<p style="text-align: justify; ">(১) হঠাতে মূৰ ঘূৰাই চকুৰে অন্ধকাৰ দেখিলে দুয়োখন কাণসহ মূৰত হাতৰ তলুৱাৰে চাপ দিলে মূৰঘূৰণি বন্ধ হয়।</p> <p style="text-align: justify; ">(২) কণ্ঠনলীত হঠাতে সুৰসুৰণি উঠিলে কিছুসময় কাণদুখন হাতৰে ধৰি টানি ৰাখিলে সুৰসুৰণি নোহোৱা হয়।<br /> (৩) ইঞ্জেকচন দিয়াৰ সময়ত কাহ এটা মাৰিলে বিষ অনুভৱ নহয়।<br /> (৪) চৰ্দি লাগি নাক সোপামাৰি ধৰিলে বা মূৰ বিষালে , জিভাৰে ওপৰৰ তালুত হেচাদিব। একে সময়ত দুয়ো ভ্ৰুৰ মাজত মধ্যমা আঙুলিৰে ১৫-২০ চেকেণ্ড হেচিধৰিব। এইদৰে কেবাবাৰো কৰিব।লগে লগে আৰাম পাব।<br /> (৫) অনিদ্ৰাত ভুক্টভোগী ব্যক্তিয়ে নিতৌ এটা ডালিম খালে ভাল টোপনি আহে। বিছনাৰ শিতান উত্তৰ দিশত ৰাখি শুলে ভাল টোপনি হয়। নাইবা শোৱাৰ সময়ত এগিলাচ কুহুমীয়া গাখীৰ খালেও টোপনি ভাল হয়।<br /> (৬) দিনে এটা আপেল খালে কোষ্ঠকাঠিন্য নোহোৱা হয়। আপেলত Sorbitol থকা বাবে শৌচ খোলোচা কৰাত সহায় কৰে।<br /> (৭) কেতিয়াবা ফোঁহা উঠিলে গেথেলা মাৰি থাকে আৰু অসহ্য বিষ হয়। কলমৌ পটাত পিহিলৈ ফোঁহাৰ ওপৰত প্ৰলেপ দিলে সোনকালে পকি ফাটি যায় আৰু তৎক্ষণাত উপসম পায়।<br /> (৮) ভৰিত শামূকীয়া বা কৰ্ণ হ'লে এটকাতে ভাল কৰিব পাৰি। চূণ আৰু চ'দা সমপৰিমাণে লৈ পেষ্ট বনাই শামূকীয়াত লগাই ৰাখিলে মৰা কোষ এৰাই পৃথক হয় আৰু নতুনকৈ কোষৰে পৰিপূৰ্ণ হয়। <br /> (৯) হঠাতে হিকতি আহিলে ৪-৫ টামান জালুক কঠাসিয়া বেজীত বা তাৰত সুমুৱাই আধাপোৰা কৰি ধোঁৱা ওলাব দিব। এই ধোঁৱা নাকৰে কেবাৰমান উজাই ললে তৎক্ষণাত হিকতি বন্ধ হয়।<br /> (১০) কাণত পোক সোমালে গ্লিছাৰিণ অথবা গাঢ়কৈ বনোৱা নিমখৰ পানী কাণৰ ফুটাত সম্পূৰ্ণকৈ ঢালি দিব। মৃত বা জীৱিত পোক ওপৰলৈ ওপঙি আহিব ক তেতিয়া সহজে আতৰাব পাৰিব।<br /> (১১) গৰমৰ দিনত ৰদত কাম কৰি থাকোতে কোনো ব্যক্তি মূৰ ঘূৰাই পৰিলে একলিটাৰ কুহুমীয়া পানীত ডেৰ-দুই চামুচ নিমখ গুলি খুৱাই দিব । লগে লগেই আৰাম পাব।গৰমৰ কাৰণে হোৱা ডিহাইড্ৰেচন বা শৰীৰৰ জলশূন্যতাৰ কাৰণে এইদৰে আক্ৰান্ত হয়।<br /> সাধাৰণতে গৰমৰ দিনত স্কুলীয়া ছাত্র-ছাত্ৰী প্ৰায়েই মূৰ ঘূৰণীত আক্ৰান্ত হয়। শিক্ষক সকলে ভয় নাখাব, লগে লগে নিমখ পানী খুৱাব।<br /> (১২) ডিঙিত মাছৰ কাইট লাগিল , ওচৰত ডাক্তৰ নাই কাইট উলিয়াই আনিবলৈ। বিচলিত নহব, নেমু এচিটা এচিটাকৈ চোবাই ৰস খাওক। কিছুসময় পিছত কাইট কোমলহৈ চিগি যাব। <br /> মাছৰ কাইট কেলছিয়ামৰে গঠিত, অন্যহাতে নেমুৰ ৰসত এছকৰ্বিক এচিড থাকে। এছকৰ্বিক এচিডে কেলছিয়াম গলাব আৰু ক্ষয়নিয়াব পাৰে। সেয়েহে নেমুৰ ৰসে মাছৰ কাইট গলাই সহজে চিঙিব আৰু আপুনিও ৰক্ষা পাব।<br /> (১৩) বৰল, মৌমাখি বা কোদোৱে বিন্ধিলে বৰকৈ বিষায়। পিয়াঁজ পিহি প্ৰলেপ দিলে বিষ কমে।<br /> (১৪) ৰসগোলা খালে কেতিয়াবা খাদ্যনলীত সোপামাৰি লাগিধৰে বাবে কথা ক'ব নোৱাৰে আনকি শ্বাস-প্ৰশ্বাস লব নোৱাৰা হয়। সেয়েহে ৰসগোলা খোৱাৰ আগতে পানী খাব আৰু অলপ অলপকৈ ৰসগোলা খাব। <br /> (১৫) সৰু লৰা-ছোৱালীয়ে বগৰী, জলফাই ,শিলিখা , খেজুৰ আদি খাওঁতে কেতিয়াবা গুটি গিলি দিয়ে আৰু কন্ঠনলীত লাগিধৰে। ভৰি দুটাত ধৰি মূৰটো তললৈ ৰাখিব আৰু এজনে পিঠিত জোৰেৰে চপৰিয়াই দিব। গুটি মুখেৰে ওলাই আহিব।<br /> (১৬) নাকৰ পৰা হঠাতে তেজ ওলালে পিয়াঁজৰ ৰস কেইটোপালমান নাকৰ ফুটাত দিলে তেজ ওলোৱা বন্ধ হয় । শৰীৰৰ আন অংশৰ পৰা তেজ ওলালেও পিয়াঁজৰ ৰস ব্যৱহাৰ কৰিব পাৰে।<br /> (১৭) পুৰণি ডিছেন্ট্ৰী , ডায়েৰীয়া, কলাইটিচ ৰোগীয়ে প্ৰতিদিনে এটাকৈ পকা বেলৰ চৰ্বত১০-১৫ দিন খালে এই ৰোগ ভাল হয়।<br /> (১৮) জিভা কামোৰ খোৱা অথবা মুখৰ ভিতৰত হোৱা যিকোনো ধৰণৰ ঘাঁ সোনকালে শুকুৱাৰ লগতে বিষ উপসমৰ কাৰণে মৌ ৪ ঘন্টাৰ অন্তৰত লগাব। <br /> (১৯) গৰ্ভৱতীয়ে সদায় ৫-৬ টা খেজুৰ খালে প্ৰসৱোত্তৰ কালীশ ৰক্তস্ৰাৱ হোৱাৰ সম্ভাৱনা নাথাকে।<br /> (২০) ৰাতিপুৱা খালিপেটত ৪-৫ ফুটা নহৰু বাকলি সহ গিলি খালে , ২ কাপ চাহ খালে আৰু ২ টাকৈ কল খালে উচ্চ ৰক্তচাপ, হৃদৰোগ হব নোৱাৰে।</p> <p style="text-align: justify; "><b><i>লেখক :-ডা: মনোজ কুমাৰ শইকীয়া<br /> ফোন নং-9435209704, উৎস: স্বাস্থ্য দ্য হেলথ ছলিউশ্যনছ</i></b></p> <p style="text-align: justify; "><b><i> </i></b></p> <p style="text-align: justify; "> </p>