অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

অনন্য মূলা

অনন্য মূলা

মূলা এবিধ অতি জনপ্ৰিয় পাচলি। মূলা উদ্ভিদজোপাৰ পুলি অৱস্থাৰ পৰাই মূখ্য মূলডাল ৰুপান্তৰিত হৈ মঙহহাল হৈ পৰে। ই আচলতে উদ্ভিদ জোপাৰ খাদ্য সঞ্চয়ৰ বাবেহে ৰুপান্তৰিত হয়। মূলাৰ এটি মৃদু জ্বল ভাব আছে যাৰ কাৰণ হ’ল গ্লুক’ছাইডৰ ভাঙোন। জাতবিশেষে মূলা বিভিন্ন আকাৰ আকৃতিৰ তথা বিভিন্ন ৰঙৰ হয় তথা জ্বলা ভাবটোও কম বেছি হয়।

মূলাৰ পুষ্টি মূল্য যথেষ্ট। ইয়াৰ প্ৰতি ১০০ গ্ৰামত পানীয়েই প্ৰায় ৯৪৪ গ্ৰাম, বাকী উপাদানবোৰ হ’ল-প্ৰটোন ১৭ গ্ৰাম, ফেট ০১ গ্ৰাম, খনিজ দ্ৰব্য ০৬ গ্ৰাম, অঁহ ০৮ গ্ৰাম, কাৰ্ব’হাইড্ৰেট ৩৪ গ্ৰাম, কেলৰি ১৭, কেলচিয়াম ৫০ মিলিগ্ৰাম, অঞ্জোলিক এচিদ ৯ মি: গ্ৰা:, ফছফৰাছ ২ মি:গ্ৰা:, আয়ৰণ ০৪ মি:গ্ৰা:, ছডিয়াম ৩৩ মি: গ্ৰা:, পটাছিয়াম ১৩৮ মি: গ্ৰা:, ভিটামিন –এ ৫ আই ইউ থায়মিন ০০৬ মি: গ্ৰা:, ৰাইব’ফ্লেভিন ১১২ মি: গ্ৰা:, নিক’টিনিক এচিড ০৫ মি: গ্ৰা:, ভিটামিন চি ১৫ মি:গ্ৰা:। মূলা বিভিন্ন ধৰণে খাব পৰা যায়। ভাৰতবৰ্ষৰ তথা পৃথিৱীৰ বিভিন্ন ঠাইত মূলাক প্ৰধানত: চালাড হিচাপে খোৱা হয়, ই বৰ উপকাৰী। তদুপৰি মূলাৰে বিভিন্ন প্ৰকাৰৰ ব্যঞ্জন প্ৰস্তুত কৰি খোৱা হয়। মূলাৰ উপকাৰিতা বহুত তথা ই বহু ঔষধি গুণ বহন কৰে। মূলাত থকা যথেষ্ট পৰিমাণৰ পটাছিয়ামে দেহত ছডিয়াম-পটাছিয়ামৰ সমতুল্যতা বৰ্তাই ৰাখে বাবে ৰক্তচাপ নিয়ন্ত্ৰণত ৰাখিব পাৰে। অৰ্থাত মূলাই উচ্চ ৰক্তচাপ নিয়ন্ত্ৰণ কৰাৰ ক্ষমতা বহন কৰে।

মূলাত যতেষ্ট আঁহজাতীয় পদাৰ্থ থকা বাবে ডায়েবেটিছ থকা ব্যক্তিয়েও মূলা খাব পাৰে। মূলাই দেহৰ ৰোগ প্ৰতিৰোধ কৰাৰ ক্ষমতা বৃদ্ধি কৰিব পাৰে, বিশেষকৈ কাহ-পানী লগাৰ দৰে স্ংক্ৰমনৰ পৰা দেহক ৰক্ষা কৰি ৰাখিব পাৰে।ব্জণ্ডিচ ৰোগত তেজত হোৱা অতিৰিক্ত বিলিৰুবিনৰ পৰিমাণ কমাই ৰাখিব পাৰে বাবে এই ৰোগৰপৰা নিৰাময় পোৱাত সহায়ক হ’ব পাৰে। মূলাত থকা অতিৰিক্ত আঁহাজতীয় পদাৰ্থই তথা মূলাৰ পাচক ৰস আৰু পিত্তৰস নি:সৰণত অৰিহণা যোগোৱা গুণ থকা হেতুকে কোষ্ঠ্য-কাঠিন্য বা হজম সমস্যাত ভোগা ব্যক্তিৰ বাবে মূলা বৰ উপকাৰী। মূলাত বৰ বেছি কেল’ৰি নথকা বাবে তথা যথেষ্ট আঁহজাতীয় পদাৰ্থ থকা হেতুকে ওজন কমাব বিচত্ৰাদ ব্যক্তিয়ে ইয়াক খাদ্য তালিকাত অন্তৰ্ভুক্ত কৰিব পাৰে। অকৌ ইয়াত যথেষ্ট পৰিমাণে পানী তথা হজম নোহোৱাবিধৰ কাৰ্ব’হাইড্ৰেট থকা বাবেও এনে ব্যক্তিৰ বাবে মূলা এবিধ উতকৃষ্ট পাচলি, বিশেষকৈ চালাড হিচাপে খোৱাটোহে বেছি উপকাৰী। মূলাত থকা কিছুমান পদাৰ্থই এণ্টি এলাৰ্জিক্ গুণ বহন কৰে ববে এজমা বা শ্বাস প্ৰশ্বাস সমস্যাত ভোগা ব্যক্তিৰ বাবে এ এবিধ পথ্য। মূলাত পোৱা ভিটামিন চি তথা এণ্টিঅক্সিডেণ্টবোৰে কৰ্কট ৰোগ প্ৰতিৰোধৰ ক্ষমতা বহন কৰে আৰু ছালক মৃসণতা প্ৰদানো কৰিব পাৰে। মূলাই বৃক্কক সক্ৰিয়তা প্ৰদান কৰিব পাৰে তথা সম্পূৰ্ণ ৰেচন প্ৰণালীটোক  সূচাৰুৰুপে ক্ৰিজ্যা কৰাত সহায়ক হ’ব পাৰে।

মূলাই চুলি সৰা প্ৰতিৰোধ কৰিব পাৰে, আনকি নতুন চুলি গজোৱাতো অৰিহণা যোগাব পাৰে, আকৌ মূৰৰ ছলত হোৱা উফি প্ৰতিহত কৰিব পাৰে। সেয়ে খাদ্য তালিকাত অন্তৰ্ভুক্ত কৰিব পাৰিলে ভাল।

ড০ নমিতা নাথ, স্বস্থ্য আৰু দীৰ্ঘ জীৱন



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate