শালমইনা ৰোধৰ টিপ্‌ছ

• চাফা পানীত দুচামুচ নেমুৰ ৰস মিলাই দিনটোত তিনিবাৰ মুখখন ধুব।

• গা ধোঁৱাৰ আগতে মুখত ভাল মুলটানি মাটি আৰু চন্দন মিহলাই লেপন দি ১০ মিনিটৰ পিছত মুখখন ধুই দিব।
• গৰু গাখীৰৰ লগত এচামুচ চন্দন, এচামুচ হালধি গুড়ি মিহলাই মুখত প্ৰলেপ লগাই লাহে লাহে মালিচ কৰি শুই থাকক। পুৱা ভালদৰে মুখখন ধুব।
• যিসকলৰ মুখত শালমইনা পকি থাকে, তেনে লোকে পকা বিলাহীৰ ৰস শালমইনাৰ ওপৰত সানি থ’ব, লাহে লাহে শুকাই যাব।
• শালমইনাৰ দাগ গুচাবলৈ কেঁচা হালধিৰ ৰস, তুলসীৰ ৰস আৰু মৌ একেলগে মিলাই দাগসমূহৰ ওপৰত লগালে দাগ নাইকিয়া হয়।
• পকা অমিতাৰ ৰস মুখত সানিলে শালমইনাৰ দাগ নাইকিয়া হয় আৰু মুখৰ ৰং উজ্জ্বল হয়।
• মহানিমৰ পাতৰ গুড়ি পানীত মিহলাই শালমইনা ধুলে শালমইনা বহি যায়।
• ছালকুঁৱৰীৰ বীজ শালমইনাত সানিলে ভাল হয়।

কি খাব লাগে

• ঠাণ্ডা পানী দিনটোত কমেও তিনি লিটাৰ খাব লাগে।
• ফলৰ ৰস (সতেজ), শাক-পাচলি যথেষ্ট পৰিমাণে খাব লাগে।
• আমলখি নিতৌ খাব লাগে।
• ৰাতি শোৱাৰ আগতে ত্ৰিফলা দুচামুচ এগিলাচ পানীত মিহলাই খাব লাগে।

কি খাব নালাগে

• তেল, ঘিউ, মাখন, মছলাজাতীয় খাদ্য পৰাপক্ষত খাব নালাগে।
• চৰ্বিজাতীয় খাদ্য অধিক খাব নালাগে।
• ছালত যিকোনো ক্ৰীমৰ প্ৰলেপ সানিব নালাগে সেইদৰে বেছি পৰিমাণৰ পাউদাৰ সানিব নালাগে।
• টোপনি ক্ষতি কৰিব নালাগে।
• চাহ, কফি, মাদক দ্ৰব্য গ্ৰহণ কৰিব নালাগে।

উৎস: সম্ভাৰ।