<p style="text-align: justify; "><img class="image-inline" src="https://static.vikaspedia.in/media_vikaspedia/as/images/agriculture/AsomarKhetisamuh/9b69be995-9aa9be99a9b29bf9f0-9aa9c19b29bf9ac9be9f09c0-9aa9cd9f09b89cd9a49c19a4-9aa9cd9f09a39be9b29c0/copy4_of_download.jpg" /></p> <h3 style="text-align: justify; ">খেতিৰ সময় -</h3> <p style="text-align: justify; ">পাহাৰীয়া অঞ্চলত এইবিধ খেতি এপ্ৰিল/ মে’ৰ পৰা ডিচেম্বৰ/ জানুৱাৰীলৈ আৰু ভৈয়াম অঞ্চলত নৱেম্বৰ /ডিচেম্বৰৰ পৰা জুন/ জুলাইলৈ কৰা হয় ।</p> <p style="text-align: justify; ">মাটি :-</p> <p style="text-align: justify; ">ওখ, পানী জমা নোহোৱা আৰু উপযুক্ত নলাৰ ব্যৱস্থা থকা বালিচহীয়া পলসুৱা মাটি এইবিধ খেতিৰ বাবে উপযোগী ।</p> <h3 style="text-align: justify; ">জাত -</h3> <p style="text-align: justify; ">ভোট জলকীয়াৰ স্থানীয় জাতসমূহেই সাধাৰণতে ব্যৱহাৰ কৰা হয় ।</p> <p style="text-align: justify; ">বীজতলী প্ৰস্তুত :-</p> <p style="text-align: justify; ">বীজ সিঁচিবৰ বাবে ১.৫ ৰ পৰা ২.০ মিটাৰ বহল, ১৫ ছে:মি: ওখ আৰু সুবিধাজনক দৈৰ্ঘ্যৰ বীজতলী প্ৰস্তুত কৰিব লাগে । দুখন বীজতলীৰ মাজত ৪০ ছে:মি: বহল নলা থাকিব লাগে ।</p> <h3 style="text-align: justify; ">বীজৰ পৰিমাণ -</h3> <p style="text-align: justify; ">এবিঘা পথাৰত খেতি কৰিবলৈ বীজৰ পৰিমাণ হ’ল ২০-২৫ গ্ৰাম ।</p> <h3 style="text-align: justify; ">বীজ প্ৰস্তুতি -</h3> <p style="text-align: justify; ">সংগ্ৰহ কৰা জলকীয়াসমূহ সাৱধানেৰে কাটি বীজখিনি উলিয়াই পেলাব লাগে । সতেজ বীজবোৰ পৰিষ্কাৰ পানীৰে ধুই, ছাঁত শুকুৱাব লাগে । এদিন শুকোৱাৰ পাছত বীজবোৰ ০.১ শতাংশ (১ গ্ৰাম প্ৰতি লিটাৰ) পটাছিয়াম আয়’ডাইড অথবা পটাছিয়াম নাইট্ৰাইটত দুঘণ্টাৰ বাবে ডুবাই শোধন কৰিব লাগে । অৱশ্যে এভাগ গো মূত্ৰ আৰু ৪ ভাগ পানী ব্যৱহাৰ কৰিও বীজখিনি শোধন কৰিব পাৰি । এতিয়া শোধন কৰা বীজসমূহ বাতৰি কাকতৰ ওপৰত মেলি দি শুকুৱাব লাগে ।</p> <h3 style="text-align: justify; ">বীজ সিঁচা -</h3> <p style="text-align: justify; ">আগতে প্ৰস্তুত কৰি থোৱা বীজতলীত বীজসমূহ সিঁচিব লাগে । প্ৰায় ১০ বৰ্গমিটাৰ মাটিকালিৰ বাবে ৩-৪ গ্ৰাম বীজৰ প্ৰয়োজন হয় আৰু ২০০০ বৰ্গমিটাৰ মাটিকালিৰ পুলিবাৰীৰ পৰা ৭.৫ বিঘা মাটিত ৰুব পৰাকৈ পুলি পোৱা যায় । বীজতলীসমূহ প্ৰতি বৰ্গ মিটাৰত ৩ লিটাৰকৈ ০.১ শতাংশ কেপটাফ অথবা ০.২ শতাংশ বেভিষ্টিন প্ৰয়োগ কৰিব লাগে যাতে মাটিখিনি ১৫ ছে:মি: লৈ সিক্ত হৈ পৰে । ইয়াৰ পাছত মাটিখিনি দুদিনৰ বাবে পলিথিন এখনেৰে ঢাকি ৰাখিব লাগে । ইয়াৰ পাছত বীজতলীৰ মাটি এদিনৰ বাবে প্ৰখৰ ৰ’দত শুকুৱাব লাগে । এতিয়া বীজসমূহ অতি যত্নৰে ২.৫ ছে:মি: ব্যৱধানত সীৰলুত সিঁচিব লাগে । বীজসমূহ সিঁচাৰ পাছত মাটি আৰু শুকান গোবৰৰ সমপৰিমাণৰ মিশ্ৰণেৰে সমভাৱে ঢাকি দিব লাগে । ইয়াৰ পাছত পাতলকৈ পানী ছটিয়াব লাগে । পুলিবাৰীত পোক-পৰুৱা আৰু ৰোগৰ আক্ৰমণৰ প্ৰতি লক্ষ্য ৰখিব লাগে আৰু যিমান পাৰি সিমান ৰ’দ পৰাৰ সুবিধা কৰি দিব লাগে । পুলিবাৰীখনৰ চাৰিও সীমাত নাৰ্জী ফুল লগালে কিছু পৰিমাণে পোক-পতংগৰ পৰা ৰক্ষা কৰিব পাৰি ।</p> <p style="text-align: justify; ">৩০-৩৫ দিনৰ পাছত পুলিবোৰ ১০-১৫ ছে : মি: ওখ হ’লে মূল পথাৰত ৰুবৰ বাবে উপযুক্ত হয় । পুলিবোৰ মূল পথাৰত ৰুবৰ বাবে উঠোৱাৰ এসপ্তাহমান আগৰ পৰা পানীৰ প্ৰয়োগ কমাই আনিব লাগে । এনে কৰিলে পুলিবোৰ সবল হৈ পৰে । পুলি উঠোৱাৰ ৬ ঘণ্টাৰ আগতে পানী প্ৰয়োগ কৰিব লাগে যাতে শিপাসমূহে কমকৈ আঘাত পায় ।</p> <h3 style="text-align: justify; ">দ্বিতীয় পুলিবাৰী -</h3> <p style="text-align: justify; ">বহলভাৱে ব্যৱসায়ভিত্তিক এইবিধ খেতি কৰিলে পুলিবোৰৰ প্ৰথমযোৰ পাত ওলোৱাৰ সময়মতে সবলীকৰণ কৰাটো বিশেষভাৱে প্ৰয়োজন । ইয়াৰ বাবে দ্বিতীয় পুলিবাৰীত ৫-১০ ছে: মি: ব্যৱধানত পুলিবোৰ পুনৰ ৰোপণ কৰি সবলীকৰণ কৰা হয় । ইয়াৰ পৰাহে পুলিবোৰ মূল বাগিচাত ৰোপণৰ বাবে নিয়া হয় ।</p> <h3 style="text-align: justify; ">পলিবেগত পুলি বাগিচা -</h3> <p style="text-align: justify; ">পলিবেগত পুলি উৎপাদন কৰিবলৈ ১২ ছে:মি: x ১৭ ছে: মি: জোখৰ পলিবেগত মাটি, শুকান গোবৰ আৰু বালিৰ সমপৰিমাণৰ মিশ্ৰণ ভৰাব লাগে । প্ৰতিটো পলিবেগত ফুৰাডন ০.৫ গ্ৰামকৈ মিহলাব লাগে । পলিবেগবোৰ মাটিৰ অলপ ওখ ভেটি প্ৰস্তুত কৰি ৰ’দ পৰা ঠাইত থ’ব লাগে ।</p> <h3 style="text-align: justify; ">মূল পথাৰত পুলি ৰোপণ -</h3> <p style="text-align: justify; ">পুলি বাগিচাত থকা পুলিবোৰ ৩০-৩৫ দিনীয়া হ’লে মূল পথাৰত ৰোপণৰ বাবে উপযোগী হয় । মূল পথাৰত পুলি সাধাৰণতে বিয়লি সময়তহে ৰোপণ কৰিব লাগে । পুলিবোৰ সাধাৰণতে ৭৫ ছে:মি: x ৯০ ছে: মি: দূৰত্বত লগোৱা হয় ।</p> <h3 style="text-align: justify; ">সাৰ প্ৰয়োগ -</h3> <p style="text-align: justify; ">মূল পথাৰত প্ৰতি হেক্টৰত ২০ টনকৈ পচন সাৰ প্ৰয়োগ কৰিব লাগে । প্ৰতি হেক্টৰত ইউৰিয়া, ছুপাৰ ফছফেট আৰু পটাছ সাৰৰ পৰিমাণ হৈছে ১২০,৬০ আৰু ৬০ কি:গ্ৰা: । মূল পথাৰ প্ৰস্তুত কৰোতে ফছফৰাছ আৰু পটাছ সাৰৰ সম্পূৰ্ণ ভাগ আৰু ইউৰিয়া সাৰৰ আধা ভাগ প্ৰয়োগ কৰিব লাগে । বাকী থকা ইউৰিয়া সাৰখিনি পুনৰ দুভাগ কৰি, এভাগ পুলি ৰোপণৰ ৩০ দিন আৰু আনভাগ পুলি ৰোপণৰ ৬০ দিনৰ পাছত টপড্ৰেছিং কৰি প্ৰয়োগ কৰা হয় । ভোট জলকীয়া গছৰ বাঢ়নৰ সময়ছোৱাত মাল্টিপ্লেক্স ০.২ শতাংশ পাতত স্প্ৰে কৰিলে গছৰ বৃদ্ধি ভাল হয় । ইয়াৰ উপৰি ফুল ফুলাৰ সময়ত ২.৪ ডি (২ পি পি এম) পোন্ধৰ দিনৰ অন্তৰত প্ৰয়োগ কৰিলে জলকীয়াৰ উৎপাদন বৃদ্ধি হয় ।</p> <p style="text-align: justify; ">জলসিঞ্চন :-</p> <p style="text-align: justify; ">ভোট জলকীয়া গছক যথেষ্ট পানীৰ প্ৰয়োজন হয়, গতিকে নিয়মীয়া জলসিঞ্চন গছৰ বৃদ্ধি আৰু ভাল ফলৰ বাবে অতিকৈ দৰকাৰী ।</p> <h3 style="text-align: justify; ">কীট-পতংগ নিয়ন্ত্ৰণ -</h3> <p style="text-align: justify; ">থ্ৰিপছ :-</p> <p style="text-align: justify; ">এইবিধ পোকে আক্ৰমণ কৰিলে পাতবোৰ ক্ৰমান্বয়ে ভিতৰফালে কোঁচ খাই আহে । এইবিধ পোকে ফুল আৰু ফলতো আক্ৰমণ কৰে । মন’ক্ৰটফছ বা ৰগৰ (০.৫ শতাংশ) স্প্ৰে’ কৰি এইবিধ পোক নিয়ন্ত্ৰণ কৰিব পাৰি ।</p> <p style="text-align: justify; ">এফিড :-</p> <p style="text-align: justify; ">এইবিধ পোকে কুমলীয়া পাত, ফুল আদিত আক্ৰমণ কৰে । ইয়াক নিয়ন্ত্ৰণৰ বাবে মন’ক্ৰটফছ বা ৰগৰ (০.৫ শতাংশ) স্প্ৰে’ কৰিব লাগে ।</p> <p style="text-align: justify; ">ফল বিন্ধা কৰা পোক :-</p> <p style="text-align: justify; ">এইবিধ পোকে ফলবোৰ বিন্ধা কৰে । ০.১ শতাংশ ডাই ক্ল’ৰভছ স্প্ৰে’ কৰি এইবিধ পোক নিয়ন্ত্ৰণ কৰিব পাৰি ।</p> <p style="text-align: justify; ">কাট ৱৰ্ম :-</p> <p style="text-align: justify; ">এইবিধ পোকে কেপছিকামৰ পুলিবোৰ গুৰিতে কাটি পেলায় । মাটিত ০.৫ শতাংশ ক্ল’ৰপাইৰিফছ স্প্ৰে’ কৰি এইবিধ পোক নিয়ন্ত্ৰণ কৰিব পাৰি ।</p> <p style="text-align: justify; ">ৰোগ নিয়ন্ত্ৰণ :-</p> <p style="text-align: justify; ">ডেম্পিং অফ :-</p> <p style="text-align: justify; ">এইবিধ ৰোগে দেখা দিলে পুলি বাগিচাৰ পুলিসমূহ মৰহি যাবলৈ আৰম্ভ কৰে । এইবিধ ৰোগ প্ৰতিৰোধ কৰিবলৈ বীজখিনি কেপটান দৰবেৰে (৩ গ্ৰাম দৰব প্ৰতি কিলোগ্ৰাম বীজ) শোধন ক ইব লাগে । পুলি বাগিচাত ০.২ শতাংশ কেপটান বা ০.২ শতাংশ ইন্দোফিল এম-৪৫ বা ০.০৫ শতাংশ বেভিষ্টিন স্প্ৰে’ কৰিও ইয়াক নিয়ন্ত্ৰণ কৰিব পাৰি ।</p> <p style="text-align: justify; ">এনথ্ৰাকনোজ:-</p> <p style="text-align: justify; ">এইবিধ ভেঁকুৰজনিত ৰোগত গছৰ ডাল আৰু আগ অংশ মৰহি তললৈ শুকাই আহে । ফলবোৰত কিছুমান ক’লা দাগ পৰে । এইবিধ ৰোগ নিয়ন্ত্ৰণৰ বাবে বীজখিনি ইন্দোফিল এম- ৪৫ দৰবেৰে শোধন কৰিব লাগে । ইয়াৰ উপৰি ০.৩ শতাংশ কপাৰ অক্সিক্ল ৰাইড বা ০.২ শতাংশ ইন্দোফিল এম-৪৫ দৰব ১৫ দিনৰ অন্তৰে অন্তৰে স্প্ৰে’ কৰিও এইবিধ ৰোগ নিয়ন্ত্ৰণ কৰিব পাৰি ।</p> <p style="text-align: justify; ">বেক্টেৰিয়েল উইল্ট :-</p> <p style="text-align: justify; ">এইবিধ ৰোগত গোটেই গছডাল মৰহি যায় আৰু ক্ৰমান্বয়ে মৰি যায় । এই ৰোগ নিয়ন্ত্ৰণৰ বাবে ৰায়’ফ’ৰ পি এফ বায়’কন আদি জৈৱ নিয়ন্ত্ৰক প্ৰয়োগ কৰিব লাগে ।</p> <p style="text-align: justify; ">লিফ কাৰ্ল :-</p> <p style="text-align: justify; ">ভাইৰাছজনিত এইবিধ ৰোগ ‘হোৱাইট ফ্লাই’ নামৰ এবিধ পতংগই বিয়পাই । এইবিধ ৰোগত পাতবোৰ কোঁচ খায় আৰু পাতৰ সিৰা অংশ উখহি পৰে । আক্ৰান্ত গছবোৰ উভালি পুৰি পেলাব লাগে । আনহাতে ০.০৫ শতাংশ ৰগৰ স্প্ৰে’ কৰি এইবিধ ৰোগ বিয়পোৱা পতংগবিধ নিয়ন্ত্ৰণ কৰিব পাৰি ।</p> <p style="text-align: justify; ">শস্য চপোৱা :-</p> <p style="text-align: justify; ">নৱেম্বৰ মাহত ৰোৱা ভোট জলকীয়া এপ্ৰিল/ মে’ মাহৰ পৰা জুলাই/ আগষ্ট মাহলৈ চপাব পাৰি । পাহাৰীয়া অঞ্চলত মে’ মাহত কৰা খেতিও ছেপ্টেম্বৰ মাহৰ পৰা জানুৱাৰী মাহলৈ চপাব পাৰি । চপাবৰ সময়ত গছত জলকীয়া ৰং আকৰ্ষণীয় ৰঙা আৰু ৪-৫ ছে: মি: দৈৰ্ঘ্যৰ হ’ব লাগে । প্ৰতি হেক্টৰত ৪০ ৰ পৰা ১০০ কুইণ্টল ভোট জলকীয়া উৎপাদন কৰিব পৰা যায় ।</p> <p style="text-align: justify; "><b><i>লেখক :- নূপূৰ কলিতা</i></b></p> <p style="text-align: justify; "><b><i>লেখিকা :- প্ৰীতি দাস</i></b></p> <p style="text-align: justify; "><b><i>উৎস :- অসমীয়া খবৰ</i></b></p> <p style="text-align: justify; "> </p>