উন্নত চৌকাৰ নিৰ্মাণ প্ৰণালী

প্ৰথমে মাটিখিনি মিহি কৰি গোৱৰ, তুঁহ আৰু পানীৰ লগত এটা মিশ্ৰণ তৈয়াৰ কৰি ৰ’দ বৰষুণ নোহোৱা ঠাইত দুদিনমান থৈ দিব লাগে৷
চৌকা বনাবলৈ লোৱা ঠাইত ৯৪ ছে:মি: দীঘল, ৩৬ ছে:মি: বহল আৰু ২০ ছে:মি: ওখকৈ এটা দুই মূৰ খোলা কাঠৰ বাকচ বনাই লৈ মাটিৰ মিশ্ৰণখিনি হেচি ভৰাই দিব লাগে৷
মাটিৰ মিশ্ৰণটো টান হলেই নিদিষ্ট জোখত খৰি ভৰোৱা, ৰন্ধন কাৰ্য্য কৰাৰ বাবে বাচন বহোৱা আৰু ধোঁৱা ওলাবৰ বাবে বিন্ধা ৰখা ঠাই পৰা মাটি খিনি উলিয়াই পেলাব লাগে৷
১ নং বিন্ধাৰ পৰা ২ নং বিন্ধালৈ ৪৫0 কোন কৰি হাতখন সোমাব পৰাকৈ এটা ফুটা উলিয়াব লাগে আৰু ফুটাইদি এডাল ৭ ছে:মি: বহল আৰু ২৬ ছে:মি: দীঘল আন এডাল পাইপ ভৰাই দিব লাগে৷ ঠিক এনেধৰণেৰেই ২ নং বিন্ধাৰ পৰা ৩ নং বিন্ধালৈ ধোঁৱা ওলাবৰ বাবে আন এটা ফুটা কৰিব লাগে৷
৩ নং বিন্ধাটোত ধোঁৱা ওলাই যাবৰ বাবে চিমনী বহুৱাব লাগে৷ চিমনীৰ দৈৰ্ঘ্য কেতিয়াও ৬ ফুটৰ কম হব নালাগে আৰু ঘৰৰ চালৰ পৰা অতি কমেও ২ ফুট ওপৰত ওলাই থাকিব লাগে৷
চিমনীৰ ওপৰত বৰষুণৰ পানী আৰু জুই ফিৰিঙতি পাইপৰ ভিতৰত সোমাব নোৱাৰাৰ কাৰণে কাউল (জালিৰ পাইপ) লগাই দিব লাগে ৷

উৎস: অসম কৃষি বিশ্ববিদ্যালয়।

শেহতীয়া উন্নীতকৰণ: : 3/12/2020

0 ratings and 0 comments

Your Rating

Roll over stars then click to rate.

© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.