মূল পৃষ্ঠা / শিক্ষা / শিশুসকলৰ ক্ষেত্ৰ / কুইজ মঞ্চ / সৰ্ব্বোচ্চ ক্ৰীড়া সন্মান
অংশিদাৰী
Views
  • স্থিতি: সম্পাদনাৰ বাবে মুকলি

সৰ্ব্বোচ্চ ক্ৰীড়া সন্মান

ৰাজীৱ গান্ধী খেলৰত্ন বঁটা- আমাৰ দেশৰ সৰ্ব্বোচ্চ ক্ৰীড়া সন্মান

ৰাজীৱ গান্ধী খেলৰত্ন বঁটা-আমাৰ দেশৰ সৰ্ব্বোচ্চ ক্ৰীড়া সন্মান| ১৯৯১-৯২ বৰ্ষত প্ৰথমবাৰ প্ৰদান কৰা হৈছিল এই বঁটা| প্ৰখ্যাত দাবা খেলুৱৈ বিশ্বনাথন আনন্দে প্ৰথমবৰ্ষত লাভ কৰিছিল খেলৰত্ন বঁটা| তাৰ পিছৰ বৰ্ষত বিলিয়াৰ্ডছ খেলুৱৈ গীত শেঠীক এই বঁটা প্ৰদান কৰা হৈছিল| ৰাজীৱ গান্ধী খেলৰত্ন বঁটা লাভ কৰা প্ৰথম মহিলা খেলুৱৈ গৰাকী হৈছে কৰ্ণম মালেশ্বৰী| ভাৰোত্তোলনত অলিম্পিক পদক বিজয়ী প্ৰথম ভাৰতীয় মহিলা মালেশ্বৰীয়ে ১৯৯৪-৯৫ বৰ্ষৰ বাবে খেলৰত্ন বঁটা লাভ কৰিছিল| এই বিশিষ্ট বঁটা লাভ কৰা উত্তৰ-পূৰ্বাঞ্চলৰ প্ৰথমগৰাকী খেলুৱৈ হৈছে এন কুঞ্জৰাণী দেৱী| ১৯৯০ চনত অৰ্জুন বঁটা লাভ কৰা মণিপুৰৰ এইগৰাকী ভাৰোত্তোলকে ১৯৯৬-৯৭ বৰ্ষত টেনিছ তাৰকা লিয়েণ্ডাৰ পেজৰ সৈতে একেলগে লাভ কৰিছিল খেলৰত্ন বঁটা| এই বঁটা লাভ কৰা প্ৰথমগৰাকী ক্ৰিকেটাৰ হৈছে মাষ্টাৰ ব্লাষ্টাৰ শচীন ৰমেশ তেণ্ডুলকাৰ| চলিত বৰ্ষত একেলগে ৪ গৰাকী ক্ৰীড়াবিদক প্ৰদান কৰা হয় ৰাজীৱ গান্ধী খেলৰত্ন বঁটা| ৰিঅ’ অলিম্পিকত ৰুপৰ পদক জয়ী বেডমিণ্টন তাৰকা পি ভি সিন্ধু, ৰেষ্টলিঙত ব্ৰঞ্জৰ পদক লাভ কৰা সাক্ষী মালিক, জিমনাষ্ট দীপা কৰ্মকাৰ আৰু শ্বুটাৰ জিতু ৰায়ক এই বঁটা প্ৰদান কৰা হয়| যোৱা ২৯ আগষ্টত ৰাষ্ট্ৰীয় ক্ৰীড়া দিৱস উপলক্ষে ৰাষ্ট্ৰপতি ভৱনত ৰাষ্ট্ৰপতি প্ৰণৱ মুখাৰ্জীয়ে এই বঁটা প্ৰদান কৰে| খেলৰত্নৰ লগতে অৰ্জুন বঁটাও প্ৰদান কৰা হয়| এইবাৰ মুঠতে ১৫ গৰাকী ক্ৰীড়াবিদক অৰ্জুন বঁটাৰে সন্মানিত কৰা হয়| এইসকলৰ ভিতৰত আছিল অসমৰ প্ৰতিভাৱান বক্সাৰ শিৱ থাপা| লণ্ডন আৰু ৰিঅ’ দুখনকৈ অলিম্পিকত ভাগ লোৱা শিৱ থাপা হৈছে ‘অৰ্জুন বঁটা’ বিজয়ী চতুৰ্থগৰাকী অসমীয়া| ১৯৯৬ চনৰ বেংকক এছিয়াডত ৮০০ মিটাৰ দৌৰত স্বৰ্ণ পদক বিজয়ী ভোগেশ্বৰ বৰুৱা হৈছে অৰ্জুন বঁটা লাভ কৰা প্ৰথমগৰাকী অসমীয়া| তেওঁৰ পিছতে মনালিছা বৰুৱা মেহতা আৰু জয়ন্ত তালুকদাৰে এই বঁটা লাভ কৰি আমাৰ ৰাজ্যলৈ গৌৰৱ কঢ়িয়াই আনিছিল| অৰ্জুন বঁটা লাভ কৰা প্ৰথমজন ক্ৰিকেটাৰ হৈছে চেলিম ডুৰাণী| এই বছৰ অজিংক ৰাহানেই লাভ কৰে এই বঁটা| বেডমিণ্টনত অৰ্জুন বঁটা লাভ কৰা প্ৰথমগৰাকী খেলুৱৈ আছিল নন্দু নাটেকৰ|

উৎস:- দৈনিক অসম

2.95238095238
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
সম্পৰ্কীয় সামগ্ৰীসমূহ
অধিক ...
Back to top