অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

উপকাৰী অমিতা :

উপকাৰী অমিতা :

 

তিনিটা আখৰৰ সমষ্টি। যাৰ নাম অমিতা। সুস্বাস্থ্য ৰক্ষাৰ কাৰণে অমিতা বৰ উপকাৰী ব্যঞ্জন। অমিতা একাংশ মানুহৰ অতিশয় প্ৰিয় ব্যঞ্জন আৰু একাংশই চকু পাৰি দেখিবই নোৱাৰে। সি যি কি নহওক, নিত্য-নৈমিত্তিক অমিতাৰ ব্যঞ্জন খাবলৈ অভ্যাসকণ কৰক। ই বৰ উৎকৃষ্ট আঞ্জা। পেটৰ বাবে অমিতাক সৰ্বশক্তিমান ভগৱানৰ অমৰ দান বুলি ক’লেও অত্যুক্তি কোৱা নহয়।

পেটৰ বিভিন্ন ৰোগ নিৰ্মূলকৰণৰ বাবে অমিতা পৰম উপকাৰী। ইয়াক কোনেও নুই কৰিব নোৱাৰে। অমিতাৰ ব্যঞ্জনে মানৱ জাতিৰ পাচনতন্ত্ৰক অহৰ্নিশে সুস্থ-সবল কৰি ৰাখে। অৰুচি, কাহ, চৰ্দি, অনিদ্ৰা, মূৰৰ বিষ, পেটচলা ৰোগৰ বাবে পকা অমিতাৰ ৰস বৰ দৰকাৰী। ইয়াৰ কোনেও অস্বীকাৰ কৰিব নোৱাৰে। অমিতাৰ ৰস সেৱন কৰি পচা উগাৰ আদি নিৰ্বাণ লাভ কৰে। হৃদৰোগৰ বাবে অমিতা উপাদেয়।

অমিতা খাৰৰ আঞ্জা বৰ সোৱাদ লগা। মাছ আৰু মাংসৰ সৈতেও মিহলাই আঞ্জা ৰান্ধি খাব পাৰি। ই কফজনিত ৰোগৰ মহৌষধ। কৈ থাকো মানে অমিতাৰ গুণৰ কথা ওৰকে নপৰে। অমিতা গছৰ পাতে উচ্চ ৰক্তচাপ(high blood pressure) নিয়ন্ত্ৰণ কৰাত সহায় কৰে।

তদুপৰি হৃদস্পন্দন নিয়মীয়া কৰণত বিপুল সহায়ক। ভিটামিন, এ বি ডি, প্ৰ’টিন, কেলচিয়াম আৰু লৌহ পদাৰ্থ সৰহ পৰিমাণে থাকে। পুৰুষ বীৰ্য শ্ৰীবৃদ্ধি কৰে। মানসিক আৰু বাত বিষ প্ৰভৃতিও নিৰাময় কৰে। ঘা শুকাবলৈ হ’লে অমিতাৰ ব্যঞ্জন খাওক।

কি চমকপ্ৰদ ফলাফল। দেখিলে আপুনি আচৰিত হ’ব। অসমৰ মাটি অমিতাৰ খেতিৰ বাবে উপযোগী। গ্ৰহণী আৰু প্ৰস্ৰাৱ বেছি হ’লে অমিতাৰ দ্বাৰাই নিৰাময়। হয়। পকা অমিতাই হজম শক্তি বৃদ্ধি কৰে, ভোক লগায়। মেদবহুলতা ৰোগৰ ঔষধ। হজম শক্তি নিয়মীয়াকৰণৰ বাবে অমিতাৰ তৰকাৰী উপাদেয়। ইয়াত পেপচিন নামৰ এবিধ পদাৰ্থৰে পৰিপূৰ্ণ।

দাইলৰ তৰকাৰিতো অমিতা দিব পাৰি। দোভাগ ৰাতিৰ ব্যঞ্জন। একো তৰকাৰি নহ’লেও অমিতা পাৰি আনি ৰান্ধি খাব পাৰি। ই মানুহৰ শৰীৰৰ ওজন হ্ৰাস কৰে। স্মৃতিশক্তি বৰ্ধন কৰে। অমিতাৰ ব্যঞ্জনে বহু ৰোগ নিৰ্মূল কৰে। অমিতাৰ খেতি কৰি স্বাৱলম্বী হ’ব পাৰি। পুখুৰী পাৰত অমিতাৰ খেতি কৰক আৰু প্ৰগতিৰ পথ দেখুৱাব। ই কষ্টহীন খেতি।

লেখক: নুৰুদ্দিন আহমেদ(অসম বাণী)



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate