অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

সুন্দৰ ছালৰ বাবে কেইটামান প্ৰাকৃতিক উপকৰণ

সুন্দৰ ছালৰ বাবে কেইটামান প্ৰাকৃতিক উপকৰণ

কামৰ হেঁচা তথা যথেষ্ট ব্যস্ততাৰ বাবে মানুহে নিজৰ শৰীৰটোৰ প্ৰতি ধ্যান দিয়াত অৱকাশ নাপায়| মন কৰিবলগীয়া যে এনে ব্যস্ততাৰ মাজতো আপুনি মুখমণ্ডলৰ প্ৰতি কিছু সচেতন হোৱা দৰকাৰ| সাধাৰণতে ধূলি-মাকতি, প্ৰদূষিত বায়ুৰ দ্বাৰা ছালৰ ৰং অতি বিবৰ্ণ হৈ উঠে|

অমিতা

এটুকুৰা পকা অমিতা পিটিকি লৈ ইয়াৰ সৈতে কেইটোপালমান গোলাপ জল মিহলাই এই মিশ্ৰণৰ পেক মুখত ফে’চ মাস্ক হিচাপে ব্যৱহাৰ কৰিব পাৰে| ২০ মিনিটৰ পিচত মুখখন ধুই পেলাব| মনত ৰাখিব আপুনি যিমানেই ব্যস্ততাত নাথাকক কিয় নিশা শোৱাৰ আগতে সদায় মুখখন ভালদৰে পৰিষ্কাৰ কৰিব|

বিলাহী

 

ছাল উজ্জ্বল আৰু সবল কৰি তোলাত বিলাহীৰ পেক অতি উপকাৰী| বিলাহীয়ে ছালত জাৰণ প্ৰতিৰোধী দ্ৰব্য হিচাপে কাম কৰে| এটা বিলাহী পিহি লৈ ইয়াক পেষ্ট হিচাপে মুখত লগাই ৰাখিব| ১৫ মিনিটৰ পিচত ঠাণ্ডা পানীৰে মুখখন ধুই পেলাব| পেক ব্যৱহাৰে কেৱল ছাল উজ্জ্বল কৰাই নহয়, মুখত থকা ক্ষতচিহ্ন বা শালমইনাৰ দাগো নিৰ্মূল কৰাত সহায় কৰিব|

আলু

ছালৰ পৰা মলিনতা দূৰ কৰাৰ ক্ষেত্ৰত আলু যথেষ্ট উপকাৰী| তদুপৰি ছালত হোৱা শালমইনা ৰোধ কৰাৰ ক্ষেত্ৰতো ই অতি ফলদায়ক| এটা কেঁচা আলু কাটি ইয়াক পেক হিচাপে ছালত ব্যৱহাৰ কৰিব পাৰে| এই কেঁচা আলু ৫ মিনিট মুখত ঘঁহিব| দেখিব ছালখনলৈ স্বাভাৱিকতে কিছু পৰিৱৰ্তন আহি পৰিছে|

 

লেখক:- জুৰি শইকীয়া

উৎস:- সম্ভাৰ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate