<p style="text-align: justify; "><br /> <br /> মানুহৰ শৰীৰত আন ৰোগৰ চিকিৎসা ব্যয়তকৈ খুব সম্ভৱ গাৰ চালখনত ঘহা পিহা বা সৌন্দৰ্য্য চৰ্চাৰ খৰছ আটাইতকৈ বেচি বুলিয়েই কব লাগিব । আজিকালি গাৱে ভুয়ে প্ৰসাধন সামগ্ৰীৰ ৰমৰমীয়া ব্যৱসায় লগতে দেশী বিদেশী কিমান ধৰনৰ কোম্পানি গঢ়ি উঠিছে । কি ধনী ,কি দুখীয়া ,কি বিশ্ব সুন্দৰী ,কি কুৎচিত প্ৰত্যেকেই আমি চালৰ যতনৰ বাবে কিবা নহ্য় কিবা ঘহো । বতৰৰ অনুকুলেও আমাৰ গাৰ চালৰ পৰিবৰ্তন দেখা যায় । গৰম দিনৰ লগতে শীত কালতো আমাৰ গাৰ চালৰ নানা আসোৱাহ আহি পৰে ।<br /> সেয়ে শীতৰ দিনত এনে আসোৱাহত দামী দামী প্ৰসাধন বা পাৰ্শক্ৰীয়া হব পৰা সস্তীয়া বা নকল প্ৰসাধন সনাতকৈ কম মুল্যতে তথা পাৰ্শক্ৰীয়া- বিহীন ঘৰুৱা বনদৰবেৰেও যতন লব পাৰোহক ।তাৰে কিছু পদ্ধতি তলত দিয়া হ'ল -<br /> ১। গাৰ চাল গোৰোহা আদি ফটা দেহত চি ভিটামিন তথা কেলচিয়ামৰ অভাৱ থকা লোকৰ গা ,ভৰি বা মুখমন্ডল ফাটে । সেয়ে -</p> <p style="text-align: justify; ">ক) গোলনেমুৰ ৰস দিনে ২৫ মিঃ লিঃ কৈ সদায় খোৱাৰ উপৰি গাত সানিব <br /> খ) কেচা হালধী দুআঙুলমানকৈ গুড়ৰ লগত সদায় খাব আৰু ৰাতি শোৱতে (বা দিনত) গাত সানিব ।<br /> গ) বতৰৰ থলুৱা টেঙাজাতীয় ফল খাব -বিশেষকৈ কমলা বা আমলখি নিয়মিত খাব ।<br /> ঘ) গোৰোহা ফাটিলে ছতিয়ন ,বৰগছ নাইবা আঁহত গছৰ এঠা লগাব ।<br /> ঙ) ওঠ আৰু গাল ফাটিলে গাখীৰৰ সৰ বা মৌজোল লগাব পাৰে ।<br /> ২। গাৰ চাল নিমজ কৰাবলৈ:-<br /> ক) কেচা বাদাম ৫-৬টা আৰু অলপ কেচা হালধী এগিলাচ গাখীৰত ৰাতি তিয়াই থব । ৰাতিপুৱা তাত কিছু নাৰিকলৰ গাখীৰ মিহলাই গাত কেইদিনমান সানিলে চাল সতেজ আৰু উজ্জল হয় ।<br /> খ) বাদাম তেল ২চামুচ আৰু গোলাপ জল ১চামুচ মিহলাই গা মালিচ কৰিলে শুকান চাল নিমজ আৰু মসৃন হয় ।<br /> গ) বকফুলৰ গুড়ি আৰু মহৰ দৈৰ মাখন মিহলি কৰি গাত ঘহিলে চাল নিমজ হয় ।<br /> ঘ) বগা চন্দনৰ গুড়ি ,,,গাখীৰ, দৈ আৰু হালধী মিহলাই গাত সানিলে চাল নিমজ হয় ।<br /> ঙ) পকা অমিতা বা পকা কল ফেটি মুখত বা গাত সানিলে চাল মসৃন হয় ॥<br /> চ)মচুৰ দাইল বতা আৰু মৌ ঘহিলেও ভাল<br /> ছ)সুমথিৰা টেঙাৰ বাকলিৰ গুড়া আৰু মৌ মিহলাই মুখত ঘহিলে মুখৰ সৌন্দৰ্য বাঢ়ে ।<br /> ঝ) মাটিমাহ আৰু হালধী ঘহাতোও উত্তম ।<br /> ঞ)ঘৃতকুমাৰী পাতৰ বিজল সানিলে চালৰ যিকোনো সমস্যা দুৰ হয় ।<br /> ৩।কম বয়সতে চাল সোতোৰা পৰা বা গাত বলিৰেখা পৰা -<br /> ক) আলুৰ বাকলি পিহি নেমু বা কমলাৰ ৰস মিহলাই গাত সানিব।<br /> খ) জিৰাগুৰি পানীত উতলাই ঠান্ডা হলে গাত সানিব<br /> গ) যিকোনো পাচলি কাটোতে ওলোৱা ৰস গাত সানিলে চালৰ সোতোৰা পৰা গুচে।<br /> ঘ) প্ৰচুৰ পৰিমানে ৰসাল ফল খালে চালৰ সোতোৰা পৰা গুচে।<br /> লিভাৰ দুৰ্বলতা থাকিলে বা পানী পৰ্যাপ্ত পৰিমানে নাখালেও চাল ৰুক্ষ বা সোতোৰা হব পাৰে : সেয়ে পানী কমকৈ নেখাব -<br /> চালৰ সকলো সমস্যাৰ বাবে যিকোনো বতৰত নিয়মিত ৩/৪লিটাৰ পানী , আমলখি বা কেলচিয়াম আৰু ক খ গ ভিটামিন থকা যিকোনো ৰসাল ফল খাব ॥ অধিক বনদৰৱজাতীয় পুস্তিকৰ শাক পাচলি খাব ।</p> <p style="text-align: justify; "><b><i>লেখক: যতীন দাস</i></b></p> <p style="text-align: justify; "><b><i>উৎস: স্বাস্থ্য দ্য হেলথ ছলিউশ্যনছ</i></b></p> <p style="text-align: justify; "> </p>