<h3>চমু বিৱৰণ</h3> <p style="text-align: justify; ">শালিধানৰ খেতিত শুঁৰপোক শ্বাৰমিং কেটাৰপিলাৰ (Swarming caterpillar) ৰ আক্ৰমণ বানপানী শুকুৱাৰ ঠিক পিছতেই আৰম্ভ হোৱা দেখা যায়| বতৰৰ প্ৰভাৱ অনূকুল হ’লে অৰ্থাৎ বানপানীৰ পিছতে কিছুদিন একেৰাহে অনাবৃষ্টি হ’লে এইবিধ পোকৰ উপদ্ৰৱ বাঢ়ি যায়| পথাৰৰ<img class="image-right" src="https://static.vikaspedia.in/media_vikaspedia/as/images/agriculture/SashyaUtpadan/KitPatangaAruRog/copy_of_SwarmingCaterpillar.jpg" /> আলি, বঙিয়া আৰু চৌপাশে থকা ঘাঁহ বন বোৰেই শুঁৰপোকৰ আৱিৰ্ভাৱৰ প্ৰধান উৎস| এইবোৰৰ মাজত সোমাই থকা ইহঁতৰ লেটা বোৰক বানৰ পানীয়ে ভিন্ ভিন্ পথাৰলৈ কঢ়িয়াই নিয়ে আৰু বানপানী শুকুৱাৰ পিছতে লেটাবোৰৰ পৰা মথ্বোৰ ওলাই শস্যডৰাৰ মাটিতে কণী পাৰে| ইহঁতে এবাৰত প্ৰায় ৩০০-৫০০ কণী পাৰিব পাৰে| কণী ফুটি ওলোৱা পলুবোৰে ধানগছজোপাৰ পোখাৰ তলফালে সোমাই থাকি পোখা আৰু পাতবোৰ খায়| ডাঙৰ হৈ অহাৰ লগেলগে পলুবোৰৰ খোৱাৰ মাত্ৰা বাঢ়ি যায় আৰু অতি কম সময়ৰ ভিতৰতে একোখন পথাৰ সম্পূৰ্ণৰুপে টকলা কৰি পেলায়| শুঁৰপোকৰ এটা জীৱন চক্ৰ সম্পূৰ্ণ কৰিবলৈ অঞ্চল ভেদে ২৮ ৰ পৰা ৪০ দিন মানৰ প্ৰয়োজন হয়| অৱশ্যে একে সময়তে ওপৰা-ওপৰিকৈ কেইবাটাও জীৱন-চক্ৰ চলি থাকে বাবে ইহঁতৰ জাকৰুৱা আক্ৰমণৰ তীব্ৰতা যথেষ্ট পৰিমাণে বাঢ়ি যায়|</p> <h3 style="text-align: justify; ">শুঁৰপোকৰ নিয়ন্ত্ৰণৰ ব্যৱস্থা:-</h3> <ul style="text-align: justify; "> <li>আক্ৰান্ত ধাননি পথাৰত কুইনালফছ ২৫ ইচি বা ক্লৰপাইৰিফছ্ ২৫ মি:লি:কৈ প্ৰতি লিটাৰ পানীত মিহলাই সমূহীয়াকৈ স্প্ৰে কৰক|</li> <li>একে সময়তে পথাৰৰ আলি, বঙিয়া আৰু চৌ-পাশৰ ঘাঁহ বন বোৰতো স্প্ৰে কৰক বা মালাথিয়ন ৫% পাউদাৰ চটিয়াওক|</li> <li>পথাৰৰ পৰিসীমাৰ পৰা ভিতৰফালে স্প্ৰে কৰিলে অধিক সুফল পোৱা যায়|</li> </ul> <h3 style="text-align: justify; ">শুঁৰপোকৰ নিয়ন্ত্ৰণৰ ক্ষেত্ৰত কেইটামান অতি প্ৰয়োজনীয় কৃষি দিহা:-</h3> <ul style="text-align: justify; "> <li>বানপানী শুকুৱাৰ পিছৰ পৰাই ধাননি পথাৰ খন নিয়মিত পৰিদৰ্শন কৰক|</li> <li>কঠীয়া ৰোৱাৰ ঠিক পিছতে পতংগভোজী চৰাইবোৰ (কেঁচু, শালিকা, দহিকতৰা, হেঁতুলুকা বগলী আদি) পথাৰত পৰিব পৰাকৈ বাঁহৰ জেং (বিঘাই প্ৰতি ৫টা) পোওক|</li> <li>পথাৰ প্ৰস্তুতিৰ সময়ত আলি আৰু বঙিয়া বোৰত গজা বন-বাতবোৰ নিৰাই দি বোকা মাটিৰে লেপি দিয়ক যাতে শুঁৰপোকৰ উৎস বোৰ নষ্ট হৈ যায়|</li> <li>নিয়ন্ত্ৰণৰ ব্যৱস্থা সমুহ সদায় সমূহীয়াকৈ আৰু খৰখেদাকৈ কৰিবলৈ যত্ন কৰক|</li> </ul> <p style="text-align: justify; "><b>লেখকৰ নামসমুহ:- ড° বিৰিঞ্চি কুমাৰ বৰা</b></p> <p style="text-align: justify; "><b> </b></p> <p style="text-align: justify; "><b>ড° কল্যাণ কুমাৰ শৰ্মা</b></p> <p style="text-align: justify; "><b> </b></p> <p style="text-align: justify; "><b>ড° তুলসী প্ৰসাদ শইকীয়া</b></p> <p style="text-align: justify; "><b> </b></p> <p style="text-align: justify; "><b>আ:কৃ:গ:কে:, চিলঙনী, নগাঁও</b></p> <p style="text-align: justify; "> </p>