<p style="text-align: justify; "> </p> <p style="text-align: justify; ">২৪ নৱেম্বৰ-৩০ নৱেম্বৰ ২০১৭</p> <p style="text-align: justify; ">জিলা শিক্ষা তথ্য প্ৰণালীৰ অধীনত চৰকাৰী/প্ৰাদেশীকৃত, চৰকাৰী স্বীকৃতিপ্ৰাপ্ত, সাহায্যপ্ৰাপ্ত, ব্যক্তিগত খণ্ড, স্বীকৃতিপ্ৰাপ্ত, পৌৰসভাৰ দ্বাৰা পৰিচালিত, চাহ বাগিচাৰ দ্বাৰা পৰিচালিত বিদ্যালয়সমূহৰ তলত উল্লেখিত তথ্যসমূহ সংগ্ৰহ কৰা হয়:</p> <p style="text-align: justify; ">ছাত্ৰ-ছাত্ৰীৰ নামভৰ্তি, শিক্ষক-শিক্ষয়ত্ৰীৰ সংখ্যা, ছাত্ৰ-শিক্ষকৰ অনুপাত, শ্ৰেণীকোঠা, খোৱাপানীৰ ব্যৱস্থা, ছাত্ৰ-ছাত্ৰীৰ শৌচাগাৰ, বিদ্যালয় খেলপথাৰ, বিদ্যালয় পুথিভঁৰাল, ৰান্ধনিশাল আদি।</p> <p style="text-align: justify; ">জিলা শিক্ষা তথ্য প্ৰণালী সপ্তাহৰ গুৰুত্বপূৰ্ণ দিশসমূহ:</p> <ul style="text-align: justify; "> <li>তথ্যসমূহ প্ৰথম শ্ৰেণীৰ পৰা দ্বাদশ শ্ৰেণীলৈকে সামৰি প্ৰাথমিক বিদ্যালয়, প্ৰাথমিকৰ লগতে উচ্চ প্ৰাথমিক বিদ্যালয়, উচ্চ মাধ্যমিক বিদ্যালয়, উচ্চতৰ মাধ্যমিক বিদ্যালয়, কনিষ্ঠ মহাবিদ্যালয় আৰু মহাবিদ্যালয়ৰ পৰা সংগ্ৰহ কৰা হ’ব।</li> <li>উপৰিউক্ত জৰীপৰ ভিত্তি তাৰিখ হ’ব ৩০ ছেপ্তেম্বৰ, ২০১৭ চন। প্ৰ-পত্ৰত ইতিমধ্যে পূৰ্বে পূৰাই থোৱা তথ্যসমূহৰ শুদ্ধতা নিশ্চিত কৰিব লাগিব।</li> <li>এই তথ্যসমূহ ২৪ নৱেম্বৰ তাৰিখৰ পৰা ৩০ নৱেম্বৰ, ২০১৭ তাৰিখলৈ হ’বলগীয়া ‘ইউ-ডাইছ’ জৰীপৰ বিদ্যালয় কৰ্তৃপক্ষই নিৰ্দ্ধাৰিত প্ৰ-পত্ৰ(Data Capture Format)ৰ যোগেদি সংগ্ৰহ কৰি অসম সৰ্বশিক্ষা অভিযান মিছন তথা ৰাষ্ট্ৰীয় মাধ্যমিক শিক্ষা অভিযানৰ সংশ্লিষ্ট বিষয়াক নিৰ্ধাৰিত সময়মতে যোগান ধৰাটো বাধ্যতামূলক।</li> <li>স্থানীয় ৰাইজ আৰু সংশ্লিষ্ট বিদ্যালয় পৰিচালনা সমিতিয়ে অঞ্চলটোৰ ‘বিদ্যালয়লৈ নোযোৱা’(Never enrolled) আৰু ‘আধাতে বিদ্যালয় এৰা’(School drop-out) শিশুৰো এখন পৃথক তালিকা প্ৰস্তুত কৰিব। এনে শিশুসকলক বয়স অনুযায়ী বিদ্যালয়ত আৰু ‘বিশেষ প্ৰশিক্ষণ কেন্দ্ৰ’ত নামভৰ্তি কৰাৰ ব্যৱস্থা প্ৰদান কৰিব।</li> <li>‘ছাত্ৰ-ছাত্ৰীৰ তথ্য ব্যৱস্থাপনা প্ৰণালী’(Student Database Management Information System):</li> <li>প্ৰত্যেক ছাত্ৰ-ছাত্ৰীৰ তথ্যসমূহ যেনে- তেওঁলোকৰ ব্যক্তিগত তথ্য, বিদ্যালয়ৰ সামগ্ৰিক তথ্য, বিগত বৰ্ষত লাভ কৰা সা-সুবিধাসমূহ উল্লেখ কৰিবলৈ প্ৰতিখন বিদ্যালয়ক অনুৰোধ জনোৱা হ’ল।</li> <li>শিক্ষাৰ অধিকাৰ আইন, ২০০৯ৰ অধীনত আগবঢ়োৱা সা-সুবিধাসমূহ যথাযথভাৱে লাভ কৰিবলৈ ছাত্ৰ-ছাত্ৰীসকলৰ বিতং তথ্য যোগান ধৰাটো বাধ্যতামূলক।</li> </ul> <p style="text-align: justify; ">আহক, আমি সকলোৱে জিলা শিক্ষা তথ্য প্ৰণালী(U-DISE) সপ্তাহ পালনত সক্ৰিয় সহযোগিতা আগবঢ়াও আৰু আমাৰ শিশুসকলৰ শিক্ষা গ্ৰহণৰ মৌলিক অধিকাৰ সাব্যস্ত কৰা অভিযানৰ অংশীদাৰ হওঁ।</p> <p style="text-align: justify; "><i><b>উৎস: শিক্ষা বিভাগ, অসম চৰকাৰ</b></i></p>