাগে, পেটৰ চৰ্বি কমাব লাগে আৰু হাতৰ চৰ্বি কমাব লাগে । কোনো ব্যায়ামৰ জৰিয়তে মানুহৰ শৰীৰৰ পৰা এনেদৰে নিৰ্দিষ্ট ঠাইৰ পৰা চৰ্বি নোহোৱা কৰিব নোৱাৰি । শৰীৰ আটিল হ’বৰ বাবে সমগ্ৰ শৰীৰটোৰেই ব্যায়াম কৰা প্ৰয়োজন ।

ইয়াৰ বাবে সুষম আহাৰো গ্ৰহণ কৰাৰ প্ৰয়োজন ।

হাতৰ পেশীৰ ব্যায়াম কৰোতে বুকুৰ ব্যায়ামো কৰা জৰুৰী । কিয়নো, বাহুৰ মাংসপেশীৰ লগত বুকু আৰু হাতৰ পেশী সংলগ্ন হৈ থাকে । এদিন ব্যায়াম কৰাৰ পিছত ৩৬ ঘণ্টা সেই পেশীবোৰক জিৰণি দিয়া প্ৰয়োজন । অনুশীলন কৰোতে এই কথা মনত ৰাখিব, যাতে পেশী গঠন হ’বৰ বাবে এই সময়খিনি জিৰণি পায় । তলত উল্লেখিত ব্যায়ামবোৰ আপুনি এখন বেঞ্চত, এখন যোগো মেটত বা সুবিধাজনক যিকোনো ঠাইত কৰিব পাৰে । ছবিত দেখুওৱাৰ দৰে এনেদৰে মজিয়াত তললৈ মূৰ কৰি ভৰি দুখনৰ ওপৰত হেঁচা প্ৰয়োগ কৰি সাধাৰণ পুচআপৰ সলনি দুয়োখন হাত সমান্তৰালকৈ নাৰাখি তিনি ইঞ্চিৰ পাৰ্থক্য এটাত ৰাখিব । এই অনুশীলনে হাত দুখনৰ ওপৰত বেছিকৈ হেঁচা দিব আৰু চৰ্বি কমোৱাত সহায় কৰিব । এনেদৰে দহবাৰকৈ চাৰিটা ছেট কৰিব । প্ৰতিটো ছেটৰ পিছত হাত দুখন অগা-পিছা, সালসলনি কৰিবলৈ ল’ব । অৰ্থাৎ প্ৰথমে সোঁহাত আগুৱাইছিল, পিছৰ ছেটত বাওঁ হাতখন আগুৱাই দিব ।

ডাম্বেল ফ্লাইজ -

ছবিত দেখুওৱাৰ দৰে ওপৰলৈ মুখ কৰি শুই লওক । এতিয়া দুয়োখন ভৰি আঁঠুৰ ওপৰত ৯০ ডিগ্ৰীকৈ ভাঁজ কৰি ল’ব । হাত দুখন কিলাকুটিত ভাঁজ কৰি সৰু সৰু ডাম্বেল লৈ অনুশীলন কৰক । প্ৰথমে হাত দুখন মেলি লৈ পুনৰ ওপৰলৈ আনিব । ঘৰত ডাম্বেল নাথাকিলে একেই আকাৰৰ দুটা পানী বটলো ল’ব পাৰে । এক লিটাৰৰ পানীৰ বটলত বালি ভৰাই সেই বালিখিনি সামান্য পানী ঢালি তিয়াই লওক । এগৰাকী মহিলাৰ বাবে এনেধৰণৰ ডাম্বেলৰ ওজন যথেষ্ট । প্ৰথমে লাহে লাহে অভ্যাস কৰি পিছলৈ ঘনাই কৰিবলৈ চেষ্টা কৰক । ডাম্বেল ফ্লাইজ ৩৫ টালৈকে কৰিব পাৰে । প্ৰথমে ১০ টা ফ্লাইজ লাহে লাহে কৰি ১০ বাৰ ঘনাই কৰক । পুনৰ পাঁচবাৰ লাহে লাহে কৰিব । তিনিবাৰ এনেধৰণে কৰিলে তিনিটা ছেট সম্পূৰ্ণ হ’ব । এই অনুশীলন সপ্তাহত দুই-তিনিবাৰ কৰিব ।

উৎস:- জি এনআৰচি স্বাস্থ্য



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate