অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

চকুৰ নিয়মিত যত্ন

কেঁচা আলু ৰুকি দৈৰ লগত মিহলাব। এখন কাপোৰত বান্ধি চকুৰ পতাত ওপৰত থৈ দিব। এইদৰে নিয়মিত কৰিলে চকুযুৰিয়ে আৰাম পাব। এই মিশ্ৰণ চকুৰ পতাত লগোৱাৰ আগতে জজ’বা ক্ৰীম বা তেল লগাই ল’ব।

চকুৰ কাষত পৰা বয়সৰ ছাপ কমাবলৈ

চকুৰ কাষৰ পৰা বয়সৰ ছাপ কমাবলৈ গোলাপৰ তেল আৰু গাজৰৰ তেল মিহলাই সদায় চকুৰ গুৰি মালিচ কৰিব। ইয়াৰ ফলত ছালৰ ৰ্ং বগা হ’ব আৰু নমনীয়তা বৃদ্ধি পাব। ফলত নিয়মিত ব্যৱহাৰৰ দ্বাৰা বয়সৰ ছাপ কমি যাব। গাজৰৰ গুটি গোলাপ জলত তিয়াই বটি লৈও চকুৰ কাষৰ অংশ উন্নত হ’ব।

ভাগৰুৱা চকুৰ আৰাম

ভাগৰুৱা চকুৰ বাবে টি টি তেল দুই টোপাল, এচামুচ গ্ৰীন টি সিজোৱা পানীত মিহলাই ল’ব। এতিয়া এই মিশ্ৰণ চকুৰ পতাত কপাহৰ সহায়ত লগাই থৈ দিব। ই চকুৰ উজ্জ্বলতা বঢ়াব। ইয়াৰ বাহিৰে দুই চামুচ পাউদাৰ গাখীৰত তিঁয়হৰ ৰস মিহলাই ল’ব। মৌ এচামুচ লগাই চকুৰ পতাত ২০ মিনিটৰ বাবে লগাই থ’ব। ই চকুযুৰিক আৰাম দিয়াৰ লগতে বিভিন্ন সমস্যা নাইকিয়া কৰে।

উৎস: অসমীয়া প্ৰতিদিন।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate