মূল পৃষ্ঠা / স্বাস্থ্য / মানসিক স্বাস্থ্য / মানসিক স্বাস্থ্য আৰু আমিঃ
অংশিদাৰী
Views
  • স্থিতি: সম্পাদনাৰ বাবে মুকলি

মানসিক স্বাস্থ্য আৰু আমিঃ

জীৱনৰ কোনোবা নহয় কোনোবা মুহূৰ্তত বিপদ, নৈৰাশ্য, হতাশাই আমাক দুৰ্বল কৰি তোলে আৰু জীৱনটোক ঋণাত্মক দৃষ্টিভঙ্গীৰে চাবলৈ বাধ্য কৰে। ই চিৰ সত্য।

মানসিক স্বাস্থ্য কি-

 

জীৱনৰ কোনোবা নহয় কোনোবা মুহূৰ্তত বিপদ, নৈৰাশ্য, হতাশাই আমাক দুৰ্বল কৰি তোলে আৰু জীৱনটোক ঋণাত্মক দৃষ্টিভঙ্গীৰে চাবলৈ বাধ্য কৰে। ই চিৰ সত্য। মেণ্টেল হেল্থ অৰ্থাৎ মানসিক স্বাস্থ্য বুলিলে আমাৰ আৱেগিক, মানসিক তথা সামাজিক বান্ধোনক বুজায়। শৈশৱকালৰ পৰা জীৱনৰ প্ৰতিটো স্তৰতে আমাৰ চিন্তাধাৰা, অনুভৱ আৰু কৰ্মৰ মাজেদি আমাৰ মানসিক অৱস্থাৰ প্ৰতিফলন ঘটে। তুলনামূলকভাৱে পুৰুষ আৰু মহিলাৰ মাজত মানসিক চাপ বেছি থাকে আৰু সেয়েহে নৈৰাশ্য, বিষাদ, মানসিক অৱস্থাৰ তাৰতম্য হোৱা দেখা যায়। এগৰাকী ব্যক্তিৰ মানসিক অৱস্থাটো সম্পূৰ্ণভাৱে নিৰ্ভৰ কৰে তেওঁৰ লগত জড়িত ব্যক্তিসকলৰ মনোবৃত্তি আৰু চিন্তাধাৰাৰ ওপৰত। আমাৰ চৌপাশ তথা জীৱনৰ লগত জড়িত ব্যক্তিসকলে যদি আমাক ভাল কথা, ভাল কামৰ প্ৰতি উদ্গনি নজগায় আৰু তাৰ পৰিৱৰ্তে ঋণাত্মক চিন্তাধাৰাত ব্ৰতী হয় নিশ্চয়কৈ তেনেকুৱা পৰিৱেশত আমাৰ মানসিক স্বাস্থ্য সুস্থ অৱস্থাত আছে বুলি কব নোৱাৰি।

সাধাৰণতে মানসিকভাৱে ভাগি পৰা ব্যক্তি এগৰাকীৰ কিছু লক্ষণ এনেকুৱা ধৰণৰ হব পাৰে-

 

-  খুব বেছিকৈ অথবা খুব কমকৈ খাদ্য গ্ৰহণ কৰা।

- নিজৰ দৈনন্দিন কামৰ পৰা বিৰত থকা আৰু মানুহৰ সংগৰ পৰা নিজক আঁতৰাই ৰখা।

- নিৰাশাবাদী হোৱা। বিনাকথাত খং উঠা, মন বেয়া কৰা, অহেতুক চিন্তা অথবা ভয়ে গ্ৰাস কৰা।

- বুকুত বিষ অনুভৱ কৰা, দুৰ্বল অনুভৱ কৰা।

- ‘Mood Swing’ আন এটা অন্যতম লক্ষণ। যাৰ ফলত অনাহকত কাজিয়া-পেচালৰ সূত্ৰপাত হয়।

- অহৰ্নিশে একেখিনি স্মৃতি তথা চিন্তাই আৱৰি ৰখা ইত্যাদি।

শাৰীৰিকভাৱে হোৱা যিকোনো বেমাৰ-আজাৰৰ কাৰণে আমি যিদৰে সচেতন হওঁ আমাৰ সম্পূৰ্ণ সুস্থ স্বাস্থ্যৰ কাৰণে মানসিকভাৱে সবল হোৱাটো অত্যন্ত জৰুৰী। এইক্ষেত্ৰত বিশেষজ্ঞই যথেষ্ট সহায় কৰিব পাৰে যদিও নিজক মানসিকভাৱে সবল কৰাৰ দায়িত্ব সদায় নিজৰ। এনেকুৱা পৰিস্থিতিত আনি নিজে কৰিব পৰা কিছুমান উপায় হল-

- সকলো সমস্যাৰেই সমাধান থাকে। গতিকে সমস্যাবোৰৰ পৰা হব পৰা সম্ভাৱ্য পৰিণাম কি হব সেয়া নিৰ্ধাৰণ কৰি চাব। তাৰ পাছত যিমান পাৰি সিমান সেই বিষয়ে চিন্তাৰ সমাধান বিচাৰিবলৈ চেষ্টা কৰক।

- মানসিকভাৱে অস্থিৰ অনুভৱ কৰিলে প্ৰথমে চকুহাল বন্ধ কৰি খুব দীঘলকৈ উশাহ লওক আৰু লাহে লাহে এৰি দিয়ক। এনেদৰে কেইবাৰমান কৰি চাওক। আৰাম পাব।

- কিছুমান সমস্যা নিজে সমাধান কৰিব নোৱাৰিলেও আমি আমাৰ বন্ধুবৰ্গৰ লগত আলোচনা কৰিব পাৰো। সমাধান নোলালেও অন্ততঃ কথাখিনি কৈ মনৰ বোজা পাতল কৰিব পাৰি।

- মানসিকভাৱে নিজক সুস্থ ৰাখিবলৈ ভালদৰে খোৱা-লোৱা আৰু টোপনি যোৱাটো নিতান্তই প্ৰয়োজনীয়। টোপনি অহাত অসুবিধা হলে কোঠাত কম পোহৰ ৰাখি মৃদুভাৱে নিজৰ ভালপোৱা সঙ্গীত লগাব পাৰে।

- ‘Set short term goals’- কিছুদিনৰ কাৰণে নিজকে ব্যস্ত ৰাখিবলৈ সৰু সৰু কিছু লক্ষ্য নিৰ্ধাৰণ কৰক। যেনে, এসপ্তাহ অথবা পোন্ধৰ দিনৰ ভিতৰত এইটো কামৰ বাবে লক্ষ্যত উপনীত হবই লাগিব। সেই কামটোত সফলভাৱে উত্তীৰ্ণ হবলৈ চেষ্টা কৰক।

- কিছুমান কথা বা কাম আমি গ্ৰহণ কৰিবলৈ শিকা উচিত। ‘Acceptance is a part of life’- শুনিবলৈ কঠিন যদিও এই বাক্যশাৰী মানি চলিলে একেটা কথাতেই মনটো লাগি থকাৰ পৰা তাক আঁতৰাই আমি আন কামত নিয়োগ কৰিব পাৰিম।

- নিজক সময় দিবলৈ শিকক। ভালপোৱা কামবোৰৰ এখন তালিকা কৰি লওক আৰু তাত কিমান সময় দিব নিৰ্ধাৰণ কৰি লওক।

- সময়ে প্ৰতিটো সমস্যাৰ সমাধান কৰে। মাত্ৰ সেই সময়খিনি ধৈৰ্য্য ধৰি পাৰ কৰাটোহে গুৰুত্বপূৰ্ণ কথা।

আমি প্ৰতিজন ব্যক্তিয়েই মানসিকভাৱে অসীম শক্তিশালী, মাত্ৰ তাক আমি আটায়ে উচিতভাৱে ব্যৱহাৰ কৰি এক সুন্দৰ জীৱনৰ অধিকাৰী হোৱা উচিত।

(উৎসঃ অসমীয়া খবৰ, ডিম্পল শৰ্মা)।

3.08108108108
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top