<p style="text-align: center; "><img class="image-inline" src="https://static.vikaspedia.in/media_vikaspedia/as/images/agriculture/SashyaUtpadan/2538100433AA3C5B.jpg" /></p> <p style="text-align: justify; ">শস্যত কেতিয়াও কেঁচা গোবৰ নিদিব। কেঁচা গোবৰে ৰোগৰ লগতে পোকক আকৰ্ষিত কৰে। গোবৰ সোনকালে পচিবলৈ গাঁতটো ২.৫-৩ ফুটৰ বেছি গভীৰ নকৰিব।</p> <p style="text-align: justify; ">কেঁচুসাৰত পচন সাৰতকৈ দুগুণ মাত্ৰাত গছক লগা দ্ৰব্য থাকে আৰু জৈৱিক সাৰে পানী ধাৰণৰ ক্ষমতা বৃদ্ধি কৰে। খেতিত বেছিকৈ পচন সাৰ অথবা কেঁচুসাৰ দিলে মাটিৰ গুণাগুণ ভাল হয়।</p> <p style="text-align: justify; ">মাটিৰ অম্লতা চাইহে খেতি আৰম্ভ কৰাৰ ২১ দিনৰ আগতে চূণ দিব।</p> <p style="text-align: justify; ">ৰাসায়নিক সাৰ ছটিয়াই লগে লগে বীজ অথবা পুলি ৰুব নালাগে। বীজ বা পুলি ৰোৱাৰ ২-৩ দিন আগতে ৰাসায়নিক সাৰ মাটিত প্ৰয়োগ কৰিব। শিপাত নলগাকৈ সাৰ প্ৰয়োগ কৰি ২-৩ দিন পাছত পানী দিব।</p> <ul style="text-align: justify; "> <li>ইউৰিয়া যিকোনো শস্যত টপড্ৰেছিং কৰাৰ আগতে ২০ কিলো শুকান গোবৰ মিহলাব আৰু ৭২ ঘণ্টা গাপ দি ৰাখি ছটিয়াব।</li> <li>ভঁৰালৰ বেৰত নাঙল, মৈ আদি লগাই নথ’ব নহ’লে এন্দুৰ-নিগনি ধানৰ ভঁৰালত সোমাব।</li> <li>ধান ভঁৰালত থোৱাৰ পাছত ভাং, পচতীয়া, বিহলঙনি আদি ওপৰত দিব।</li> <li>পিঁয়াজ, নহৰুৰ খেতি কৰাৰ আগতে বীজবোৰ পিঁয়াজৰ ক্ষেত্ৰত ১ গ্ৰাম বেভিষ্টিন আৰু নহৰুৰ ক্ষেত্ৰত ২ গ্ৰাম ডাইথেন এম-৪৫ দৰব ৫ লিটাৰ পানীত গুলি নহৰুৰ ফুটাবোৰ ৫ মিনিট ডুবাই ছাঁত শুকুৱাই ৰুলে ৰোগে নধৰিব।</li> </ul> <p style="text-align: justify; ">বেঙেনাজাতীয় শস্যৰ গছৰ পাত যাতে পোকে ধৰিব নোৱাৰে তাৰ বাবে মাটিত ঘূৰণীয়া লোৰ খান্দিব আৰু ৰোৱাৰ ২১ দিন পাছত পুলিৰ গুৰিত ৩ গ্ৰাম ফুৰাডন প্ৰয়োগ কৰিব। মালাথিয়নৰ গুড়ি বিঘাত ৩ কিলো হিচাপত প্ৰয়োগ কৰিলে মাটিত থকা পোক-পৰুৱা ধ্বংস হয়। শাক-পাচলিৰ পোক-পৰুৱা ৰোধ কৰিবলৈ মালাথিয়ন ৫০ ই চি ১৫-২০ মিলিলিটাৰ ১০ লিটাৰ পানীত গুলি স্প্ৰে’ কৰিব। ঔষধ প্ৰয়োগ কৰাৰ ৭-১০ দিনলৈ শাক-পাচলি নচপাব।</p> <p style="text-align: justify; "><b><i>উৎস:অসমীয়া খবৰ।</i></b></p>