শুৰঁপোকৰ আক্ৰমন

শুৰঁপোক

অসমৰ বিভিন্ন জিলাত শালি ধানৰ খেতিত শুৰঁপোকৰ আক্ৰমন পৰিলক্ষিত হয়।শুৰঁপোক নিয়ন্ত্ৰন কৰিবলৈ নিম্নোক্ত ব্যৱস্থাসমূহ গ্ৰহন কৰাৰ বাবে কৃষক ৰাইজক অনুৰোধ জনোৱা হল।

উপায়সমূহ হল:

• এডৰা খেতিৰ পৰা আন এডৰা খেতিলৈ শুৰঁপোকৰ বিস্তাৰ ৰোধ কৰিবলৈ খেতিডৰাৰ চাৰিওফালে পথাৰৰ আলিত মালাথিয়ন ৫ শতাংশ গুড়ি ঔষধ চটিয়াওক।
• ক্লৰপাইৰিফচ ২০ ইচি নামৰ দৰৱ ২ মিলিমিটাৰ নাইবা কুইনালফচ ২৫ই চি নামৰ দৰৱ ২,৫ মিলিমিটাৰ ১ লিটাৰ পানীত মিহলাই স্প্ৰে কৰক।প্ৰতি বিঘাৰ বাবে ৬০-৭০ লিটাৰ এনে দৰৱ মিশ্ৰনৰ প্ৰয়োজন।এই দৰৱ আবেলি পৰত স্প্ৰে কৰক।



×

• কীটনাশক দৰৱ প্ৰয়োগ কৰোতে আক্ৰান্ত পথাৰখনৰ চাৰিওফালৰ পৰা মাজভাগলৈ ঘুৰণীয়াকৈ লাহে লাহে আগবাঢ়ি দৰৱ স্প্ৰে কৰক।
• নিয়মিতভাৱে ধাননিডৰাত দেখা দিব পৰা বিভিন্ন ৰোগ/পোক-পৰুৱাৰ উপস্থিতি পৰ্যবেক্ষন কৰি বিভাগীয় বিষয়া-কৰ্মীৰ পৰামৰ্শ অনুযায়ী বিহিত ব্যৱস্থা গ্ৰহন কৰক।।
• সৰ্তকতামুলক ব্যৱস্থা হিচাপে কীটনাশক দৰৱ প্ৰয়োগ কৰা পথাৰৰ পানীৰ পৰা ঘৰচীয়া জীৱ-জন্তক আতঁৰাই ৰাখক।