অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

পিত্তশিলা আৰু ইয়াৰ বিকল্প চিকিৎসা

আমাৰ বুকুৰ সোঁফালৰ কামিহাড়বোৰৰ ঠিক তলতেই যকৃতৰ অৱস্থান। এই যকৃতৰ ভিতৰতেই পিত্তথলী বা পিত্তকোষ থাকে । এই পিত্তকোষত উত্পন্ন হোৱা পাত্থৰ বা শিলক পিত্তশিলা বোলা হয়।

পিত্তশিলাৰ আকাৰ আৰু সংখ্যা

পিত্তকোষৰ ভিতৰত এনেধৰণৰ শিল এটাৰপৰা এহেজাৰটালৈকে হ`ব পাৰে ।পিত্তশিলাৰ সংখ্যা যিমানেই বেছি হয়, সিহঁতৰ আকাৰ সিমানেই সৰু হয়। যদি একেটাই মাত্ৰ শিলা হয়, তেন্তে তাৰ আকাৰ থলী বা কোষটোৰ সমানেই হয়গৈ । আনহাতে সংখ্যাত অধিক হ`লে বালিকণাৰ দৰে অতি ক্ষুদ্ৰও হ`ব পাৰে।
পিত্তশিলাবোৰ আকাৰত সৰু হলে ভাল। কাৰণ সৰু সৰু শিলাবোৰে কোনোধৰণৰ অনিষ্ট নকৰি বহুদিন ধৰি পিত্তকোষৰ ভিতৰতে থাকি যায় । তদুপৰি অতি ক্ষুদ্ৰ শিলাবোৰ কমন বাইল-ডাক্টৰ ভিতৰেৰে আহি ক্ষুদ্ৰান্ত্ৰত প্ৰবেশ কৰে আৰু তাৰপৰাই মলৰ সৈতে বাহিৰলৈ নিৰ্গত হয়। অথচ এই ক্ৰিয়া-প্ৰক্ৰিয়াৰ বিষয়ে ৰোগীয়ে কিঞ্চিতমানো গম নপায়।

কমন বাইল-ডাক্টনো কি?

আমাৰ যকৃতৰ গাত এক-ডেৰ ইঞ্চি দীঘল এডাল নলী আছে । এই নলীডালক হেপাটিক ডাক্ট বা যকৃত-নলী বোলা হয় । আনহাতে পিত্তকোষৰ গাতো দুই-আঢ়ৈ ইঞ্চি দীঘ্ল এডাল নলী আছে । এই নলীডালক পিত্তাশয় বাহিনী বোলা হয় । এই দুয়োডাল নলীৰ মুৰ দুটা আহি একেঠাইতে সংযুক্ত হৈ এডাল উমৈহতীয়া নলীত পৰিণত হৈছে । এই উমৈহতীয়া পিত্তনলীডালকেই কমন বাইল-ডাক্ট বোলা হয়।

পিত্তকোষৰপৰা পিত্ত বাহিৰ হৈ পিত্তনলীৰে ক্ষুদ্ৰান্তত পৰে । এই পিত্তৰসৈতে পিত্তশিলা বাহিৰ হৈ আহিiলে, শিলা যদি ডাঙৰ হয় তেন্তে ভয়ানক যন্ত্ৰণাৰ সৃষ্টি হয়।

পিত্তশূলৰ লক্ষণ

যকৃতৰ স্থানত অতি যন্ত্ৰণাদায়ক আৰু অসহ্যকৰ বিষ উত্পত্তি হয় । বিষ যিকোনো সময়তেই হব পাৰে যদিও সাধাৰণতে আহাৰ গ্ৰহণৰ দুই-তিনি ঘণ্টা পিচতহে হয় । বিষ যকৃতৰ স্থানৰপৰা আৰম্ভ হৈ ক্ৰমান্বয়ে ওপৰৰ ফাললৈ অৰ্থাত সোঁকান্ধলৈকে বিস্তৃত হয়। কেতিয়াবা আকৌ গোটেই পেটটোতে বিষ বিয়বি পৰে । সোঁকান্ধৰপৰা গোটেই সোঁহাতখনতে আৰু পিচলৈ বাঁও কান্ধলৈকে বিষ বিয়পিব পাৰে । যকৃত¬ অঞ্চলত বিষ বাঢ়ে আৰু যকৃত স্ফীট হয় । নাড়ীৰ স্পন্দন অতি ক্ষীণ হয়, শৰীৰ চেঁচা পৰে, প্ৰায়ে ঘাম ওলায় । জ্বৰ থাকে, জ্বৰ ১০২°-১০৩° পৰ্যন্ত বাঢ়ে । যেতিয়ালৈকে পিত্তশিলা অন্ত্ৰত গৈ নপৰে তেতিয়ালৈকে এনেধৰণৰ যন্ত্ৰণা হৈ থাকে । পিত্তশিলা অন্ত্ৰত গৈ পৰাৰ লগে লগে যন্ত্ৰণাৰ উপশম হয় আৰু ৰোগীৰ গভীৰ টোপনি আহে ।
কেতিয়াবা আকৌ ৰোগীৰ প্ৰবল বমি হয়। বমিৰ পিচতে যন্ত্ৰণাও কমি যায় । ইয়াৰ কাৰণ, বমি কৰোঁতে বমন ক্ৰিয়াৰ ফলত পিত্তনলীডাল ঢিলা হয় । ফলস্বৰূপে শিথিল পিত্তনলীৰে শিলাবোৰ পুনৰ উভতি আহে অথবা শিথিলতাৰ ফলত শিলাবোৰে নলীৰ বেৰত বিষ-যন্ত্ৰণা সৃষ্টি কৰিব পৰাকৈ চাপ দিব নোৱাৰে ।
শিলবোৰ যদি অতি সৰু হয়, তেন্তে একপ্ৰকাৰ মিৰ মিৰ কৰা বিষৰ উত্পন্ন হব পাৰে ।এনেধৰণৰ পিত্তশিলাক গুটিকাশ্ম বোলা হয় । গুটিকাশ্ম হলে যকৃতৰ স্থানত হেঁচি দিলে বিষ বাঢ়ে, সামান্য পৰিমাণে জণ্ডিছৰ নিচিনা হয়, পৰিপাক শক্তিৰ খেলিমেলি হয়, অজীৰ্ণতাই দেখা দিয়ে, আবেলি বা সন্ধিয়া জ্বৰ জ্বৰ ভাব ইত্যাদি লক্ষণ পৰিলক্ষিত হয় ।

পিত্তশিলাৰোগৰ পথ্য

পিত্তশিলাৰোগীক তেল আৰু চৰ্বিজাতীয় আহাৰ অতি কমাই খুৱাব লাগে । মা-মছলা আৰু জ্বলা একেবাৰে খাব দিব নালাগে । বেছিকৈ তেল-চৰ্বিজাতীয় আহাৰ, শাক-পাচলি, ফল-মূল, জ্বলা-মছলা খোৱাৰ ফলত অজীৰ্ণ অৰুচি বৃদ্ধি হোৱাৰ সম্ভাবনা অতি প্ৰৱল হৈ পৰে । দাইল,ডাঙৰ মাছ, দৈ গাখীৰ, টেঙা, কেঁচা আৰু চেঁচা বস্তু খাব দিব নালাগে ।মৈথুন, পৰিশ্ৰম, শোক, ক্ৰোধ আদি একেবাৰে নিষিদ্ধ।

পিত্তশূলৰ চিকিৎসা

পিত্তশূল নিবাৰণ আৰু পিত্তশিলা বিনা অস্ত্ৰোপচাৰে নিৰ্গমনৰ বাবে হোমিঅ`পেথি হৈছে উত্কৃষ্টমানৰ চিকিত্চা পদ্ধতি । এই পদ্ধতিত অতি সহজে আৰু কম সময়তে পিত্তশিলা পিত্তথলীৰ পৰা বাহিৰ কৰি আনিব পাৰি । লক্ষণ আৰু প্ৰকৃতি অনুযায়ী কলেষ্টিৰিনাম, চেলিড`নিয়াম, বাৰ্বাৰিজ ভালগাৰিজ, ছায়না, কেল্কেৰিয়া কাৰ্ব, ইথাৰ, মেগ ফছ ইত্যাদি প্ৰয়োগ কৰিব পাৰি ।

লিখক: ৰফিক আলী।

শেহতীয়া উন্নীতকৰণ: : 4/22/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate