অংশিদাৰী
Views
  • স্থিতি: সম্পাদনাৰ বাবে মুকলি

চাপমুক্ত জীৱন

চাপ বা ষ্ট্ৰেচৰ পৰা নিজকে মুক্ত কৰি সহজ-সৰল সুন্দৰভাৱে জীয়াই থাকিবৰ বাবে কোনো ঔষধ পোৱা নাযায়।

 

চাপ বা ষ্ট্ৰেচৰ পৰা নিজকে মুক্ত কৰি সহজ-সৰল সুন্দৰভাৱে জীয়াই থাকিবৰ বাবে কোনো ঔষধ পোৱা নাযায়। সেয়েহে কিছুমান দিশত নিজে গুৰুত্ব দি মানসিক ভাৰসাম্য ৰক্ষা কৰি শান্তিত দিন যাপন কৰিবলৈ চেষ্টা কৰা উচিত। এই ক্ষেত্ৰত কি কি নিয়ম মানি চলিব চাওঁ আহক-

  • কাম-কাজৰ তালিকা এখন প্ৰস্তুত কৰি ৰাখিব। যিবোৰ কাম গুৰুত্বপূৰ্ণ সেইবোৰ প্ৰথমতে কৰি শেষ কৰি থ’ব।
  • সৰু সৰু কথালৈ গুৰুত্ব নিদিব। জীৱনটো বিশেষ অৰ্থ থকা কামৰ বাবেহে। এই আদৰ্শ গ্ৰহণ কৰিব।
  • যিকোনো ঘটনা সমস্যা বুলি ভাবিলে পিতৃ-মাতৃ আৰু আন্তৰংগ বন্ধু-বান্ধৱী বুলি ভবাসকলৰ সৈতে সমস্যাটোৰ বিষয়ে আলোচনা কৰিব। নিশ্চয় সমাধানৰ সূত্ৰ পাব।
  • যিবোৰ বিষয়ৰ দ্বাৰা শাৰিৰীক-মানসিক ক্ষতি হোৱাৰ শংকা থাকে, তেনে বিষয়ৰ পৰা নিজকে আঁতৰাই ৰাখিবলৈ যত্ন কৰিব।
  • সকলো কাম মনযোগেৰে কৰিব আৰু ভালভাৱে সমাধা কৰিবলৈ শান্ত মনেৰে চেষ্টা কৰিব। তেতিয়াও মনত এক অনাবিল শান্তি অনুভৱ কৰিব।
  • হাঁহি-ধেমালিৰে সকলো সমস্যা সমাধানৰ চেষ্টা কৰিলে চাপৰ পৰা মুক্ত থাকিব পাৰি। মানুহৰ জীৱনত সমস্যা থাকেই তেনেদৰে ভাবি ল’ব লাগে।
  • খাদ্য গ্ৰহণৰ প্ৰতিও সচেতন হ’ব লাগে। কিছুমান খাদ্যই চাপ সৃষ্টিত সহায় কৰে। তেনে খাদ্য ত্যাগ কৰি চলিব লাগে।
  • পুৱা শুই উঠিয়েই যদি নিজৰ মনত চাপ সৃষ্টি কৰি লয়, তেনে দিনটো চাপৰ মাজে দিয়েই যাব।
  • যিকোনো কাম কৰি মনৰ চাপ পাহৰি থাকিবলৈ যত্ন কৰিব লাগে।
  • যিসকল বন্ধুৰ কথা শুনি ভাল লাগে, তেনে বন্ধুৰহে কাষ চাপিব লাগে।
  • মিউজিক ছিষ্টেমত গান শুনি বা টিভিত চিনেমা এখন চাই চাপ পাহৰি যাবলৈ যত্ন কৰিব। কাৰণ চাপ দীঘলীয়া হ’বলৈ দিয়া উচিত নহয়। ই অভ্যাসত পৰিণত হয়। যাতে তেনে নহয়গৈ তাৰ বাবে নিজে চেষ্টা কৰিব লাগে।

লেখিকা: অংশুমা শইকীয়া, অসম বাণী।

2.8
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top