কেইটামান ঘৰুৱা টিপচ্

ঘৰুৱা টিপচ

• ইস্ত্ৰি কৰি থাকোতে কাপোৰ জ্বলি গ’লে কটা পিয়াঁজৰ ৰস জ্বলা অংশত লগাই থৈ ধুই পেলালে জ্বলাদাগ নাইকিয়া হয়।
• তিতা কেৰেলা কাটি নিমখত কিছুসময় ডুবাই থৈ দিলে তিতা কম হয়।
• এতিয়া গৰমৰ দিনত মাখিৰ উপদ্ৰৱৰ পৰা হাত সাৰিবলৈ পদিনাৰ পাত কেইখিলামান অলপ পানীৰ সৈতে মোহাৰি লৈ ঘৰৰ চাৰিওকাষে ছটিয়াওক।
• ৰহৰ দাইল সোনকালে সিজিবলৈ দাইলখিনি উতলাৰ সময়ত ন বা দহটা মান চাউল দি দিয়ক।
• কম্বল বা ৰাগবোৰ ধুবৰ সময়ত গধুৰ নহবৰ বাবে গ্লিচাৰিণ কেইটোপালমান পানীত পেলাই দি ধুব লাগে।

কিছু লাগতিয়াল

• নতুন জোতা পিন্ধিলে ভৰি কাটিবই।ৰেহাই পাবলৈ সামান্য চাবোন জোতাৰ কাটিব পৰা স্থানসমূহত লগাই দিয়ক।
• কেঁচিখনত যদি ধাৰ নোহোৱা হৈ গৈছে তেন্তে কাঁচৰ বটল ৰ মুখখনত কেঁচিখন লগাই কটাৰ দৰে চেষ্টা কৰক।কেঁচি ধাৰ হৈ যাব।
• নেমু ভালে ৰাখিবলৈ বগা পলিথিনৰ মোনাৰে মেৰিয়াই লওঁক।
• কুকাৰ বেছি লেতেৰা হ’লে কুকাৰত এটুকুৰা নেমু আৰু পানী দি দুটা হুইচেল দি দিয়ক।কুকাৰ পৰিস্কাৰ হব।
• ৰান্ধনিঘৰ বেছি গোন্ধালে অলপ ভিনেগাৰ কেৰাহীজাতীয় পাত্ৰত উতলাওক।গোন্ধ নোহোৱা হ’ব।

এলিজা তালুকদাৰ