অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

নেচনেল মীনচ্‌-কাম্‌—মেৰিট্‌ স্ক’লাৰচিপ আঁচনি

নেচনেল মীনচ্‌-কাম্‌—মেৰিট্‌ স্ক’লাৰচিপ আঁচনি

নেচনেল মীনচ্‌-কাম্‌—মেৰিট্‌ স্ক’লাৰচিপ আঁচনি চমুকৈ ‘NMMSS’ কেন্দ্ৰীয় চৰকাৰৰ এক আঁচনি| এই আঁচনিখন ২০০৮ চনৰ মে মাহত শুভাৰম্ভ কৰা হৈছিল| এন এম এম এছ এছ ৰ মুখ্য উদ্দেশ্য হ’ল আৰ্থিকভাৱে পিছপৰা পৰিয়ালৰ ছাত্ৰ ছাত্ৰী সকলক অষ্টম মান শ্ৰেণীতে “স্কুল ড্ৰপ্‌আউট” বা স্কুলীয়া শিক্ষা আধাতে সামৰা কাৰ্য্য ৰোধ কৰি উচ্চ আৰু উচ্চতৰ মাধ্যমিক শিক্ষা গ্ৰহণত উদ্‌গণি যোগোৱা|

ছাত্ৰবৃত্তিৰ ধন:

নিৰ্বাচিত ছাত্ৰ-ছাত্ৰী সকলক প্ৰতিবছৰে ৬০০০ টকাকৈ (৫০০ টকা প্ৰতিমাহ হিচাপত) ‘স্ক’লাৰচিপ’ বা বৃত্তি প্ৰদান কৰা হয়| নৱম শ্ৰেণীৰ পৰা দ্বাদশ শ্ৰেণীলৈকে যিকোনো চৰকাৰী, চৰকাৰী অনুদানপ্ৰাপ্ত অথবা স্থানীয় বিদ্যালয়ত শিক্ষা গ্ৰহণ কৰিবলৈ ছাত্ৰ-ছাত্ৰী সকলক এই সুবিধা প্ৰদান কৰা হয়|

এই বৃত্তিৰ বাবে থাকিবলগীয়া যোগ্যতা:

# যিসকল ছাত্ৰ-ছাত্ৰীৰ বাৰ্ষিক আয় ১৫০,০০০/- টকাতকৈ বেছি নহয় তেওঁলোক প্ৰত্যেকেই এই বৃত্তি পাবৰ বাবে যোগ্য| ইয়াত ৰাজ্য চৰকাৰৰ নিয়মানুসৰিত সংৰক্ষণৰ ব্যৱস্থা আছে|

# ছাত্ৰবৃত্তিৰ বাবে “নিৰ্বাচন পৰীক্ষা” ত অৱতীৰ্ণ হ’বলৈ সপ্তম শ্ৰেণীৰ পৰীক্ষাত নূন্যতম ৫৫% নম্বৰ অথবা তাৰ সমপৰ্য্যায়ৰ গ্ৰেড পাব লাগিব (এছ চি/ এছ টি ৰ বাবে ৫% ৰেহাই দিয়া হৈছে)|

# ছাত্ৰ-ছাত্ৰী সকলে কোনো চৰকাৰী, স্থানীয় অথবা চৰকাৰী অনুদান প্ৰাপ্ত বিদ্যালয়ত নিয়মীয়া ছাত্ৰৰ ৰুপত শিক্ষা গ্ৰহণ কৰা হ’ব লব লাগিব| এই আঁচনিৰ অধীনত “কেন্দ্ৰীয় বিদ্যালয়” আৰু জৱাহৰ নৱোদয় বিদ্যালয়ৰ ছাত্ৰ-ছাত্ৰী সকলক কোনো সুবিধা প্ৰদান কৰা নহয়| একেদৰে যিসকল ছাত্ৰ-ছাত্ৰীয়ে চৰকাৰী প্ৰতিষ্ঠানৰ দ্বাৰা পৰিচালিত আবাসিক স্কুলত পঢ়ি আছে য’ত তেওঁলোকে থকা-খোৱা আৰু শিক্ষাৰ সুবিধা লাভ কৰিছে আৰু যিসকলে ব্যক্তিগত খণ্ডৰ বিদ্যালয়ত শিক্ষা লাভ কৰিছে তেওঁলোকক এই স্ক’লাৰচিপ প্ৰদান কৰা নহয়|

# বৃত্তি নিৰ্বাচনৰ সময়ত প্ৰাৰ্থী গৰাকীয়ে অষ্টম শ্ৰেণীৰ পৰীক্ষাত নূন্যতম ৫৫% নম্বৰ অথবা সমপৰ্য্যায়ৰ গ্ৰেড পাব লাগিব| এছ চি/ এছ টি ৰ বাবে ৫% নম্বৰ ৰেহাই দিয়া হৈছে|

# উচ্চ মাধ্যমিক আৰু উচ্চতৰ মাধ্যমিক অথবা সম পৰ্য্যায়ৰ নৱম শ্ৰেণীৰ পৰা দ্বাদশ শ্ৰেণীলৈ পঢ়িবলৈ ভাৰতৰ ভিতৰত সৰ্বাধিক চাৰি বছৰৰ বাবে এই সুবিধা প্ৰদান কৰা হয়|

বাচনি প্ৰক্ৰিয়া:

এই বৃত্তি প্ৰদানৰ বাবে ছাত্ৰ-ছাত্ৰী বাচনি কৰিবলৈ ৰাজ্য চৰকাৰৰ দ্বাৰা এক বাঁচনি পৰীক্ষা অনুষ্ঠিত কৰা হয়| ৰাষ্ট্ৰীয় স্তৰত (২য় পৰ্য্যায়) ছাত্ৰ-ছাত্ৰী সকলক মনোনীত কৰিবলৈ ৰাজ্য/ কেন্দ্ৰীয় শাসিত প্ৰদেশ সমূহত NCERT ৰ দ্বাৰা পৰীক্ষা অনুষ্ঠিত কৰা হৈ আহিছে| এই পৰীক্ষাৰ জৰিয়তেই ৰাজ্য/কেন্দ্ৰীয় শাসিত প্ৰদেশৰ ছাত্ৰ-ছাত্ৰী সকলক “মীনচ্‌-কাম্‌—মেৰিট্‌ স্ক’লাৰচিপ”ৰ বাবে নিৰ্বাচিত কৰা হ’ব|

এই আঁচনিৰ বিষয়ে অধিক জানিবলৈ ক্লিক কৰক



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate