অংশিদাৰী
Views
  • স্থিতি: সম্পাদনাৰ বাবে মুকলি

কলডিলৰ তৰকাৰী

কলডিলৰ তৰকাৰী

উপকৰণ

  • কলডিল ১ টা।
  • কেঁচা জলকীয়া ৫ টা।
  • পিঁয়াজ ২ টা (বটি ল’ব)।
  • আদা-নহৰু বটা চাহ চামুচৰ ২ চামুচ।
  • আলু ২ টা।
  • চেনি চাহ চামুচৰ ১ চামুচ।
  • ইলাচি-ডালচেনি-লং প্ৰত্যেকৰে ২ টা কৈ।
  • ঘিউ চাহ চামুচৰ ১ চামুচ।
  • মিঠাতেল আধা কাপ।
  • ময়দা চাহ চামুচৰ ২ চামুচ।
  • জিৰা-জালুক চাহ চামুচৰ আধা চামুচকৈ।
  • মচুৰ বা মগু দাইল টেবুল চামুচৰ ১ চামুচ।
  • আন্দাজমতে নিমখ-হালধি।

প্ৰণালী

কলডিলৰ ওপৰৰ বাকলিকেইটা গুচাই ল’ব। ভিতৰৰ কোমলখিনি মিহিকৈ কুটি নিমখ পানীত তিয়াই থ’ব। আলু দুটা টুকুৰাকৈ কাটিব। আদা-নহৰু আৰু জিৰা-জালুক বেলেগে বেলেগে বটি ল’ব। পিঁয়াজটো মিহিকৈ কুটিব। দাইলকেইটা পানীত তিয়াই ল’ব। কেৰাহিত তেল গৰম কৰি পিঁয়াজখিনি আৰু আদা-নহৰু বটা দিয়ক। ভালকৈ লৰাই দাইল আৰু পাচলিখিনি দিয়ক। নিমখ-হালধি দি ভালকৈ লৰাওক আৰু জিৰা-জালুক বটাকণ দিয়ক। মধ্যমীয়া জুইত ঢাকোন বন্ধ কৰি ৰাখিব আৰু মাজে মাজে লৰাই দিব। ভালকৈ ভজা ভজা হ’লে একাপমান গৰম পানী দি সিজিবলৈ দিব। আলু-কলডিল সিজি থপথপীয়া হ’লে গৰম মচলা আৰু ঘিউ দি নমাব।

উৎস: নিয়মীয়া বাৰ্তা।

3.04838709677
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top