আত্মসহায় গোট নিৰীক্ষণ আৰু শ্ৰেণীবিভাজন

গাওঁৰ ৰাইজৰ আত্মসহায় গোটত সংগঠিত কৰাৰ অন্যতম এক উদ্দেশ্য হৈছে গ্ৰহণযোগ্য আৰ্থিক আৰু সামাজিক কাম-কাজ হাতত ল’ব পৰাকৈ গাঁওৰ দৰিদ্ৰ লোকসকলৰ প্ৰয়োজনীয় সামৰ্থ্য গঢ়ি তোলা। গোটৰ সামূহিক শক্তিয়ে তেওঁলোকৰ মাজত লুকাই থকা সুপ্ত সৃজনী শক্তিসমূহক কামত লগোৱাৰ ক্ষেত্ৰত সদস্য তথা সদস্যাসকলক আশাতীতভাৱে সহায় কৰে। মুৰকত ইয়ে ইতিবাচক দিশত তেওঁলোকৰ নিজৰ আৰু সমাজৰ আৰ্থ-সামাজিক উন্নতিৰ বাবে বিকাশৰ ধাৰাটোৰ সৈতে নিজকে জড়িত কৰিবলৈ এক সুযোগ প্ৰদান কৰে। গতিকে এনে উদ্দেশ্যেবিলাক সাধন কৰিব পৰাকৈ গোটৰ সদস্য তথা সদস্যাসকলক সুযোগ প্ৰদান কৰাটো অতিশয় প্ৰয়োজনীয় কথা।

শুদ্ধ দিশে গতি কৰা এটা আত্মসহায় গোটৰ প্ৰগতিৰ নিৰীক্ষণ কৰিবলৈ এটা অতি সৰল আৰু অংশগ্ৰহণমূলক নিৰীক্ষণ ব্যৱস্থাৰ উদ্ভাৱন কৰিব পৰা যায়। এনে ব্যৱস্থাত ঋণ আৰু অন্যান্য কাৰ্য্যসূচীবিলাকৰ সৈতে সংযোগ স্থাপন কৰিব পৰাকৈ সামৰ্থ থকা আৰু এটা সু-পৰিচালিত গোট হিচাপে গঢ় লৈ উঠিব ধৰা আত্মসহায় গোটে কৰা প্ৰগতিৰ স্বৰূপ অনুধাৱন কৰিবলৈ এফালে গোটৰ সদস্য তথা সদস্যাসকল আৰু আনফালে সুযোগ প্ৰদানকাৰী ব্যক্তি তথা প্ৰতিষ্ঠানবিলাকে সমানে অংশ গ্ৰহণ কৰিব লাগিব। এই প্ৰক্ৰিয়াটোৰ কাৰণে প্ৰগতিৰ কিছুমান সৰল সূচকো নিৰ্দ্ধাৰণ কৰিব লাগিব। এই সূচকবিলাকে ভাল আত্মসহায়ক গোট এটাৰ লক্ষ্য, উদ্দেশ্য আৰু বৈশিষ্ট্যসমূহ বুজাব। এনেদৰে আত্মসহায়ক গোটৰ সদস্য তথা সদস্যাসকলৰ অংশ গ্ৰহণৰ জৰিয়তে প্ৰগতিৰ সূচকবিলাকৰ চিনাক্তকৰণে এটা সু-পৰিচালিত আত্মসহায়ক গোটৰ প্ৰয়োজনীয়তাখিনি বুজাৰ বাবে প্ৰচেষ্টা চলোৱাৰ ক্ষেত্ৰত গোটৰ সদস্য তথা সদস্যাসকলক যথেষ্ট পৰিমাণে সহায় কৰিব। আত্মসহায়ক গোটে প্ৰদৰ্শন কৰা সফলতাৰ ওপৰত ভিত্তি কৰি ইয়াৰ প্ৰতিটো কাৰ্য্যকলাপকে তিনিটা শ্ৰেণীত ভাগ কৰা হ’ব। ইয়াৰ বাবে প্ৰতিটো বিষয়তে গোটে সম্পাদন কৰা কাম-কাজবিলাকৰ কাৰণে আত্মসহায়ক গোটবিলাকে আৱশ্যকীয় নম্বৰ লাভ কৰিব। গোটে লাভ কৰা সামগ্ৰীক নম্বৰৰ ভিত্তিত আত্মসহায়ক গোটবিলাকক তিনিটা শ্ৰেণীত ভাগ কৰা হ’ব। এই শ্ৰেণী তিনিটা তলত উল্লেখ কৰা হ’ল

উত্তম মধ্যম আৰু দুৰ্বল

শ্ৰেণীবিভাজনৰ এনে প্ৰক্ৰিয়াই উত্তম আত্মসহায়ক গোটবিলাকে ঋণ গ্ৰহণ তথা অন্যান্য কাৰ্য্যসূচীৰে সৈতে সংযোগ স্থাপন কৰাৰ ক্ষেত্ৰত কৰ্তৃপক্ষক সহায় কৰিব। তদুপৰি ইয়াৰ ফলত মধ্যম আৰু দূৰ্বল গোটবিলাকেও উত্তম গোট হ’ব পৰাকৈ নিজৰ সামৰ্থ্য বৃদ্ধি কৰাৰ বাবে প্ৰচেষ্টা অব্যাহত ৰাখিব পাৰিব। ইয়াৰ বাবে প্ৰতি ছয় মাহৰ মূৰে মূৰে পুনৰ একোবাৰ নিৰীক্ষণৰ অনুশীলন কৰা হ’ব।

আত্মসহায়ক গোট নিৰীক্ষণৰ মূল সূচকসমূহ

আত্মসহায়ক গোটে সদস্যসকলৰ পৰা সংগ্ৰহ কৰা ধন বেংকত জমা দিব। আকৌ সদস্যসকলক টকা ধাৰ দিবলৈ বেংকৰ পৰা উঠোৱাৰ আগে এইটো নিশ্চিত কৰিব যাতে পিছৰ বাৰ টকা উঠোৱাৰ আগতেই মাহেকীয়া কিস্তি জমা কৰা হৈছে। অৰ্থাৎ ‘আত্মসহায়ক গোটবোৰে তেওঁলোকৰ সদস্যসকলৰ পৰা জমা ধন আদায়লৈ মাহে মাহে বেংকত জমা কৰাটো সুনিশ্চিত কৰিব।

উৎস: নেডফি