অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

সুস্বাস্থ্য আৰু সৌন্দৰ্যৰ বাবে তেল

সুস্বাস্থ্য আৰু সৌন্দৰ্যৰ বাবে তেল

সুস্বাস্থ্য আৰু সৌন্দৰ্য ৰক্ষাৰ বাবে প্ৰাচীন কালৰে পৰা তেলৰ ব্যৱহাৰ হৈ আহিছে । প্ৰাকৃতিক তেল ব্যঞ্জন প্ৰস্তুতকৰণত ব্যৱহাৰ কৰাৰ উপৰিও মালিচ কৰাতো প্ৰয়োগ কৰা হয় । আয়ুৰ্ৱেদিক ঔষধ আদিতো বিবিধ প্ৰাকৃতিক তেল ব্যৱহাৰ কৰা হয় । জানো আহকচোন সুস্বাস্থ্য আৰু সৌন্দৰ্যৰ পৰিপূৰক হিচাপে আৱশ্যকীয় কেইবিধমান প্ৰাকৃতিক তেলৰ বিষয়ে

(১) তিল তেলঃ(Sesame Oil) - তিলৰ তেলৰ এক বিশেষ গুণ আছে । সেয়া হ'ল ই উচ্চ ৰক্তচাপ নিয়ন্ত্ৰণ কৰে । অন্যান্য প্ৰাকৃতিক তেলৰ ভিতৰত তিলৰ তেল স্বাস্থ্যৰ বাবে সৰ্বোত্তম । ই শক্তিবৰ্ধকো । তিলৰ তেলে বিভিন্ন ৰোগ নিৰাময় কৰাৰ লগতে ছালৰ সৌন্দৰ্য্যও বঢ়াই তোলে ।
(২) জলফাইৰ তেলঃ(Olive Oil) - জলফাইৰ তেল হৃদৰোগৰ বাবে উপযোগী । আয়ুৰ্ৱেদিক চিকিৎসা পদ্ধতিত জলফাইৰ তেল বেছিকৈ ব্যৱহাৰ কৰা হয় । ছালৰ সৌন্দৰ্য্য,কোমলতা আৰু উজ্জলতা অটুট ৰখাৰ ক্ষেত্ৰত এই তেলৰ তুলনা নাই । ই শৰীৰৰ কৃমি আৰু বীজাণু নাশ কৰাত সহায় কৰে । তদুপৰি শৰীৰৰ কোনো উখহা অংশ বা কটা ঘাত এই তেল লগালে ঘা শুকাই যায় ।
(৩) বাদামৰ তেলঃ(Almond Oil) - আয়ুৰ্ৱেদিক চিকিৎসা পদ্ধতিত বাদামৰ তেলৰ প্ৰয়োগ বৈদিক যুগৰে পৰা চলি আহিছে । সপ্তাহত দুবাৰকৈ বাদামৰ তেল গাত ঘঁহিলে ছালৰ সৌন্দৰ্য্য বাঢ়ে । ওঁঠৰ সৌন্দৰ্য্য বৃদ্ধিতো বাদামৰ তেল উপযোগী । হাত ভৰিৰ তলুৱা আৰু নাভিত বাদামৰ তেল লগালে শৰীৰলৈ সতেজতা আহে । শৰীৰৰ কোনো অংশ জ্বলা পোৰা কৰা ৰোগত বাদামৰ তেল লগালে সুফল পোৱা যায় । তদুপৰি বাদামৰ তেলে অনিদ্ৰা আৰু মানসিক দুঃচিন্তাও দূৰ কৰে ।
(৪) নিম তেলঃ(Neem Oil) - নিম তেলৰো আছে বিভিন্ন ঔষধি গুণ । ই ছালৰ সৌন্দৰ্য্য বৃদ্ধি কৰে আৰু ছালৰ ৰোগ দূৰ কৰে । পেটৰ অসুখতো নিমৰ তেল বৰ উপকাৰী । ই ডায়েৰিয়া আৰু কোষ্টকাঠিন্য ৰোগ দূৰ কৰাত বিশেষ ভূমিকা লয় । দাঁতৰ আলুৰ ৰোগ আৰু মুখৰ দূৰ্গন্ধ হলে নিমৰ তেল গাখীৰৰ লগত মিহলাই কুলকুলি কৰিলে ভাল হয় । কাণৰ বিষ হলে নিমৰ তেল টোপ টোপকৈ কাণত দিলে সুফল পোৱা যায় ।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate