অংশিদাৰী
Views
  • স্থিতি: সম্পাদনাৰ বাবে মুকলি

চোৰিয়াছিছ

চোৰিয়াছিছ

চোৰিয়াছিছ এবিধ ছালৰ জটিল ৰোগ| ই সংক্ৰমক নহয়| এজনৰ গাৰ পৰা আন এজনলৈ বিয়পি নাযায়| বৰ্তমান এই ৰোগ ব্যাপক ভাৱে দেখা যায়| সমীক্ষা মতে প্ৰতি ৫০ জন লোকৰ এজন এই ৰোগত আক্ৰান্ত| মহিলা-পুৰুষ সমভাগেই এই ৰোগত আক্ৰান্ত| সাধাৰণতে ১০ বছৰৰ পৰা ৫০ বছৰৰ ভিতৰত এই ৰোগৰ আৱিৰ্ভাৱ হ’ব পাৰে| কিছুমানৰ ইয়াৰ লগতে গলত আক্ৰান্ত হোৱাও দেখা যায়| ছালৰ দুটা প্ৰধান স্তৰ হ’ল-এপিডাৰমিছ বা বহি:ত্বক আৰু ডাৰমিছ বা অন্ত:ত্বক| এপিডাৰমিছৰ একেবাৰে ওপৰৰ অংশত কেৰাটিন নামৰ মৃত কোষ থাকে| আমি গম নোপোৱাকৈয়ে এই মৃত কোষ বোৰ খহি পৰে আৰু তলৰ ফালে থকা সজীৱ কোষ বোৰ ওপৰলৈ উঠি আহে| এনেদৰে মৃত কোষ খহি আৰু সজীৱ কোষ উঠি অহা কাৰ্যক চিকিৎসা বিজ্ঞানৰ ভাষাত কোৱা হয় এপিডাৰমিছ টাৰ্ণঅ’ভাৰ| এই প্ৰক্ৰিয়া নিৰন্তৰ-নিৰৱচ্ছিন্ন ভাৱে চলি থাকে| কিন্তু কিবা কাৰণত এই অৱস্থাৰ সামান্য হেৰফেৰ হ’লেই চোৰিয়াছিছ হয়| এজন সুস্থ মানুহৰ প্ৰক্ৰিয়া অৰ্থাৎ এপিডাৰমিছ টাৰ্ণঅ’ভাৰ হ’বলৈ সময় লাগে ৮০০ দিন অৰ্থাৎ ২ বছৰ ২ মাহ ২০ দিন| আৰু সহজ ভাষাত কবলৈ হ’লে এই সময়ছোৱাত আমাৰ বহি:ত্বক সলনি হৈ যায়| এই ধাৰাৰ ব্যতিক্ৰম হ’বলৈ আৰম্ভ হৈ এই সময় কমি গৈ থাকে| শেষত এনে অৱস্থা হৈ যে ৩ ৰ পৰা ৫ দিনৰ ভিতৰত এপিডাৰমিছ টাৰ্ণঅ’ভাৰ হ’বলৈ ধৰে, ফলত ত্বকে সকলো সময়তে খোলচ এৰিবলৈ ধৰে- এই সমস্যাকে কোৱা হয় চোৰিয়াছিছ|

চোৰিয়াছিছ কিয় হয়?

বৰ্তমান বিজ্ঞানী-চিকিৎসক-গৱেষকে ইয়াৰ কাৰণ জানিব পৰা নাই| সেয়েহে ইয়াৰ কোনো পোনপটীয়া ঔষধ আৱিস্কাৰ কৰিব পৰা নাই| সেইবুলি ইয়াৰ চিকিৎসা নাই বুলি হাত সাবটি বহি নাথাকি ডাৰ্মাটোলজিষ্টৰ পৰামৰ্শ গ্ৰহণ কৰক| বৰ্তমান আৱিস্কৃত কেইটামান বায়োলজিকেল ঔষধ ব্যৱহাৰ কৰি ৰোগক দমাই ৰাখিব পাৰি অতি সহজে|

কেনেকৈ জানিব?

চোৰিয়াছিছ ৰোগৰ আৰম্ভণিতে বুকু-পিঠি হাত আদিত ৰঙা বৰণৰ গুটি সদৃশ কিছুমান চিহ্ন দেখা যায়| লাহে লাহে এইবোৰৰ পৰা ত্বকৰ খোলচ উথিবলৈ ধৰে| এনে অৱস্থা হ’লে লগে লগে চিকিৎসকৰ পৰামৰ্শ মতে চিকিৎসা কৰিলে ৰোগটো নিয়ন্ত্ৰণলৈ আহিব| যদি কোনো চিকিৎসা কৰা নহয়, ই সম্পুৰ্ণ শৰীৰলৈ বিয়পি পৰিব পাৰে| মূৰৰ চুলিত কিছুমানৰ অতি ভয়ানক ভাৱে উফি হয়, যাক মেডিকেটেড ছেম্পু ব্যৱহাৰ নকৰাকৈয়ে নিয়ন্ত্ৰণ কৰিব নোৱাৰি| এয়া চোৰিয়াছিছ বাবেও হ’ব পাৰে| শীতকালত চোৰিয়াছিছৰ প্ৰকোপ বেছি হয়, কাৰণ শীত কালত ত্বক শুকাই যায়| সেয়েহে আমি এনে সময়ত ত্বক পৰিস্কাৰকৈ ৰখাৰ উপৰি ইমিলিয়েণ্ট জাতীয় লোচন ব্যৱহাৰ কৰি ত্বকৰ আৰ্দ্ৰতা বজাই ৰখা অত্যন্ত জৰুৰী| ষ্ট্ৰেচ-টেনচন-মদ্যপান-ৰ’দৰ পৰা নিজকে ৰক্ষা কৰা ইত্যাদিয়ে এই ৰোগ নিয়ন্ত্ৰণ কৰাত সহায় কৰিব|

চিকিৎসা

অভিজ্ঞ চৰ্মৰোগ বিশেষজ্ঞৰ দ্বাৰাই ৰোগটোৰ বিষয়ে জানিব পাৰে| লগতে পাৰিবাৰিক ইতিহাস আৰু অন্যান্য উপসৰ্গবোৰ ভালদৰে নিৰীক্ষণ ৰোগ নিৰ্ণয় কৰি চিকিৎসাৰ ব্যৱস্থা কৰে| মাথোঁ সময় মতে চিকিৎসকৰ পৰামৰ্শ গ্ৰহণ কৰক|

লিখক: ড° সনাতন ডেকা।

3.25
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top