অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

কণীৰ উৎপাদন বঢ়াওক

কণীৰ উৎপাদন বঢ়াওক

এগৰাকী ভাৰতীয় বছৰি ১৮৩ টা কণী খাদ্য হিচাপে গ্ৰহণ কৰা প্ৰয়োজন । অথচ ভাৰতত জনমূৰি আয়ৰ তুলনাত কণী উৎপাদন হয় ৪০ টাতকৈও কম । ইয়াৰ বিপৰীতে এই হাৰ আমেৰিকাত ২৫৫ টা, ব্ৰাজিলত ৩৫৫ টা আৰু জাপানত ৩২৫ টা । এইবোৰ দেশৰ তুলনাত ভাৰতৰ অৱস্থা যে অতি দুখ লগা সেই কথা অতি স্পষ্টকৈ ওলাই পৰে । আমাৰ দেহৰ বাবে প্ৰয়োজনীয় প্ৰায় সকলো উপাদানে কণীত থকাৰ লগতে কণীৰ প্ৰ’টিনভাগত আৱশ্যকীয় এমাইনো এচিড থকা বাবে ই প্ৰ’টিনৰ এটা প্ৰধান উৎস । মাছত যকৃতৰ তেলৰ আন এনে কোনো উপাদান নাই , য’ত কণীতকৈ ভিটামিন –ডি পোৱা যায় । কণীৰ কুহুমে আমাক ভিটামিন-এ, চৰ্বি, লো, থায়’মিন আৰু কণীটোৰ মুঠ প্ৰ’টিনৰ তিনি ভাগৰ এক অংশ তথা মুঠ কেলৰিৰ চাৰিভাগৰ তিনি অংশ যোগান ধৰে । কণীৰ বগা অংশই আমাক ভিটামিন-বি, ৰাইবোফ্লেবিন যোগান ধৰাৰ উপৰি কণীটোৰ সৰহভাগ প্ৰ’টিন যোগান ধৰে । ইমানবোৰ উপাদান থকা বাবেই কণীটো অত্যাৱশ্যকীয় খাদ্য হিচাপে চিহ্নিত হৈছে । অন্যহাতে উৎপাদন কম বাবেই কণীৰ দামো অত্যধিক । এটা কণী সদায় খোৱাটো বহুতৰে ক্ষেত্ৰত সম্ভৱ নহয় । কণীৰ উৎপাদন বঢ়াবলৈ হ’লে যিবোৰ চৰাইৰ কণী আমি খাদ্য হিচাপে গ্ৰহণ কৰো, সেই চৰাইবোৰ পুহিব লাগিব । এইটো সম্পূৰ্ণ নিৰ্ভৰ কৰিব মানুহৰ ওপৰত । সেয়ে কণীৰ সংখ্যা বৃদ্ধি কৰাৰ ওপৰত সকলোৱে গুৰুত্ব দিয়া প্ৰয়োজন ।

ভাৰতবৰ্ষৰ আৰ্থ-সামাজিক দিশটো অনুন্নত । কণীৰ দৰেই প্ৰতিজন মানুহেই গাখীৰ খোৱাও প্ৰয়োজন । এটি শিশুৱে জন্ম হৈয়েই মাতৃৰ গাখীৰ আহাৰ হিচাপে গ্ৰহণ কৰে । বয়স বাঢ়ি অহাৰ লগে লগে শিশুৱে অন্য গাখীৰ খাদ্য হিচাপে গ্ৰহণ কৰিব পাৰে । গাখীৰ সকলোবোৰ উপৰিহাৰ্য উপাদান থকা একক খাদ্য । গাখীৰত অধিক পৰিমাণে এমাইনো এচিড থাকে বাবে প্ৰ’টিন-কেলৰিৰ অনুপাত উন্নত মানৰ । এই গাখীৰৰো উৎপাদন ভাৰতবৰ্ষত অতি কম । ভাৰতবৰ্ষৰ অন্য ৰাজ্যৰ তুলনাত অসমৰ অৱস্থা আৰু শোচনীয় । সেয়েহে কণীৰ লগতে গাখীৰৰ উৎপাদনৰ ওপৰতো সৰ্বাধিক গুৰুত্ব দিয়া প্ৰয়োজন ।

উৎস – জি এনআৰচি স্বাস্থ্য



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate