<p style="text-align: justify; ">গাঁঠিনো কি ?</p> <ul style="text-align: justify; "> <li>দুডাল হাড়ৰ সংলগ্ন স্থানকে গাঁঠি বুলি কোৱা হয়। গাঁঠিবোৰৰ বাবে আমাৰ শৰীৰৰ বিভিন্ন অংশ আৰামদায়কভাৱে লৰচৰ কৰিব পাৰোঁ।</li> </ul> <p style="text-align: justify; ">অষ্ট্ৰ’ আৰ্থ্ৰাইটিছ কি ?</p> <p style="text-align: justify; ">আৰ্থ্ৰাইটিছ মানে হ’ল গাঁঠি হোৱা বিষ।</p> <ul style="text-align: justify; "> <li>অষ্ট্ৰ’ আৰ্থ্ৰাইটিছৰ এটা সাধাৰণ ৰোগ হ’ল আৰ্থ্ৰাইটিছ। অষ্ট্ৰ’ আৰ্থ্ৰাইটিছ হোৱাৰ কাৰণবোৰ কি ?</li> </ul> <p style="text-align: justify; ">বয়স, লিংগ, মেদবহুলতা, গাঁঠিৰ আঘাতপ্ৰাপ্ত, গাঁঠিৰ সমস্যাসমূহ, বংশগত সমস্যা আৰু গাঁঠিৰ ৰোগ।</p> <p style="text-align: justify; ">কোনবোৰ গাঁঠি অষ্ট্ৰ’ আৰ্থ্ৰাইটিছৰ দ্বাৰা আক্ৰান্ত হয় ?</p> <ul style="text-align: justify; "> <li>যিকোনো গাঁঠিয়ে অষ্ট্ৰ’ আৰ্থ্ৰাইটিছৰ দ্বাৰা আক্ৰান্ত হ’ব পাৰে যদিও নিতম্ব, আঁঠু, আঙুলিৰ গাঁঠি আৰু ৰাজহাড়ৰ তলত বেছিভাগেই আক্ৰান্ত হয়।</li> </ul> <p style="text-align: justify; ">অষ্ট্ৰ’ আৰ্থ্ৰাইটিছ কেইপ্ৰকাৰৰ ?</p> <ul style="text-align: justify; "> <li>প্ৰাইমাৰী অষ্ট্ৰ’ আৰ্থ্ৰাইটিছ</li> <li>ছেকেণ্ডাৰী অষ্ট্ৰ’ আৰ্থ্ৰাইটিছ</li> </ul> <p style="text-align: justify; ">অষ্ট্ৰ’ আৰ্থ্ৰাইটিছৰ লক্ষণবোৰ কি কি ?</p> <ul style="text-align: justify; "> <li>বিষ, জঠৰতা আৰু লৰচৰ কৰাত অসুবিধা</li> <li>সাধাৰণ অৱস্থাতকৈ আক্ৰান্ত গাঁঠিবোৰ বেছি ডাঙৰ দেখা যায়। হাড়ৰ গঠন বাঢ়ি যোৱা বাবে এনে হয়।</li> <li>গাঁঠিৰ বিসংগতি সাধাৰণতে দেখা নাযায় যদিও মাজে-সময়ে দেখা যাবও পাৰে।</li> <li>কোনো লক্ষণ নাথাকিবও পাৰে।</li> </ul> <p style="text-align: justify; ">অষ্ট্ৰ’ আৰ্থ্ৰাইটিছ কেনেদৰে নিৰূপণ কৰা হয় ?</p> <ul style="text-align: justify; "> <li>এক্স-ৰে, এম আৰ আই।</li> </ul> <p style="text-align: justify; ">অষ্ট্ৰ’ আৰ্থ্ৰাইটিছৰ চিকিত্সা কেনেদৰে কৰা হয় ?</p> <ul style="text-align: justify; "> <li>অষ্ট্ৰ’ আৰ্থ্ৰাইটিছ নিৰাময় কৰিব নোৱাৰি। কিন্তু উচিত চিকিত্সাৰ দ্বাৰা বিষ উপশম কৰাৰ লগতে গাঁঠিবোৰৰ চলাচল নিয়ন্ত্ৰণত ৰাখিব পাৰি।</li> <li>গাঁঠিৰ বিষ কমোৱা, মাংসপেশীবোৰ শক্তিশালী কৰাৰ লগতে চলাচল বৃদ্ধি কৰাৰ বাবে নিতৌ ব্যায়াম বা যোগাসন কৰা।</li> <li>বিষৰ পৰা উপশম পোৱাৰ বাবে চিকিত্সকৰ পৰামৰ্শ অনুসৰি ঔষধ সেৱন কৰা।</li> <li>গুৰুতৰভাৱে ক্ষতি হোৱা গাঁঠিবোৰ মেৰামতি বা পুনৰ সংস্থাপনৰ বাবে অস্ত্ৰোপচাৰ কৰা।</li> </ul> <p style="text-align: justify; ">অষ্ট্ৰ’ আৰ্থ্ৰাইটিছ কেনেদৰে চিকিত্সা কৰা হয় ?</p> <ul style="text-align: justify; "> <li>গাঁঠিৰ বিষ আৰু জঠৰতা কমোৱা।</li> <li>গাঁঠিৰ চলাচল বৃদ্ধি কৰা।</li> <li>শাৰীৰিক অক্ষমতাসমূহ নিয়ন্ত্ৰণ কৰা।</li> <li>গাঁঠিৰ ক্ষতিৰ সীমিত বৃদ্ধি।</li> <li>আঁঠু আৰু নিতম্বৰ অষ্ট্ৰ’ আৰ্থ্ৰাইটিছ।</li> </ul> <p style="text-align: justify; ">অস্ত্ৰোপচাৰৰ বিষয়ে আপুনি চিকিত্সকৰ পৰা জানিবলগীয়া-</p> <ul style="text-align: justify; "> <li>অস্ত্ৰোপচাৰ কৰাৰ পাছত আপুনি কেনেদৰে আৰু কিমান দিনলৈ লাভান্বিত হ’ব ?</li> <li>এই পদ্ধতিটোক কি বুলি কোৱা হয় ?</li> <li>আকৌ সাধাৰণ কাম-কাজ কেতিয়া কৰিব পাৰিব।</li> <li>এইটো কেনেদৰে কৰা হ’ব।</li> <li>ফলাফল কেনে হ’ব।</li> <li>সম্ভাৱ্য বিপদ।</li> </ul> <p style="text-align: justify; ">আৰামদায়ক জীৱন কটোৱাৰ টিপ্ছ-</p> <ul style="text-align: justify; "> <li>সুস্থ জীৱন অতিবাহিত কৰক।</li> <li>জিনৰ অক্ষমতাবোৰতকৈ সক্ষমতাবোৰৰ ওপৰত বেছিকৈ মন দিয়ক।</li> <li>নিজৰ দুৰ্বলতাবোৰৰ পৰিৱৰ্তে শক্তিশালী দিশবোৰৰ ওপৰত বেছিকৈ মন দিয়ক।</li> <li>নিজে সমাধান কৰিব পৰাকৈ কামবোৰৰ তালিকা প্ৰস্তুত কৰি লওক</li> <li>ষ্ট্ৰেচ দিব পৰা সকলো কামৰ পৰা বিৰত থাকিব।</li> <li>ফিটনেছ আৰু খাদ্য আপোনাৰ দৈনন্দিন তালিকাত অন্তৰ্ভুক্ত কৰিব।</li> <li>পৰিয়াল, বন্ধুবৰ্গ আৰু চিকিত্সকৰ লগত সুসম্পৰ্ক বজাই ৰাখিব।</li> <li>ঔষধ আৰু ব্যায়ামেৰে গাঁঠিৰ বিষ কমাব নোৱাৰিলে অস্ত্ৰোপচাৰৰ সহায় লওক।</li> <li></li> </ul> <p style="text-align: justify; "><span style="text-align: justify; "><strong><i>লেখকঃ ডাঃ শান্তনু শৰ্মা, অস্থিৰোগ বিভাগৰ মুৰব্বী বিশেষজ্ঞ, জি এন আৰ চি মেডিকেল</i></strong></span></p> <p style="text-align: justify; "><strong><i>উৎস: অসমীয়া খবৰ</i></strong></p>