অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ৰঙালাওৰ গুটিৰ ঔষধি গুণাগুণ :

ৰঙালাওৰ গুটিৰ ঔষধি গুণাগুণ :

 

ৰঙালাও গুটিত প্ৰচুৰ পৰিমাণে ভিটামিন বি কম্প্লেক্স , ভিটামিন C, ভিটামিন E, ভিটামিন K, প্ৰটিন,আঁহ ,(dietary fiber), আইৰণ, কেলচিয়াম, মেগনেছিয়াম, মেংগানিজ, ফচফৰাছ,জিংক, চডিয়াম, পতাচিয়াম থাকে যিবোৰ আমাৰ শৰীৰৰ বাবে অত্যন্ত উপকাৰী উপাদান।

পুষ্টিকাৰক ৰঙালাও গুটিৰ উপকাৰী গুণসমূহ তলত থুলমূলকৈ দাঙি ধৰা হৈছে -

(১)বিভিন্ন প্ৰকাৰৰ ভিটামিন বি কম্প্লেক্স, জিংক, এন্টিঅক্সিডেন্ট থকাৰ বাবে শৰীৰৰ ৰোগ প্ৰতিৰোধ ক্ষমতা (immunity) বৃদ্ধি কৰে। বৰ্ষা ঋতুৰ সময়ত হোৱা বিভিন্ন সংক্ৰামক ৰোগৰ পৰা শৰীৰক বচাই ৰাখে। সেয়েহে এই সময়ত ৰঙালাও গুটিৰ বিভিন্ন ব্যঞ্জন খাব লাগে।

(২)ইয়াত প্ৰচুৰ পৰিমাণে মেগনেছিয়াম, জিংক, এন্টিঅক্সিডেন্ট, আৱশ্যকীয় ফেটি এচিড থকা বাবে হাৰ্টৰ বাবে উপকাৰী । মেগনেছিয়াম থকা বাবে ব্লাড প্ৰেচাৰ নিয়ন্ত্ৰণ কৰে, হাৰ্ট এতেক, স্ট্রোকৰ সম্ভাৱনা দূৰ কৰি হাৰ্টৰ সুস্থ আৰু সৱল কৰি ৰাখে।

(৩)ডায়েবেটিচ ৰোগতো ৰঙালাও গুটি উপকাৰী। ইয়াত থকা কিছুমান বিশেষ যৌগ যেনে জিংক আদিয়ে তেজৰ শৰ্কৰা বা ব্লাড চুগাৰ নিয়ন্ত্ৰণ কৰাত সহায় কৰে।

(৪). পুৰুষৰ প্ৰষ্ট্ৰেট গ্ৰন্থিৰ সমস্যাত ৰঙালাও গুটি উপকাৰী। ইয়াত থকা জিংক প্ৰষ্ট্ৰেট গ্ৰন্থিৰ কাৰ্যক্ষমতা অটুট ৰাখে। তদুপৰি ইয়াত থকা DHEA ( Dehydro- epi- androstenedione) এ প্ৰষ্ট্ৰেট গ্ৰন্থিৰ কেঞ্চাৰ হোৱাতো বাধা দিয়ে।

(৫)মহিলাৰ ৰজোনিবৃত্তিৰ (menopause) সময়ত দেখা দিয়া বিভিন্ন সমস্যা দূৰ কৰাত ই সহায় কৰে। ইয়াত থকা অমেগা 3 আৰু অমেগা 6 ফেটি এচিড আৰু প্ৰাকৃতিক উপাদান ফাইট'ইস্ত্ৰজেনে (phytoesterogen) শৰীৰৰ বাবে উপকাৰী কলেষ্টেৰল HDL ৰ পৰিমাণ বৃদ্ধি কৰে আৰু অপকাৰী কলেষ্টেৰল LDL ৰ পৰিমাণ হ্ৰাস কৰে, গাঁঠিৰ বিষ, মূৰৰ বিষ,উচ্চ ৰক্তচাপ আদি বিভিন্ন ৰজোনিবৃত্তিজনীত সমস্যাসমূহ ( postmenopausal symptoms) দূৰ কৰে।

(৬)নিদ্ৰাহীনতা (Insomnia) দূৰ কৰাত ৰঙালাও গুটি খুৱেই উপকাৰী। ইয়াত থকা ট্ৰিপত'ফেন (tryptophan), জিংক আৰু মেগনেছিয়ামে নিদ্ৰাৰ বাবে উপকাৰী হৰম'ন প্ৰস্তুত কৰাত মূখ্য ভূমিকা পালন কৰে।

(৭)চুলি সৰা (hair fall) সমস্যাতো সুফল পোৱা যায়, কাৰণ ইয়াত বিভিন্ন প্ৰকাৰৰ ভিটামিন(ভিটামিন B, ভিটামিনC, ভিটামিনE আদি),প্ৰটিন, আইৰণ, জিংক ,কেলচিয়াম আদি আছে। চুলিৰ সুস্বাস্থ্যৰ বাবে ভিটামিন ,আইৰণ আৰু প্ৰটিনৰ খুব প্ৰয়োজন। লগতে চুলিকোচা স্বাস্থ্যবান আৰু উজ্জ্বল কৰাতো ই সহায় কৰে। পুৰুষৰ চুলি সৰা সমস্যাতো ৰঙালাও গুটি খালে সুফল পাব।

(৮)গাঁঠিৰ বিষত (Arthritis) ৰঙালাও গুটি উত্তম পথ্য।

(৯)ইয়াত থকা আঁহ বা ফাইবাৰে (dietary fiber)শৰীৰৰ অলাগতিয়াল চৰ্বি কমাই ওজন নিয়ন্ত্ৰণ কৰাত সহায় কৰে।

(১০)এন্টিঅক্সিডেন্ট আৰু ফাইবাৰ থকা বাবে যকৃত বা লিভাৰৰ বাবেও উপকাৰী।

ইমানবোৰ ঔষধি গুনেৰে ভৰপূৰ ৰঙালাও গুটি আমাৰ খাদ্য তালিকাত অন্তৰ্ভুক্ত কৰা উচিত। 
বি: দ্ৰ:-ৰোগত পথ্য অপথ্যৰ ভূমিকা নিশ্চয় আছে । সেয়েহে ৰোগ চাই খাদ্য গ্ৰহণ কৰা উচিত। পেটৰ বিভিন্ন অসুখত ভোগা ৰোগী, কিডনিৰ সমস্যাত ভোগা ৰোগী, গৰ্ভৱতী মহিলা, শিশুৱে ৰঙালাও গুটি সেৱন কৰোতে অলপ সাৱধান হোৱা উচিত।


লেখিকা: ডাঃ ৰেইনী দেৱী (আয়ুৰ্বেদিক চিকিৎসক)

ফোন নং 7399114617



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate