অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

নয়নতৰা

নয়নতৰা

আপোনালোকে হয়তো মানুহৰ ঘৰৰ ফুলনি বাগিছাসমুহত ফুলি থকা নয়নতৰা বা পিৰালিসুন্দৰীৰ গছবোৰ দেখিছে । এই নয়নতৰা হৈছে এবিধ গুল্মজাতীয় উদ্ভিদ । ডিম্বাকৃতিৰ পাতেৰে সৈতে এই গছজোপা ১ মিটাৰ ওখ হয় । ইয়াৰ বৈজ্ঞানিক নাম 'Catharanthus Roseus' । ইয়াক ইংৰাজীত 'Madagaskar periwinkle','Old maid' আৰু 'Red periwinkle' নামেৰে জনা যায় । ফুলজাতীয় গছৰ অন্তৰ্ভূক্ত হলেও ই হৈছে এবিধ ঔষধি গুণযুক্ত উদ্ভিদ । ইয়াৰ পাত আৰু ফুলৰ সোৱাদ তিতা । ইয়াৰ ফুল বগা,গুলপীয়া, ঈষৎ বেঙুনীয়া আদি ৰঙত উপলব্ধ হয়, যদিও বগাবিধহে ঔষধ হিচাপে অধিক ব্যৱহৃত হয় । ইয়াৰ দ্বাৰা বিভিন্ন সৰুসুৰা ৰোগৰ লগতে কেঞ্চাৰ, ডাইবেটিচ আৰু মেলেৰিয়াৰ দৰে ৰোগৰ আয়ুৰ্ৱেদিক চিকিৎসা কৰা হয় ।

নয়নতৰাৰ ঔষধি গুণাগুণ
(১) নয়নতৰাৰ শিপা পিহি প্ৰস্তুত কৰা প্ৰলেপ প্ৰয়োগ কৰিলে কটা-ছিঙা, শাৰীৰক ঘাঁ আদি ভাল হয় ।
(২) যদি ব্লাড ডিচেণ্ট্ৰি হয়, তেন্তে নয়নতৰাৰ পাতৰ ৰস সেৱন কৰিলে আৰাম পোৱা যায় ।
(৩) নয়নতৰাৰ গাখীৰ শৰীৰৰ খৰ খজুৱতি হোৱা স্থানত লগাব পাৰি ।
(৪) মৃগীৰোগত নয়নতৰাৰ বীজৰ চূৰ্ণৰ সৈতে জালুক সিজাই প্ৰয়োগ কৰিলে সুফল পোৱা যায় ।
(৫) কেঞ্চাৰ আৰু ডাইবেটিচ ৰোগত নয়নতৰা উপকাৰী । ইয়াৰ ফুল আৰু পাতৰ ৰসে আমাৰ শৰীৰত কেঞ্চাৰৰ চেলচবিলাকৰ বৃদ্ধিত বাধা প্ৰদান কৰে আৰু বর্ধিত ৰক্তশৰ্কৰাৰ পৰিমাণ হ্ৰাস কৰে ।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate