অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

শক্তিৰ উৎস

শক্তিৰ উৎস

সৌৰ আৰু বতাহৰ শক্তি

সূৰ্য

আমাৰ সূৰ্যটো শক্তিৰ মূল উত্স ৷ ই দিনত আমাৰ ঘৰখন পোহৰাই ৰাখে, আমাৰ কাপোৰ শুকুৱাই আৰু কৃষিজাত সামগ্ৰীসমূহ উত্পাদনত অৰিহনা যোগোৱাৰ লগতে আমাক উমাল কৰি ৰাখে আৰু অন্যান্য বহুতো কামত আমাক শক্তি প্ৰদান কৰে ৷ ইয়াৰ সম্ভাৱনীয়তা আমি ভৱাতকৈ অধিক গুণে বেছি

সৌৰ শক্তিৰ উত্পাদনক্ষম ব্যৱহাৰৰ বাবে কাৰিকৰী কৌশল

সৌৰ শক্তিক ইলেক্ট্ৰিচিটি উত্পাদনৰ বাবে ব্যৱহাৰ কৰা হয় ৷ চৌলাৰ ফটোভলটিক (SPV) ৰ ছেলসমূহৰ যোগেদি সূৰ্যৰ বিকিৰণক পোনপটীয়াভাৱে ডিচি ইলেক্ট্ৰিচিটিলৈ ৰূপান্তৰ কৰা হয় ৷ এই উত্পাদন কৰা ইলেক্ট্ৰিচিটিক একেধৰণেৰেই ব্যৱহাৰ কৰিব পাৰি নতুবা বেটাৰীত সঞ্চয় কৰি ৰাখিব পাৰি ৷ সৌৰ শক্তি নাথাকে, তেতিয়া সংগ্ৰহ কৰি ৰখা ইলেক্ট্ৰিকেল এনাৰ্জীক ব্যৱহাৰ কৰিব পাৰে ৷ এছ.পি.ভি.ক আজিকালি ঘৰত, ৰাস্তাৰ কাষৰ লাইট আৰু পানীৰ পাম্পৰ ক্ষেত্ৰত ব্যাপকভাৱে ব্যৱহাৰ কৰা হৈছে ৷ পাহাৰীয়া অঞ্চলসমূহত, সৌৰ শক্তিৰ হিটিং (গৰম কৰা কাৰ্য) ব্যৱহাৰ কৰিবলৈ লোৱা হৈছে

বতাহ

মাটি আৰু সাগৰত বতাহৰ প্ৰাকৃতিকভাৱে চলাচল হয় ৷ যেতিয়া বতাহক ৱইণ্ড মিলৰ পাংখা ঘুৰাবলৈ ব্যৱহাৰ কৰা হয়, তেতিয়া ইয়াৰ সৈতে সংযুক্ত হৈ থকা ধূৰাডালো ঘোৰে ৷ ধূৰাডাল ঘূৰাৰ লগে লগে পাম্পটো ঘূৰে আৰু ইলেক্ট্ৰিচিটিৰ উত্পাদন হয় ৷ এইটো নিশ্চিত কৰা হৈছে যে ভাৰতবৰ্ষত 45000 মেগাৱাটৰ শক্তি উত্পাদন কৰাৰ সক্ষমতা আছে ৷ উইণ্ড পাৱাৰ স্থাপনৰ সক্ষমতা 1870 মেগাৱটলৈ বৃদ্ধি পাইছে আৰু ই বিশ্বত ভাৰতৰ স্থান পঞ্চমলৈ লৈ গৈছে ৷ ভাৰতত 95% উইণ্ড পাৱাৰৰ ফাৰ্ম বেচৰকাৰী এজেন্সীসমূহৰ হাতত আছে

অনবীকৰণ উত্সসমূহ

কয়লা, তেল আৰু প্ৰাকৃতিক গেছসমূহক শক্তিৰ অনবীকৰণীয় উত্স বুলি কোৱা হয় ৷ হাজাৰ হাজৰ বছৰৰ পূৰ্বে থকা গছ-গছনি, উদ্ভিদ আদিৰ পৰা উত্পাদন হোৱাৰ বাবে ইয়াক জীবাষ্ম ইন্ধন বুলিও কোৱা হয় ৷ বৰ্তমান এই জীবাষ্ম ইন্ধনসমূহক ঘাইকৈ শক্তিৰ উত্স ৰূপে ব্যৱহাৰ কৰা হয় ৷ ভাৰতবৰ্ষত সমগ্ৰ পৃথিবীৰ সাত শতাংশ কয়লা সংৰক্ষিত হৈ আছে ৷ সমগ্ৰ দেশৰ প্ৰয়োজনীয় শক্তিৰ 50% কয়লাৰ যোগানৰ পৰা আহে ৷ ভাৰতক বছৰে প্ৰতি 114 মেট্ৰিক ট’ন তেলৰ প্ৰয়োজন হয় আৰু 75% বাহিৰৰ পৰা আমদানি কৰি অনা হয় ৷ এনেধৰণৰ জীবাষ্ম ইন্ধনসমূহ পোৰাৰ বাবে পৰিবেশ ব্যাপক ৰূপত প্ৰদূষণ হৈছে ৷

উৎস: আইএনডিজি দল

শেহতীয়া উন্নীতকৰণ: : 1/19/2024



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate