<h3 style="text-align: justify;">অন্নদাতা কি?</h3> <p style="text-align: justify;">অন্নদাতা হৈছে এক জৈৱিক মিশ্ৰণ।ই মাটিৰ উৰ্বৰতা শক্তি ঘুৰাই অনাত সহযোগী হ’ব পৰাকৈ অনুজীৱ সমূহ জীয়াই থকাৰ এক পৰিৱেশ সৃষ্টি কৰি দিবৰ বাবে বিভিন্ন প্ৰাকৃতিক উপাদানৰ এক মিশ্ৰণ।</p> <h3 style="text-align: justify;">অন্নদাতা প্ৰাকৃতিক উৎপাদান কি আছে?</h3> <p style="text-align: justify;">অন্নদাতা প্ৰাকৃতিক উৎপাদান হিচাবে কেচুসাৰ,মাছৰ গুড়া,হাড়ৰ গুড়া,নাৰিকলৰ জাৱৰ আদিকে ধৰি আৰু বহু কেইবিধ প্ৰাকৃতিক উপাদান আনুপাতিক হিচাপত মিহলোৱা হৈছে।</p> <h3 style="text-align: justify;">গছৰ প্ৰয়োজনীয় মৌ সমূহ পোৱা সম্ভৱনে?</h3> <p style="text-align: justify;">গছৰ বাবে প্ৰয়োজনীয় আটাইকেইটা মৌল কম-বেছি পৰিমাণে পোৱা সম্ভৱ।</p> <h3 style="text-align: justify;">অন্নদাতা পৰীক্ষা কৰা হৈছেনে?</h3> <p style="text-align: justify;">অন্নদাতা খেতিৰ পথাৰত তিনি বছৰ ধৰি পৰীক্ষা কৰা হৈছে,বিভিন্ন খেতিত।পৰীক্ষা কৰা এলেকাসমূহ-কাৰ্বি আংলং জিলাৰ চাৰিটা কৃষি উন্নয়ন এলেকাত।পৰীক্ষাকালীন সময়ত তিনিজন কৃষি উন্নয়ন বিষয়াই সহযোগিতা কৰিছিল।ক্ৰমে-শ্ৰীযুত নিৰেন বৰা,শ্ৰীযুত এচ.কে. তিৱাৰী,শ্ৰীযুত এ.কে. সিনহা।</p> <h3 style="text-align: justify;">অন্নদাতা প্ৰয়োগ কৰিলে আমাৰ খেতি সমূহত কি কি সুবিধা উপলব্ধ হ’ব-</h3> <ul style="text-align: justify;"> <li>পানী ধৰি ৰখাৰ ক্ষমতা বৃদ্ধি হ’ব।</li> <li>শিপাৰ গঠন প্ৰণালী সুদৃঢ় হ’ব।</li> <li>গছৰ প্ৰয়োজনীয় সকলো মৌল কম-বেছি পৰিমাণে পোৱা হেতুকে উদ্ভিদৰ প্ৰাকৃতিকভাৱে উন্নয়ন হ’ব।</li> <li>পতান নহ’ব।</li> <li>পুৰঠ হ’ব।</li> <li>ওজন বাঢ়িব।</li> <li>খাদ্যৰ অভাৱত সংঘটিত হোৱা সমস্যাসমূহ নাথাকিব।</li> <li>গছৰ ফল ধাৰণ ক্ষমতা বৃদ্ধি হ’ব।</li> <li>সমানে উন্নয়ন হ’ব।</li> <li>মাটি কোমল হ’ব,কঠিনতা ভাৱ নাথাকিব।</li> <li>অনুজীৱ সমূহে জীয়াই থকা বা বংশ বৃদ্ধি কৰাৰ সুন্দৰ পৰিৱেশ গঢ়ি উঠিব।</li> <li>বেক্টেৰিয়া সমূহে জীয়াই থকাৰ পৰিৱেশ পোৱাৰ লগতে নাইট্ৰাজেন,ফচফৰাচ,পটাচিয়াম গছত প্ৰাকৃতিকভাৱে যোগান দিয়াত সহযোগিতা কৰিব পাৰিব।</li> <li>প্ৰাকৃতিক ভাৱে গছৰ উন্নয়ন ঘটাত পোক-পৰুৱাৰ আক্ৰমণৰ পৰা হাত সাৰিব।</li> <li>খেতি কৰোতে বা চপাওঁতে শ্ৰমিক কম লাগিব।</li> <li>তুলনামূলকভাৱে ৰাসায়নিক সাৰতকৈ উৎপাদন পৰিমাণগতভাৱে কম যেন ধাৰণা হয় যদিও ওজন বঢ়া হেতুকে একে থাকিব।মূল্য বেছি পোৱ যাব।</li> <li>অন্নদাতাৰ স্থায়িত্বৰ সময় বেছি।যাৰ বাবে 2 বাৰ প্ৰয়োগ কৰিলেই যথেষ্ট।</li> <li>শুকাই যাব কিন্তু গেলি নাযাব।</li> <li>প্ৰাকৃতিক স্বাদ পোৱা যাব।</li> <li>মানুহ৮ৰ স্বাস্থ্য ওপৰত কোনো কু-প্ৰভাৱ নপৰে।</li> <li>মানুহৰ মন-মগজুত স্থিৰতা বাঢ়িব।বেমাৰ-আজাৰ নহ’ব।</li> </ul> <p style="text-align: justify;">অন্নদাতা প্ৰয়োগ পদ্ধতি আৰু পৰিমাণ:</p> <p style="text-align: justify;">ধান খেতিত ৰাসায়নিক সাৰ প্ৰয়োগ কৰি থকা মাটিত বিঘা প্ৰতি 10 কেজি অন্নদাতা প্ৰয়োগ কৰিব।ৰাসায়নিক সাৰ নিদিয়া মাটিত বিঘা প্ৰতি 6 কেজি অন্নদাতা প্ৰয়োগ কৰিব।</p> <h3 style="text-align: justify;">প্ৰয়োগ পদ্ধতি:</h3> <ul style="text-align: justify;"> <li>শেষৰ বাৰ হাল মৰাৰ পিছত অন্নদাতা ওপৰত ছটিয়াই মৈ মাৰি ৰোৱাৰ ব্যৱস্থা কৰিব লাগে।</li> <li>প্ৰয়োজনত 18 ৰ পৰা 20 দিনত পুনৰ অন্নদাতা ছটিয়াব পাৰে।</li> <li>প্ৰয়োজনত 40 ৰ পৰা 45 দিনত পুনৰ অন্নদাতা ছটিয়াব পাৰে।</li> </ul> <h3 style="text-align: justify;">শাক-পাচলিত:</h3> <p style="text-align: justify;">বিঘা প্ৰতি 10 কেজি অন্নদাতা প্ৰয়োগ কৰিব।শেষৰ হাল মৰাৰ পিছত।</p> <h3 style="text-align: justify;">পইন্ট কৰি লোৱা খেতি:</h3> <p style="text-align: justify;">প্ৰতিটো পুলি লগাওঁতে(খেতি অনুসৰি) 5 গ্ৰামৰ পৰা 20 গ্ৰাম পৰ্যন্ত ব্যৱহাৰ কৰিব পাৰিব।প্ৰয়োজনত ৰিং কৰি 2-3 বাৰ প্ৰয়োগ কৰিব পাৰি।</p> <h3 style="text-align: justify;">আলুৰ খেতিত:</h3> <p style="text-align: justify;">সিৰলুত অন্নদাতা ছটিয়াই তাৰ ওপৰত আলু লগাব পাৰি।মাটি চপোৱা সময়ত পুনৰ দিব পাৰিব।আলু খেতিত বিঘাই প্ৰতি 20-50 কেজি ব্যৱহাৰ কৰিব পাৰিব।</p> <h3 style="text-align: justify;">নাৰ্চাৰীত প্ৰয়োগ:</h3> <p style="text-align: justify;">সকলো পুলিৰ নাৰ্চাৰীত ব্যৱহাৰ কৰিব পাৰি।পুলি অনুসৰি 2 গ্ৰামৰ পৰা 5 গ্ৰাম পৰ্যন্ত।</p> <h3 style="text-align: justify;">চাহ খেতিত:</h3> <p style="text-align: justify;">প্ৰতিটো পুলি লগাওঁতে গাঁতত 15 গ্ৰাম পৰ্যন্ত দি ল’ব পাৰিব।পুলি লগোৱাৰ তিনি বছৰ পৰ্যন্ত ৰিং কৰি 15 গ্ৰামৰ পৰা 20 গ্ৰাম প্ৰয়োগ কৰিব পাৰিব।বছৰত 2 বাৰ প্ৰয়োগ কৰিলেই হ’ব।পুৰঠ চাহ গছত অৰ্থাৎ পাত চিঙিব পৰা গছত ৰিং কৰি 20-50 গ্ৰাম পৰ্যন্ত প্ৰয়োগ কৰিব পাৰি।বছৰত দুই বাৰ প্ৰয়োগ কৰিব লাগে।এপ্ৰিল,মে আৰু চেপ্তেম্বৰ,অক্টোবৰ মাহত।</p> <h3 style="text-align: justify;">কমলা,নেমু আদিত:</h3> <p style="text-align: justify;">মাৰ্চ,এপ্ৰিল আৰু আগষ্ট,চেপ্তেম্বৰত ৰিং কৰি প্ৰতিটো পুলিত(বয়স অনুসৰি) 50-100 গ্ৰাম পৰ্যন্ত দিব লাগে।</p> <h3 style="text-align: justify;">কফি,ৰাৱাৰ আদিত:</h3> <p style="text-align: justify;">বছৰত দুই বাৰ ৰিং কৰি প্ৰতিটো পুলিত(বয়স অনুসৰি) 50-100 গ্ৰাম প্ৰ্যন্ত।</p> <h3 style="text-align: justify;">বহু বৰ্ষজীৱি যি কোনো গছত:</h3> <p style="text-align: justify;">বছৰত দুই বাৰ প্ৰয়োগ।প্ৰতিটো পুলিত (বয়স অনুসৰি)100-150 গ্ৰাম পৰ্যন্ত দিব পাৰিব।</p> <h3 style="text-align: justify;">তামোল,নাৰিকল আদি গছত:</h3> <p style="text-align: justify;">পাতৰ পৰা মধ্য স্থানত এক ফুট দ কৈ চাৰিওফালে গাত খান্দি প্ৰতিটো পুলিত (বয়স অনুসৰি) 2-ৰ পৰা 10 কেজি প্ৰয়োগ কৰিব পাৰিব।</p> <p style="text-align: justify;"><em>উৎস:বৰ্ণালী বায়’এগ্ৰ্টেক(জৈৱিক কৃষি সেৱা সংস্থা)অসম</em></p>