স্বাস্থ্য

প্ৰাথমিক চিকিৎসা

আয়ুৰ্বেদিক চিকিৎসা :

<h3 style="text-align: justify; ">মধুমেহ আৰু হৃদৰোগৰ কেইটামান সাধাৰণ আয়ুৰ্বেদিক চিকিৎসা -</h3>
ভাৰত লাহে লাহে মধুমেহ ৰোগৰ ৰাজধানী হ’বলৈ গৈ আছে । একেদৰে দেশখনত হৃদৰোগীৰ সংখ্যাও উদ্বেগজনকভাৱে বৃদ্ধি পাইছে । এই দুয়োটা ৰোগ নিৰাময় কৰাৰ বাবে আয়ুৰ্বেদে গুৰুত্বপূৰ্ণ ভূমিকা পালন কৰিব পাৰে ।
মধুমেহ ৰোগত ৰোগীগৰাকীৰ তেজত গ্লুক’জৰ পৰিমাণ বৃদ্ধি পায় । সাধাৰণতে শৰীৰে খাদ্যবস্তু বিঘটন কৰি গ্লুক’জলৈ পৰিণত কৰে আৰু পাছত কোষলৈ প্ৰেৰণ কৰে । কোষত ইনচুলিন নামৰ এবিধ হৰম’ন তৈয়াৰ কৰি শাৰীৰিক শক্তি প্ৰদান কৰে । মধুমেহ দুই প্ৰকাৰৰ আছে ।  প্ৰকাৰ ১ আৰু প্ৰকাৰ ২৩ মধুমেহত শৰীৰৰ ভিতৰত ইনচুলিন তৈয়াৰ কৰাৰ ক্ষমতা নোহোৱা হয় । ইয়াৰ ফলত শৰীৰৰ তেজত শৰ্কৰাৰ পৰিমাণ বৃদ্ধি হয় ।
<h3 style="text-align: justify; ">তিতাকেৰেলা গ্ৰহণেৰে প্ৰাকৃতিক চিকিৎসা -</h3>
১) চাৰি-পাঁচটা তিতাকেৰেলা ছাল আৰু গুটি এৰুৱাই লওঁক ।
২) সেইবোৰ ভালদৰে মোহাৰি ৰস উলিয়াই লওক ।
৩) পাছত সেয়া পনীত মিহলাওক ।
৪) তিতাকেৰেলাৰ ৰসখিনি খাওক ।
<h3 style="text-align: justify; ">ডালচেনি গুড়িৰে প্ৰাকৃতিক চিকিৎসা -</h3>
১) এক লিটাৰ পানী উতলাওক ।
২) কম জুইত ২ মিনিট ৰাখক ।
৩) উতলাৰ পাছত তাত ডালচেনিৰ গুড়ি তিনিচাহ চামুচ মিহলাওক ।
৪) মিশ্ৰণটো ভালদৰে লৰাই দিয়ক ।
৫) প্ৰতিদিনে এই মিশ্ৰন খাওক ।
<h3 style="text-align: justify; ">মেথি গুটিৰে প্ৰাকৃতিক চিকিৎসা -</h3>
১) চৰি চাহ চামুচ মেথি গুটিৰ গুড়ি লওক ।
২) ২৫০ মি: লি: পানীত ৰাতিটো তিয়াই ৰাখক ।
৩) মিশ্ৰণখিনি চেকি পানীখিনি উলিয়াওক ।
৪) দুমাহলৈ প্ৰতিদিনে খাওক ।
<h3 style="text-align: justify; ">হালধি, আমলখি আৰু মেথিৰে প্ৰাকৃতিক চিকিৎসা -</h3>
আধা চামুচ হালধিৰ গুড়ি, এক চাহ চামুচ আমলখিৰ গুড়ি আৰু আধা চাহ চামুচ মেথি গুটিৰ গুড়ি পানীত খালী পেটত খাওক ।
কিটিপ :-
-   প্ৰতিদিনে আঠ-দহটা জামু খাওক ।
-   চেনিযুক্ত খাদ্য বৰ্জন কৰক । মিঠাই, কেক আদি খোৱা বন্ধ কৰক ।
-   বৰ্জনীয় খাদ্য :-
-   মধুমেহত আক্ৰান্ত ৰোগীয়ে ভাত, আলু, মিঠা ফল, ময়দা, আটা, বেছিকৈ ভজা খাদ্য, ৰঙা মাংস বা ৰেড মিট আৰু চাগু বৰ্জন কৰক ।
-   গ্ৰহণীয় খাদ্য :-
-   মধুমেহত আক্ৰান্ত ৰোগীয়ে প্ৰচুৰ পৰিমাণে বীনজাতীয় শস্য, মগু, তিল, মচুৰ, দাইল, ছ’য়াবীন, পালেংজাতীয় সেউজীয়া পাচলি, লাউ, কোমোৰা, ৰাগি, কেৰেলা আদি প্ৰ’টিনযুক্ত খাদ্য খাব ।
কিডনীৰ ৰোগত আক্ৰান্তসকলে প্ৰ’টিনযুক্ত আহাৰ কমকৈ আৰু পাচলি বেছি খাব ।
<h3 style="text-align: justify; ">মধুমেহৰ খাদ্য -</h3>
আপোনাৰ বাবে উৎকৃষ্ট খাদ্য তালিকাখন হ’ল ৬০ শতাংশ পাচলি, ৩০ শতাংশ প্ৰ’টিন আৰু ১০ শতাংশ কাৰ্ব’হাইড্ৰেট ।
ইয়াৰ সৈতে দৈনিক আধা ঘণ্টাৰ বাবে লঘু ব্যায়াম ।
তেজত শৰ্কৰাৰ পৰিমাণ কমোৱাৰ বাবে এখন তালিকা –
১) ধূমপান বৰ্জন কৰক ।
২) পৰ্যাপ্ত পৰিমাণে শোৱক ।
৩) সময়ে সময়ে তেজত শৰ্কৰাৰ পৰিমাণ পৰীক্ষা কৰক ।
৪) তেজ পৰীক্ষা কৰক আৰু শৰীৰৰ ওজন সঠিক পৰিমাণে ৰাখক ।
৫) মদ্যপান কমাওক ।
৬) খাদ্য নিৰ্দিষ্ট সময়ৰ মূৰে মূৰে খাওক আৰু অতিমাত্ৰা ভোজন নকৰিব ।
৭) দৈনিক আধা ঘণ্টাৰ বাবে লঘু ব্যায়াম কৰক ।
৮) মুখ শুকান হোৱা, পিয়াহ লগা, ভাগৰ লগা, পেশী বিষ হোৱা যেন অনুভৱ হ’লে তৎক্ষণাত চিকিৎসকৰ পৰামৰ্শ লওক ।
<h3 style="text-align: justify; ">হৃদৰোগ কি ?</h3>
-   ই হ’ল তেজৰ ধমনীত সৃষ্টি হোৱা বিসংগতি যাৰ ফলত হাৰ্ট এটেকৰ দৰে ঘটনাও ঘটিব পাৰে । বিভিন্ন হৃদৰোগৰ ভিতৰত ষ্ট্ৰ’ক, উচ্চ ৰক্তচাপ, বুকুৰ বিষ আৰু ৰিউমেটিক হৃদৰোগ ।
-   শক্তিশালী ঘৰুৱা দৰবেৰে হৃদৰোগৰ পৰা হাত সাৰিব পাৰি ।
-    আধা চামুচ আদাৰ ৰস, আধা চামুচ নহৰুৰ ৰস মৌৰে মিহলাই দিনে দুবাৰকৈ খাওক ।
-   দিনে গাজৰ, ৰঙালাউ আৰু ডালিমৰ ৰস ১-২ গিলাচ খাওক ।
-   এচামুচ মেথি গুটি আধাকাপ পানীত এৰাতি তিয়াই ৰাখি পিছদিনা খালী পেটত খাওক ।
-   পঞ্চকৰ্মৰ অনুশীলনে হৃদযন্ত্ৰৰ সঞ্চালনত সহায় কৰে । পঞ্চকৰ্ম এগৰাকী আয়ুৰ্বেদিক চিকিৎসকৰ তত্ত্বাৱধানতহে কৰিব লাগে ।
-   এটুকুৰা কপাহী কাপোৰ ঘিউ আৰু তিল তেলত ডুবাই ৰাখক । পাছত সেয়া আপোনাৰ বুকুত হৃদযন্ত্ৰৰ চৌপাশে ১০-১৫ মিনিট মালিচ কৰক । এনে কৰিলে হৃদযন্ত্ৰৰ কাম সূচাৰুৰুপে চলাত সহায় কৰে ।
-   আধা চামুচ গৰুৰ ঘি তালুত লগাই এক মিনিট মালিচ কৰিলে ষ্ট্ৰেছ, উৎকণ্ঠা আদি নোহোৱা হয় ।
<h3 style="text-align: justify; ">হৃদৰোগত ভেষজ -</h3>
আদা :-
আদা হ’ল এনে এবিধ ঔষধি গুণযুক্ত দ্ৰব্য যাৰ ফলত তেজত কলেষ্টেৰ’লৰ মাত্ৰা সঠিক পৰিমাণে থাকে । তেজৰ প্লেটিলেটৰ সংগ্ৰহত সহায় কৰে । আয়ুৰ্বেদিক চিকিৎসকৰ মতে দিনে এটুকুৰা আদা খালে হাৰ্ট এটেকৰ পৰা ৰক্ষা পাব পাৰি ।
অৰ্জুন :-
অৰ্জুন হ’ল হৃদযন্ত্ৰৰ বাবে আন এক উপকাৰী দ্ৰব্য । ই হৃদপিণ্ডক সুৰক্ষা দিয়াৰ লগতে ৰক্ত সঞ্চালন নিয়মীয়া কৰে । ই ৰক্তক্ষৰণ বন্ধ কৰাৰ লগতে হাৰ্ট এটেকৰ পাছত সুস্থ হোৱাত সহায় কৰে । শেহতীয়া বৈজ্ঞানিক গৱেষণা অনুসৰি অৰ্জুনত ট্ৰিটোৰপাইন গ্লুক’চাইড নামৰ এবিধ উপাদান থাকে বাবে ই হৃদৰোগৰ চিকিৎসাৰ বাবে অতি ফলপ্ৰসু ।
নহৰু :-
হৃদৰোগৰ ই আন এবিধ উৎকৃষ্ট ঔষধ । ই কলেষ্টেৰ’লৰ মাত্ৰা কমোৱাৰ লগতে তেজ গোট মৰাত বাধা দিয়ে । উচ্চ ৰক্তচাপত ভোগা লোকক বাৰ সপ্তাহলৈ নহৰু খাবলৈ দিলে তেজৰ কলেষ্টেৰ’লৰ মাত্ৰা লক্ষণীয়ভাৱে কমি যায় ।
অশ্বগন্ধা:-
ই মানুহৰ সুস্থতা ৰক্ষাত সহায় কৰে আৰু দৈনিক ষ্ট্ৰেছৰ পৰাও ৰক্ষা কৰে । আৰ্থ্ৰাইটিছ, উচ্চ ৰক্তচাপ, মধুমেহ আদি ৰোগৰ ক্ষেত্ৰত ই ফলপ্ৰসূ ।
গুগুল :-
ইয়াৰ দ্বাৰা তেজৰ চৰ্বিৰ পৰিমাণ কমাব পাৰি । ই এথেৰ’স্কেল’ৰিট, চৰিঅ’ছিছ আৰু কাৰ্ডিয়েক ইছকেমিয়াৰ বাবে ফলপ্ৰসূ ।
উৎস :- অসমীয়া খবৰ

/health/first-aid/9869c19f09cd9ac9c79a69bf995-99a9bf9959bf9ce9b89be