মূল পৃষ্ঠা / কৃষি / মীণ পালন / মীন পালনত চন্দা মাছৰ অপকাৰিতা আৰু তাৰ নিয়ন্ত্ৰণ
অংশিদাৰী
Views
  • স্থিতি: সম্পাদনাৰ বাবে মুকলি

মীন পালনত চন্দা মাছৰ অপকাৰিতা আৰু তাৰ নিয়ন্ত্ৰণ

দূষিত পৰিৱেশ, উপযুক্ত খাদ্যৰ অভাৱ আৰু বিভিন্ন বীজাণুৰ আক্ৰমণৰ ফলত পানীত বাস কৰা বিভিন্ন প্ৰাণী মুলত:

চমু বিৱৰণ

দূষিত পৰিৱেশ, উপযুক্ত খাদ্যৰ অভাৱ আৰু বিভিন্ন বীজাণুৰ আক্ৰমণৰ ফলত পানীত বাস কৰা বিভিন্ন প্ৰাণী মুলত: মাছ আদি বিভিন্ন ৰোগৰ দ্বাৰা আক্ৰান্ত হোৱাটো প্ৰায়েই নিত্য নৈমিত্তিক ঘটনা| তদুপৰি আন কিছুমান বিশেষ কাৰণ ইয়াৰ লগত জড়িত হৈ থাকে| সেইবোৰ হ’ল পৰজীৱৰ আক্ৰমণ আৰু তাৰ পৰা সৃষ্টি হ’ব পৰা প্ৰত্যক্ষ আৰু পৰোক্ষ বেমাৰ| পানীত বিভিন্ন প্ৰকাৰৰ পৰজীৱী জীৱই বাস কৰে, যেনে-পানীত থকা পোক, ওকণি, জোক ইত্যাদি| তদুপৰি অন্য এক পৰজীৱি মাছ, যাৰ দ্বাৰা পানীৰ ওপৰ তৰপত থকা অতিকে পৰিচিত চন্দা মাছ| চন্দা মাছ অসমৰ নদী, বিল, খাল, পুখুৰী, জলাহ, পিটনি আদি সকলোতে প্ৰচুৰ পৰিমাণে পোৱা যায়| এইবিধ মাছ খোৱাৰ উপযোগী, কিন্তু পাখিত লাগি থকা দীঘল তীক্ষ্ণ কাঁইটৰ কাৰণে ইয়াৰ মূল্য তুলনামূলকভাৱে আন মাছতকৈ কম| এইবিধ মাছক তাহানিৰ দিনৰ পৰাই মৎস্য পালনৰ এক পৰজীৱি বুলি আখ্যা দিয়া হৈ আহিছে| কিয়নো এই মাছবিধে আন মাছক ভক্ষণ কৰে| এই মাছবোৰ মাংসভোজী আৰু ই পানীৰ পোক-পতংগ, শামুক, কেঁচু ইত্যাদিৰ লগতে মাছ যেনেদৰে গৰৈ, চেঙেলী, তাৰ উপৰি আন মাছৰ পোৱালি খায় বুলি গম পোৱা গৈছে| এই মাছবিধে মৎস্য পালনত বিশেষ ধৰণে ক্ষতি সাধন কৰে বুলিও অপবাদ আছে| বাৰিষা বানপানীৰ সময়ত এই মাছবিধে পুখুৰীত সোমায় আৰু অত্যধিক বাৰে বাৰে হোৱা প্ৰজননৰ ফলত দীৰ্ঘহাৰত পোৱালিৰ জন্ম হয়| ফলস্বৰুপে ই পুখুৰী, জলাশয় আদিত ভৰি পৰে| এই মাছৰ অত্যধিক বৃদ্ধিয়ে পুখুৰীৰ অন্য লাগতিয়াল মাছবোৰৰ যথেষ্ট ক্ষতিসাধন কৰে| সাধাৰণতে পুখুৰীৰ ওপৰ তৰপত থকা মাছ যেনে-ছিলভাৰ কাৰ্পত এই পৰজীৱি মাছটোৱে ভয়ানক ৰুপত ক্ষতিসাধন কৰে| এই পৰজীৱি চন্দা আছে ছিলভাৰ কাৰ্পৰ বাকলি খাই মাছৰ গাত ঘাঁহৰ লেখিয়া অৱস্থাৰ সৃষ্টি কৰে| এনেস্থলত মাছটোৱে ফিচাখন ওপৰত আৰু মূৰটো তল কৰি গা জোকাৰি জোকাৰি পানীৰ ওপৰ ভাগত দৌৰি ফুৰে| গোটেই ছিলভাৰ কাৰ্প মাছবোৰে ফিচা তিমি মাছৰ জাকে সাঁতুৰি থকা যেন দেখা যায়| এনেকুৱা অৱস্থাত মাছবোৰে খাদ্য খোৱা বন্ধ কৰি দিয়ে| পৰজীৱি মাছে যাতে মুখত আৰু ফুলত সোমাই মাছটোৰ মুখ্য অংগত ক্ষতিসাধন কৰিব নোৱাৰে, সেয়ে ফিচাখন ওপৰফালে কৰি গাটো জোকাৰি থাকে| বেছি বছৰলৈ নিসিঁচা পুখুৰী বা জলাশয়ত এইটো সমস্যা সঘনাই পৰিলক্ষিত হয়| এনেকুৱা অৱস্থাত এই পৰজীৱি চন্দা মাছবোৰক পুখুৰীৰ পৰা আঁতৰোৱাতো অত্যন্ত গুৰুত্বপূৰ্ণ| সেই গতিকে এনেকুৱা হ’লে ঘন জালেৰে বহুবাৰ জাল মাৰি এই পৰজীৱি মাছবোৰ আঁতৰ কৰিব লাগে| লগতে যিবোৰ মাছৰ গাত ঘাঁহৰ সৃষ্টি হৈছে, সেই মাছবোৰ অন্য বীজাণুৰ দ্বাৰা আক্ৰমণিত নহ’বলৈ ২-৩ মি:গ্ৰাম লিটাৰ হাৰত পটাছ পানীত প্ৰায় ১৫-২০ মিনিট ৰাখিলে (পানীত হাপাত দি) ভৱিষ্যতলৈ হ’ব পৰা বিপদৰ পৰা নিৰাময় কৰি ৰাখিব পাৰি|

 

চন্দা মাছ নিয়ন্ত্ৰণৰ উপায়সমুহ-

১) অতিকমেও ৩ বছৰৰ মূৰে মূৰে পুখুৰীটো সিঁচি পুখুৰীৰ তলিখন ৰ’দত শুকুৱাব লাগে|

২) বানপানীৰ সময়ত পুখুৰীত বহিৰাগত মাছ সোমাব নোৱাৰাকৈ জালেৰে ভালদৰে বেৰ দিব লাগে|

৩) পুখুৰীত যদি অবাঞ্ছিত চন্দাৰ লেখিয়া মাছৰ আৱিৰ্ভাৱ হয়, তেন্তে পুখুৰীত মাংসহাৰী মাছ এৰি দিব লাগে| যেনে- চিতল, কান্দুলি ইত্যাদি|

৪) পুখুৰীত প্ৰত্যেক মাছে কমেও দুবাৰকৈ মাছ জালেৰে মাৰি মাছৰ স্বাস্থ্য তথা পানীৰ অৱস্থাৰ পৰীক্ষা কৰিব লাগে|

৫) পুখুৰীত এনেকুৱা ধৰণৰ পৰজীৱি মাছক নিয়ন্ত্ৰণ কৰিবলৈ পানীত ৰাসায়নিক দ্ৰব্য যেনে- ব্লিছিং পাউদাৰ প্ৰতি হেক্টৰ জলকালিত ২৫০-৩০০ কেজি হাৰত ৪-৫ ঘণ্টাৰ বাবে প্ৰয়োগ কৰিব লাগে| ফলত প্ৰয়োগ কৰাৰ প্ৰায় ৪ ঘণ্টা পিছতে মাছবোৰ ওপঙিবলৈ আৰম্ভ হয় অৰু তেনেক্ষণত মাছবোৰ উঠাই পেলাব লাগে| এই মাছবোৰ খোৱাৰ উপযোগী, কিন্তু এই ৰাসায়নিক দ্ৰব্যৰ বিষক্ৰিয়া প্ৰায় ৭-১০ দিনলৈ থাকে| সেইবাবে পানী পৰীক্ষা কৰিহে তাত মাছ এৰি দিব লাগে|

লেখক:- জ্যোতিস্মিতা ঠাকুৰীয়া

উৎস:-নিয়মীয়া বাৰ্তা

3.0
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top