নাকেৰে তেজ ওলোৱাক চিকিৎসা শাস্ত্ৰত “EPISTAXIS” বোলা হয়। ই কোনো ৰোগৰ লক্ষণ বুলিহে ধৰা হয়। ইয়াৰ কাৰণবোৰ এনেধৰণৰ –
- জন্মগতভাৱে হোৱা নাকৰ ৰোগ।
- দুর্ঘটনা–
(ক) দুর্ঘটনাবশতঃ নাকৰ হাড় ভগা।
(খ) নাকৰ কোনো অস্ত্ৰোপচাৰৰ পাছত।
(গ) নাকত কোনো বস্তু সোমালে।
- নাকৰ ৰোগ, যেনে- Acute Rhinitis, ফাংগাচৰ সংক্রমণ, কিছুমান টিউমাৰ, যেনে— Haemangioma, papilloma, carcinoma, নাকৰ মাজৰ Septum—খনৰ বিসংগতি, DNS (Deviated nasal Septum), চাইনুচাইটিছ আদি।
দেহৰ অন্য ৰোগৰ কাৰণ হিচাপেও নাকৰ পৰা তেজ ওলাব পাৰে।
- উচ্চ ৰক্তচাপ।
- বৃক্ক (Kidney)আৰু লিভাৰৰ অসুখ হ’লে।
- হৃদৰোগ, যেনে- Mitral Stenosis।
- বীজাণুৰ পৰা হোৱা ৰোগ, যেনে— টাইফয়েড, ডিপথেৰিয়া আদি।
- তেজৰ ৰোগ Haemophilia, Leukaemia (তেজৰ কেন্ছাৰ)।
চিকিৎসা
ৰোগৰ কাৰণ নির্ণয় কৰি চিকিৎসা কৰিব লাগে।
তাৰ বাবে পৰীক্ষা-নিৰীক্ষা কৰা দৰকাৰ।
- ৰোগীক বিছনাত শুৱাই দিব লাগে। মূৰৰ অংশ ওখ কৰি নাকত কাপোৰেৰে বৰফ লগাব লাগে।
- নাক পৰিষ্কাৰ কৰি সোপা দিব লাগে (Nasal Pack)।
- তেজ তেতিয়াও বন্ধ নহ’লে ‘ভিটামিন কে’ৰ বেজি, কেলচিয়াম আদি দিয়া হয়।
- তেতিয়াও তেজ নৰ’লে ই এন টি বিশেষজ্ঞক দেখুৱাব লাগে।
- কেতিয়াবা তেজ বেছি গ’লে Blood Transfusion কৰিব লগা হ’ব পাৰে।
তেজ ওলাই নথকা অৱস্থাত বিভিন্ন পৰীক্ষা কৰি ৰোগৰ কাৰণ নির্ণয় কৰিব লাগে।
- DNS থাকিলে অস্ত্ৰোপচাৰ।
- টিউমাৰ থাকিলে অস্ত্ৰোপচাৰ। Biopsy কৰা পাছত কেন্ছাৰ বুলি ধৰা পৰিলে Chemotherapy আৰু Radiotherapy দিয়া হয়।
- নাকৰ ভিতৰৰ Littles Area- ৰ পৰা তেজ ওলালে Electrocoagulation কৰা হয়। মুঠতে নাকেৰে তেজ ওলালে ইয়াৰ কাৰণ নির্ণয় কৰি চিকিৎসা কৰা দৰকাৰ। নাক-কাণ-ডিঙি (ENT) বিশেষজ্ঞই দিয়া পৰামৰ্শমতে চিকিৎসা কৰিলে আৰোগ্য হ’ব।
লিখক: ডা: দুৰ্লভ বৰুৱা, দৈনিক জনমভূমি।
শেহতীয়া উন্নীতকৰণ: : 1/19/2024
0 ratings and 0 comments
Roll over stars then click to rate.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.