অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

তুলসী

তুলসীৰ পাত-ফুল ছাল-চুলিৰ পক্ষে ভাল। বিশেষকৈ যদি বীজাণু, কীটানু, ওকণি আদি হয়। কোনো সংক্ৰামক সমস্যা হয়। সংক্ৰামণ হ’লে চুলিৰ উফি হ’ব পাৰে, ছালৰ খজুৱতি হয়। শালমন- গুটি আদি ওলায়। চকলা-চকলকৈ ছালত বগা চুম পৰে। এনেবোৰ সমস্যাত তুলসীৰ গুণকাৰী উপাদানৰ সহয় ল’ব লাগে।

শালমন

 

তুলসী-চন্দন কাঠৰ লগত মিহিকৈ পিহিব। তুলসীৰ এই প্ৰলেপ ছালত ৰাখিব। ২০ মিনিটমান ৰাখি থ’ব। পানীৰে ধুব। দিনত দুবাৰকৈ লগাব। লগতে নিতৌ ৰাতিপুৱা খালি পেটত ২০ খিলাকৈ তুলসীৰ পাত খাব, এগিলাচ পানীৰ লগত।

বগা বেমাৰ(সংক্ৰামক)

তুলসীৰ পাত বা  ফুল গৰুৰ ঘীউৰ লগত মিহিকৈ পিহিব। ইয়াক বগাবোম পৰা অংশত লগাব ভাল পাব। লগতে ৰাতিপুৱা তুলসীৰ ফুল খালি পেতত ছাগলীৰ গাখীৰৰ লগত খাব। দহখিলাপাত দিনত তিনিবাৰকৈ খাব।

মূৰৰ উফি হ’লে তুলসী পাত পিহি চুলিৰ গুড়িত ভৰণ দিব। ১/২ ঘণ্টা ৰাখি পানীৰে ধুব। উফিৰ বাবে চুলি সৰিলেও এই ভৰণ লগালে সুফল পোৱা যায়।

চুলিৰ ওকণি

১/২ কাপ নাৰীকলৰ তেলত ২ মুঠি তুলসীৰ পাত ডুবাই থ’ব। কমেও আধাঘণ্টা ৰাখিব। এই তেল চুলিত লগাব। ১/২ ঘণ্টা ৰাখি মণিছালৰ গুটিৰে চুলি ধুব। চুলিৰ পৰা ওকণি নোহোৱা হ’ব।

মূৰৰ দুৰ্গন্ধ বা গাৰ দুৰ্গন্ধ হ’লেও উপৰোক্ত তুলসী তেল লগাই ১/২ ঘণ্টা ৰাখিব। পনী আৰু নীমযুক্ত চাবোনেৰে ধুলে দুৰ্গন্ধ নোহোৱা হ’ব।

নখত কণ পৰা

নখত কণ পৰিলে তুলসীৰ পাত আৰু জেতুকাৰ পাত আৰু জেতুকাৰ পাত সমপৰিমাণত মিহলাই কণপুকে মৰা মৰা নখত ১৫ নিশা লগাই ৰাখিব। সুফল পাব।

লিখকঃ শিৱাঙ্গী কাশ্যপ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate