<p style="text-align: justify; "><br /> <br /> আমাৰ শৰীৰটো বৰ্তাই ৰাখিবলৈ জন্মৰে পৰা মৃত্যুলৈকে আহাৰ খোৱাটো অপৰিহাৰ্য্য । সেয়ে ভাতেই হওক ৰুটিয়েই হওক বা কিবা নহয় কিবা খাও ।<br /> আমি দেখো পৃথিৱীৰ য'তে ততে বা যিকোনো জলবায়ুত যিকোনো শস্য মৎস্য ,উদ্ভিদ ,বনদ্ৰব্য আদি পোৱা নাযায় বা পালেও সোৱাদ আৰু গুণগত মান দন্ডৰ তাৰতম্য থাকে । তাৰোপৰি একে জাতৰ বীজ -পুলি আদি দূই ভিন ভিন অঞ্চলত ৰোপন কৰিলে সোৱাদ আৰু গুনাগুণ ভিন্ন হয় । পৰীক্ষামুলক ভাবে ৰাসায়নিক বিশ্লেষন কৰি চালেও ভিন ভিন তথ্য পোৱা যায় । উদাহৰন স্বৰুপে একে জাতৰ ঘৃতকুমাৰী(Aleoveera)ভাৰতৰ বিভিন্ন ৰাজ্যত গুণ বেলেগ :তেনেকৈ সকলো আহাৰৰ সামগ্ৰী ,ফল,ঔষধী গছ লতাদিৰ ক্ষেত্ৰতো একে ।<br /> আজিকালি ইঠাইৰ আহাৰ্য্য বস্তু সিঠাইলৈ,বহি ৰাজ্য বা বিশ্বৰ ইকোণৰ বস্তু সিকোণলৈ অনা নিয়া হয় যদিও মানুহ বা যিকোনো জীৱৰ বাবে গুনাগুণৰ ক্ষেত্ৰত সম্পুৰ্ন উপযোগী নহয় ॥<br /> ইয়ৰ মুলতে পৃথিৱীৰ কোনো ঠাইৰে জলবায়ু , পৰিৱেশ আৰু জীৱৰ শাৰীৰিক গঠন , ৰোগাদিৰ প্ৰতি্ৰোধ ক্ষমতা একে নহয় । সেইমতে খোৱাৰ ৰুচীবোধ,চলন ফুৰন ,ধৰন কৰন আদিও ভিন ভিন।<br /> আচৰিত কথা সৃষ্টি আৰু পালনকৰ্তা ওপৰ ৱালাই জীৱ আৰু উদ্ভিদ আদিক এনেকৈ স্থাপন কৰিছে যে নিজৰ পৰিৱেশ আৰু জলবায়ুত ওপজা গছ লতা ফল শস্য ফল আদিৰ লগতহে <br /> সামঞ্জস্য থাকে আৰু সেই অঞ্চলৰ জীৱৰ বাবেহে অধিক উপযোগী ॥ <br /> আজিকালি আমাৰ বেচিভাগেই স্বইচ্ছাই হওক বা বাধ্যতামুলক ভাৱেই হওক বা নিৰুপায় হৈয়ে হওক থলুৱা আহাৰৰ সামগ্ৰী খোৱা বাদ দিব ধৰিছে । দুৰৈৰ পৰা অহা বহিঃৰাজ্যৰ ৰাসায়নিক বিষতুল্য শস্য ,মৎস্য, ফল , চাউল আদিয়ে ক্ষতিসাধন হয় বুলি জানিও অধিক দামত তৃপ্তিৰে খাইছো । নিজৰ অঞ্চলৰ পাচলি পোক লগা বুলি নাখাই চালানি ৰাসা:কীটনাশক বিষাক্ত পাচলী খাও , নিজৰ ৰাজ্যতে উভৈনদী পুস্তিগুণ থকা সৰু সৰু মাছ নাখাই ডাঙৰ মুৰৰ বিষাক্ত ফৰমেলীন মিহলোৱা চালানী মাছ খাও , ব্ৰইলাৰ খাও , আৰু কত কি খাও যিবোৰে আমাৰ দেহ ঘুণীয়া কৰাই নহয় দিনক দিনে দুৰাৰোগ্য বেমাৰত অকাল মৃত্যুও হোৱা দেখিছোহি । অসমৰ বতৰৰ ফল আম, জাম , লেটেকু পনিয়ল, মধুৰিআম ,আতলচ , বেল , ৰবাৱ নাখাই অধিক দামত আপেল আঙুৰ খাইছো । <br /> চৰকাৰে বছৰে বৃক্ষৰোপন দিৱস পাতি কোটি কোটি বৃক্ষৰোপন কৰে । আমি দেখো ১০ ভাগৰ ১ অংশও চৰাই চিৰিকতি,জীৱ বা মানুহে খাব পৰা ফলৰ গছ নোৰোৱে । অসংখ্য পিতনীত বিজ্ঞান সন্মতভাবে মীন পালন কৰিব পাৰে । কিন্তু সদিচ্চা নাই । দাইল , মচলা , আলু ,পিয়াজ ,নহৰু অসমতো হয় কিন্তু আমি নকৰো । আনকি ভগৱানৰ শৰাইত আগবঢ়োৱা মাহপ্ৰসাদৰ বুট মগু খিনিও বহিঃৰাজ্যৰ পৰাহে আশা কৰো ।<br /> বন্ধু বান্ধবী তথা অসমৰ প্ৰতি পৰিয়ালৈ অনুৰোধ -আপোনালোকে থলুৱা বা নিজৰ অঞ্চলৰ আহাৰৰ সামগ্ৰী খোৱাৰ প্ৰতি আগ্ৰহান্বিত হওক । নিজৰ থলুৱা চাউল খাওক,পাচলী খাওক ,থলুৱা মাছ মাংস খাওক ,থলুৱা বতৰৰ ফল খাওক । সেয়াহে আমাৰ পৰিৱেশ ,জলবায়ু আৰু শৰীৰৰ উপযোগী পুস্তিকৰ আৰু উত্তম খাদ্য ।</p> <p style="text-align: justify; "><b><i>লেখক: যতীন দাস</i></b></p> <p style="text-align: justify; "><b><i>উৎস: স্বাস্থ্য দ্য হেলথ ছলিউশ্যনছ</i></b></p> <p style="text-align: justify; "> </p>