অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

কিডনি ৰোগগ্ৰস্ত হ’লে শৰীৰে তিনিটা সংকেত দিয়ে :

কিডনি ৰোগগ্ৰস্ত হ’লে শৰীৰে তিনিটা সংকেত দিয়ে :

 

এটা সুখী জীৱন-যাপনৰ কাৰণে শৰীৰটো সুস্থ কৰি ৰখাটো অতি দৰকাৰী কথা। যদি শৰীৰৰ কোনো এটা অংগ কিবা ৰোগত আক্ৰান্ত হয় বা অংগটোৱে স্বাভাৱিকভাৱে কাম-কাজ চলাই যাব নোৱাৰে, তেনেহ’লে ব্যক্তিজনে যথেষ্ট যন্ত্ৰণা ভুগিব লগা হয় আৰু জীৱন-যাপন কৰাটো দুৰ্বিষহ হৈ পৰে। সেই কাৰণে জীৱনটো স্বচ্ছন্দে চলাই নিবৰ কাৰণে সুস্বাস্থ্য প্ৰয়োজন।

আজিকালি মানুহৰ শৰীৰত কিবা নহয় কিবা ৰোগ হৈয়েই থাকে, কিন্তু সেই সময়মতে চিকিৎসা কৰাই থাকিলে কোনো ব্যক্তিয়ে যন্ত্ৰণাত ভুগিব লগা নহয়। কিছুমান ৰোগে শৰীৰত বাহ ল’লেও কোনো ধৰণৰ লক্ষণ প্ৰকাশ নেপায় যদিও দিন বাগৰাৰ লগে লগে ৰোগটোৰ ক্ৰিয়া বিস্তাৰিত হৈ যায় আৰু তাৰ ফলত ৰোগী হঠাৎ দুৰ্বল হৈ পৰে আৰু লগে লগে চিকিৎসা নললে ৰোগী শয্যাশায়ী হ’ব লগা হয়।

মানুহৰ শৰীৰত থকা কিডনি দুটাও কিবা কাৰণত ৰোগগ্ৰস্ত হৈ পৰিলে লগে লগে বিশেষ চকুত পৰাকৈ কোনো ধৰণৰ বাহ্যিক লক্ষণ প্ৰকাশ নেপায়। কিন্তু কিডনি ৰোগগ্ৰস্ত হৈ পৰিলে শৰীৰ তন্ত্ৰই কেইটিমান স্পষ্ট সংকেত দিয়ে। সেই সংকেতকেইটা যদি ৰোগীয়ে বিশেষ গুৰুত্ব সহকাৰে লয়, তেনেহ’লে চিকিৎসকৰ পৰামৰ্শ লগে লগে ল’ব লাগে আৰু ৰোগীৰ যন্ত্ৰণাও বহুখিনি লাঘৱ হয়।

শৰীৰে দিয়া সংকেত কেইটা -

ৰক্তচাপ বৃদ্ধি পায়:

স্বাভাৱিক সুস্থ ব্যক্তি এজনৰ যদি হঠাতে ৰক্তচাপ অভাৱনীয়ভাৱে বৃদ্ধি পায়, তেনেহ’লে তেওঁৰ কিডনি দুটা কিবা ৰোগত আক্ৰান্ত হৈছে বুলি সন্দেহ কৰিব লাগে। যদি লোকজনৰ ৰক্তচাপ বাৰে বাৰে বাঢ়ি যোৱাটো প্ৰমাণিত হয়, তেনেহ’লে খুব সোনকালে চিকিৎসকৰ ওচৰলৈ গৈ পৰামৰ্শ ল’ব লাগে। চিকিৎসকৰ পৰামৰ্শমৰ্মে তেওঁ প্ৰয়োজনীয় পৰীক্ষাবিলাকো কৰাব লাগে। কাৰণ ৰোগীৰ সঘনাই ৰক্তচাপ সঘনাই ৰক্তচাপ বৃদ্ধি পোৱাটো কিডনি ৰোগৰ সংকেত হ’ব পাৰে।

কমকৈ প্ৰস্ৰাৱ হোৱা:

যদি স্বাভাৱিক সুস্থ ব্যক্তি এজনৰ প্ৰস্ৰাৱৰ পৰিমাণ আৰু প্ৰৱণতা কমি যায়, তেনেহ’লে সন্দেহ কৰিব লাগে যে তেওঁৰ কিডনি দুটা কিবা ৰোগত বা বিসংগতিত আক্ৰান্ত হৈছে। এনে অৱস্থা হ’লে বহুতে আকৌ গৰমৰ কাৰণে এনে হৈছে বুলি ভাবি লয় আৰু চিকিৎসকৰ ওপৰলৈ নোযোৱাকৈ থাকে। কিন্তু কমকৈ প্ৰস্ৰাৱ হোৱা বিকাৰ যদি সঘনাই হৈ থাকে বা দীৰ্ঘ সময় ধৰি হৈ থাকে, তেনেহ’লে সেয়া কিডনি ৰোগাক্ৰান্ত হোৱাৰ সংকেত বুলি বুজিব।

ৰক্তাল্পতা:

কিডনি ৰোগক্ৰান্ত হ’লে ব্যক্তিজনৰ শৰীৰত তেজ কমি যোৱা দেখা যায়। ৰোগীৰ মুখমণ্ডল নিস্তেজ আৰু শেঁতা পৰা চকুত পৰে। এজন স্বাভাৱিক সুস্থ ব্যক্তিৰ শৰীৰত বিশেষ কোনো কাৰণ নেথাকিলে তেজ কমি নেযায়। কিন্তু ব্যক্তিজনৰ শৰীৰত বাৰে বাৰে তেজ কমি যোৱাৰ লক্ষণ দেখা পালে কিডনি বেয়া হোৱাৰ সংকেত বুলি বুজিব আৰু লগে লগে চিকিৎসকৰ ওচৰলৈ যাব।

উৎস: স্বাস্থ্য আৰু দীৰ্ঘজীৱন



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate