কিলাকুটিৰ যত্ন

• কিলাকুটিটো খহটা যেন লাগিলে নেমু ৰসত এচিকুট নিমখ বা চেনি লৈ মোহাৰিলে মৃসণ হৈ পৰিব।

• অলিভ অইলৰ লগত নিমখ মিহি কৰি বটি লৈ মালিচ কৰি কুহুমীয়া পানীৰে ধুই শুকান টাৱেলেৰে মোহাৰি মুখত ঘঁহা ক্ৰীম সানক। এনেদৰে এসপ্তাহমান কৰিলে নিমজ আৰু উজ্জ্বল হ’ব।
• অলপমান মুখত ঘঁহা ক্ৰীম, কেইটোপালমান নেমুৰ ৰস, গ্লিচাৰিণ আৰু পিহা বাদাম কিলাকুটিটোত ঘঁহিলে ঠাইডোখৰ সুন্দৰ হৈ পৰিব।
• পিউমিক ষ্টোনেৰে কিলাকুটিটো লাহে লাহে ঘঁহি কুহুমীয়া পানীৰে ধুই পেলাব লাগে। তাৰ পিছত কুহুমীয়া গৰম তেলেৰে মালিচ কৰিলে ক’লা দাগ আঁতৰ হোৱাৰ লগতে খহটা ভাবো নোহোৱা হ’ব।
• পকা কল, সিজোৱা আলু, বিলাহীৰ ৰসেৰে পেক বনাই লগাই, পিছত গ্লিচাৰিনেৰে কিলাকুটিটো পৰিষ্কাৰ কৰিলে ক’লা আৰু খচখচিয়া ভাৱ দূৰ হ’ব।
• আটা বা ময়দা, গাখীৰৰ সৰ মৌৰ লগত মিহলাই কিলাকুটিত লেপ লগাই আধা ঘণ্টা পিছত কুহুমীয়া পানীৰে ধুই পেলাব। তাৰ পিছত মইশ্বাৰাইজাৰ লগালে পাৰ্থক্য নিজে ধৰিব পাৰিব।

লেখিকা: ললিতা শৰ্মা লহকৰ, দৈনিক অসম।