পকা আমৰ লগত দৈৰ ওপৰত পৰা চামনি মিহলাই ছালত লগালে ছাল মিহি আৰু কোমল হয়। ছালৰ বৰণ বগা হয়।
যিসকলৰ শালমইনা থাকে আৰু শালমইনাৰ দাগ থাকি যায় তেওঁলোকে পকা অমিতা ধুই বাকলি এৰুৱাই ল’ব। সমান পৰিমাণত মিথি পাউদাৰ মিহলাই গোটেই মুখ, ডিঙি আৰু হাতত লগাব। ১৫ মিনিটৰ পাছত পানীৰেই ধুই দিব। পকা অমিতাত পাপেইন এনজাইম থাকে। ই ছালৰ বৰণ বগা কৰে। ছালৰ বেক্টেৰিয়া নাশ কৰে। ফলত শালমইনা নাইকিয়া হ’বলৈ লয় আৰু তাৰ দাগো কমি আহে।
তেলেতীয়া ছালৰ বাবে আঙুৰৰ ৰসো উত্তম। আঙুৰ ভালদৰে ধুই পিটিকি ল’ব। ইয়াৰ লগত মৌ মিহলাব। দুয়োটাৰ মিশ্ৰণ ছালত ১৫/২০ মিনিটমান লগাব। পাছত ঠাণ্ডা পানীৰে ধুই দিব। সদায় ব্যৱহাৰ কৰিলেও ছালৰ ক্ষতি নহয়। ইয়াক পৰিষ্কাৰকৰণৰ আহিলা হিচাপেও ব্যৱহাৰ কৰিব পাৰি।
যিসকলৰ পিগমেণ্টেচনৰ দাগ থাকে তেওঁলোকে আনাৰসৰ ৰসৰ লগত দৈৰ পানী সমানে মিহলাই ল’ব। পাছত কপাহ তিয়াই অলপ চেপি মুখ, ডিঙি আৰু হাতত লগাব। এইদৰে দিনটোত দুবাৰকৈ লগালেও দাগৰ পৰিমাণ কমিব। কিন্তু পিগ্মেণ্টেচন আমাৰ শৰীৰৰ বিভিন্ন অসুবিধাৰ বাবেও হয়। এবাৰ ডাক্তৰৰ পৰামৰ্শ লৈ ভিতৰুৱা অসুবিধা দূৰ কৰাৰ বাবে চেষ্টা কৰিব।
ষ্ট্ৰ’বেৰী খুব বেছিকৈ অসমত পোৱা নাযায় যদিও শীতৰ দিনত শ্বিলঙৰ পৰা অসমলৈ ষ্ট্ৰ’বেৰী আহে।
মুখৰ ছালত থকা অতিৰিক্ত তেল নাশ কৰাৰ বাবে এটা আপেল ৰুকি লৈ মৌৰ লগত নিতৌ লগাব। ছালৰ বৰণ বগা আৰু মিহি হ’ব। ছালৰ মৃসণতা বাঢ়িব। ছালত তেলেতীয়া ভাৱ নাথাকিব।
কিৱি যদিও অসমত পোৱা নাযায়, ইয়াক ব্যৱহাৰ কৰিও ছালৰ ৰং বগা কৰিব পাৰি।
তৰমুজৰ ৰস কপাহৰ দ্বাৰা ছালত ১৫ মিনিটমান লগাব। পাছত পানীৰেই ধুই দিব। ই আৰ্দ্ৰতা ধৰি ৰখাত সহায় কৰে। ছাল সতেজ কৰি বগা কৰাত সহায় কৰে। ইয়াৰ লাইকোপেন (DLYCOPENE) থাকে। ফলত ছালক সূৰ্যৰ আল্ট্ৰা ভায়’লেট ৰে’ৰ পৰা ৰক্ষা কৰে।
আটলছ
আটলছৰ দ্বাৰা ছালৰ স্ক্ৰাব কৰিব পাৰি।
আখৰোট
আখৰোটৰ দ্বাৰা ছালৰ মৃত কোষ পৰিষ্কাৰ কৰিব পাৰি।
লেখিকা: ভানু শৰ্মা, অসম বাণী।
শেহতীয়া উন্নীতকৰণ: : 5/23/2020
উৎকৃষ্ট ফল তিয়ঁহ
আশানুৰূপ ফল পাইছে শিৱসাগৰৰ আব্দুল কাদিৰে
আমলখি
অমৰাৰো আছে ভাল গুণ