অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

স্মৃতি বৰ্ধক মেধ্য ৰসায়ন :

স্মৃতি বৰ্ধক মেধ্য ৰসায়ন :

ৰূপ-লাৱন্যই যেনেদৰে মানুহক আকৰ্ষিত কৰে; ঠিক তেনেদৰে ধী (cognition), ধৃতি (retention capacity), স্মৃতি (memory) আত্মবিস্বাস, মেধা আৰু জ্ঞানৰ প্ৰভা-কান্তিয়েও মানুহৰ প্ৰতি মানুহৰ আকৰ্ষন আৰু সন্মানৰ কাৰণ হৈ পৰে | মেধা আৰু স্মৃতিশক্তি যদিও একে নহয়, তথাপি এটাক আনটোৰ পৰিপূৰক বুলি ক'ব পৰা যায় | অনেক সময়ত দুৰ্বল স্মৃতিশক্তিৰ বাবে অনেকে অনেক বিপদৰ সন্মুখীন হ'ব লগা হোৱা দেখা যায় | সঘনাই ইটো-সিটো পাহৰি যোৱা বা ছাত্ৰাৱস্থাত ল'ৰা-ছোৱলীৰ পঢ়া কথাবোৰ মনত নথকা আদি সমস্যাই প্ৰায়েই ল'ৰা-ছোৱালী আৰু পিতৃ-মাতৃক বিব্ৰত কৰা দেখা যায় | মেধা আৰু স্মৃতিশক্তি কম বেছি হোৱা কথাটো অসংখ্য কাৰকৰ ওপৰত নিৰ্ভৰ কৰে | এই বিষয়ে বহু গবেষণাৰ কামো চলি আছে | গৱেষণা চলি আছে মেধাবৃদ্ধিকাৰী দৰৱ উদ্ভৱনৰ বিষয়েও | আজি আমি আয়ুৰ্বেদ শাস্ত্ৰত উল্ল্যেখিত তথা ঘৰুৱাভাৱে অতি সহজে প্ৰস্তুত কৰি সেৱন কৰিব পৰা চাৰিবিধ মেধাবৰ্ধক ৰসায়নযোগৰ বিষয়ে ক'বলৈ ওলাইছো | সেইবোৰ এনেধৰনৰঃ (১) সৰু মাণিমুনি শিপাৰে সৈতে উভালি শীতল পৰিস্কাৰ পানীৰে ধুই তাক পিছি ৰস উলিয়াই ল'ব লাগে | প্ৰতিদিনে এনেদৰে উলিয়াই লোৱা ১০-২০ মিঃলিঃ মানিমুনিৰ ৰস সমপৰিমাণৰ খাতি মৌৰ লগত পুৱা-গধুলি দিনে দুবাৰকৈ সেৱন কৰিব লাগে | (২) ৩-৬ গ্ৰাম য়স্থিমধুৰ চুৰ্ণ গোদুগ্ধ একাপৰ লগত পুৱা-গধুলি দিনে দুবাৰকৈ পান কৰিব লাগে | (৩) গুডুচীৰ ঠাৰি আৰু পাতৰ ৰস ১০-২০ মিঃলিঃ সমপৰিমানৰ খাতি মৌৰ লগত পুৱা-গধুলি প্ৰতিদিনে দুবাৰকৈ খাব লাগে | (৪) শংখপুস্পীৰ শিপা আৰু ফুল পতাত পিছি ৫-২০ গ্ৰাম কল্ক বনাই লৈ গোদুগ্ধ একাপৰ লগত পুৱা-গধুলি প্ৰতিদিনে দুবাৰকৈ খাব লাগে | প্ৰতিদিনে এই যোগ নিয়মিতভাৱে সেৱনৰ অভ্যাস কৰিলে মস্তিস্ক সবল হয় আৰু স্মৃতিশক্তি বৃদ্ধিৰ দৰে সুফল লাভ কৰিব পৰা যায় ।

লেখক: নিতুল বৈশ্য
চৰকাৰী আয়ুৰ্বেদিক মহাবিদ্যালয়

উৎস:  স্বাস্থ্য দ্য হেলথ ছলিউশ্যনছ

 



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate