হাঁহ-কুকুৰাৰ পালনত উপযুক্ত পৰিমানৰ গুণবিশিষ্ট দানা যোগান বৰ দৰকাৰী৷ অৱশ্যে হাঁহ পালনত, হাঁহে দিনতো মুকলি অৱস্থাত থাকি যথেষ্টখিনি খাদ্যৰ যোগান পায়৷ কিন্তু কুকুৰা পালনত উচ্চহাৰত কণী উৎপাদন পাবলৈ হ’লে বা ব্ৰইলাৰ পালনৰ পৰা লাভৱান হবলৈ গুণবিশিষ্ট দানা যোগান অতি দৰকাৰ৷ দ্বিতীয়তে কণী উৎপাদনৰ ৭০-৮০ শতাংশ ব্যয় দানা যোগানতে ধৰিব পাৰি৷ আজি কালি সকলো বয়সৰ কুকুৰাৰ বাবে উপযুক্ত দানা প্ৰস্তুত কৰা আৰু যোগান ধৰা হয়৷ হাঁহ-কুকুৰাৰ দানা প্ৰস্তুত কৰোতে বিভিন্ন পুষ্টিবোৰ তলত দিয়া ধৰণে স্থিৰ কৰা হয়:
উপাদান সমূহ |
পোৱালী কুকুৰা |
ডেকেৰুৱা কুকুৰা |
কণী পৰা কুকুৰা |
ব্ৰইলাৰ কুকুৰা |
|
(%) |
(০-৮ সপ্তাহ) |
(৯-২০ সপ্তাহ) |
(২০-৭২ সপ্তাহ) |
(০-৮ সপ্তাহ) |
|
১) |
মাংসসাৰ (প্ৰটিন) |
২০-২১ |
১৫-১৭ |
১৮-১৯ |
২২-১৩ |
২) |
শক্তিদায়ক(কি:কেলৰি/কি:গ্ৰা: দানা) |
২৭০০ |
২৬০০ |
২৮০০ |
২৯০০-৩১০০ |
৩) |
আঁহু জাতীয় |
৭ |
৮ |
৮ |
৬ |
গতিকে হাঁহ-কুকুৰাৰ দানা প্ৰস্তুত কৰোতে বিভিন্ন সামগ্ৰীবোৰ ভালদৰে চোৱাচিতা কৰি, খাদ্যগুণ, দাম, গঠন আদি চাইহে লাগতিয়াল অনুপাতত ব্যৱহাৰ কৰি গুণবিশিষ্ট দানা প্ৰস্তুত কৰা দৰকাৰ ৷ অৱশ্যে কুকুৰাৰ দানা প্ৰস্তুত প্ৰণালী আজিকালি কিছু জটিল ৷ ইয়াত বিভিন্ন যন্ত্ৰৰ ব্যৱহাৰৰ উপৰিও বহুবিধ পুষ্টিকে ধৰি বিভিন্ন ধৰণৰ উপাদান ব্যৱহাৰ কৰা দেখা যায় ৷ আনহাতে স্থানভেদে সকলোবোৰ খাদ্য সামগ্ৰীও সকলো ঠাইতে পোৱা নাযায় ৷ গতিকে কুকুৰা পালকে বজাৰত পোৱা গুনবিশিষ্ট দানা ব্যৱহাৰ কৰিয়েই শ্ৰেয় বুলি গণ্য কৰা হয় ৷ অৱশ্যে সকলোবোৰ সুবিধা হ’লে ঘৰতে গুণবিশিষ্ট দানা প্ৰস্তুত কৰা কোনো অসুবিধা নহয় ৷
তলত বিভিন্ন সামগ্ৰী ব্যৱহাৰৰ একোখন তালিকা দিয়া হৈছে ৷ বজাৰত যি যি উপাদান পোৱা যায় তাৰ পৰাই কুকুৰা পালকে দানা প্ৰস্তুত কৰিব পাৰিব৷
খাদ্য সামগ্ৰী (%) |
পোৱালী কুকুৰা |
ডেকেৰুৱা কুকুৰা |
কণী পৰা কুকুৰা |
ব্ৰইলাৰ কুকুৰা |
ভজা মাকৈ |
৪৫-৫০ |
২৫-৩০ |
৪০-৪৫ |
৫০-৫৫ |
তুঁহ গুৰি |
৫-৬ |
২০-৩০ |
১০-২০ |
------ |
বাদামৰ খলিহৈ |
১০-১৫ |
৫-১০ |
১০-১৫ |
১০-২০ |
তিলৰ খলিহৈ |
১০-১৫ |
৫-১০ |
১৫-২০ |
১০-১৫ |
সৰিয়হৰ খলিহৈ |
০-৫ |
৫-৬ |
৫-৭ |
------ |
শুকান মাছৰ গুৰি |
৭-১০ |
৫-৬ |
৭-৮ |
১০-১২ |
ভিটামিন |
------- |
------- |
-------- |
------- |
পিউপামিল |
৩-৫ |
০-১ |
০-৩ |
৩-৫ |
খুদ চাউল |
১০-১৫ |
১৫-২০ |
১৫-২০ |
১৫-২০ |
ব'নামিল |
০.৫-১.০ |
০.৫-১.০ |
১.০-১.৫ |
০.৭৫-১.০ |
খনিজ |
২-৩ |
২-৩ |
২-৩ |
২-৩ |
নিমখ |
০-৫ |
০-৫ |
০-৫ |
০-৫ |
শামুকৰ খোলা |
-------- |
-------- |
১.৫-২.০ |
---------- |
অতিৰিক্ত ভিটামিন, বিভিন্ন ঔষধ, খনিজ আদি নিৰ্দ্দিষ্ট জোখত দিয়াৰ নিৰ্দ্দেশনা আছে
১)কোন শ্ৰেণীৰ কুকুৰাৰ বাবে দানা প্ৰস্তুত কৰিব সেইটো স্থিৰ কৰি ল’ব ৷ সামগ্ৰীবোৰ যাতে গুণবিশিষ্ট হয় তালৈ চকু ৰাখিব ৷ পুৰণা, ভেঁকুৰ আদি হোৱা দানা সামগ্ৰী কেতিয়াও ব্যৱহাৰ নকৰিব৷
২)খলিহৈ মাকৈ আদি লাগতিয়াল জোখৰ ভাঙি সৰু কৰি লওক৷ পোৱালী কুকুৰাৰ বাবে খলিহৈ বা মাকৈ বোৰ ভাঙি লৈ চাউল চলা চালনিৰে চালি ল’ব৷ অৱশ্যে দানা প্ৰস্তুত কৰা যন্ত্ৰৰ দ্বাৰা এইবোৰ নিৰ্দ্দিষ্ট জোখতে তৈয়াৰ কৰি লোৱা হয় ৷
৩)সকলোবোৰ দানা সামগ্ৰী জোখমতে লওক৷
৪)দানা সামগ্ৰীবোৰ পৰিস্কাৰ মজিয়াত তৰপে তৰপে ঢালি লওক ৷ কম পৰিমাণৰ দানা সামগ্ৰীবোৰ যেনে: খাদ্যপ্ৰাণ, ঔষধ, লৱণ আদিবোৰ অন্য সামগ্ৰীৰ লগত মিহলাই দানাৰ ওপৰত ছটিয়াব দিব ৷
৫)সকলোবোৰ দানা সামগ্ৰী যোগ কৰাৰ পাছত এখন বেলচাৰে দানাবোৰ এফালৰ পৰা লুটিয়াই পুনৰ আগৰ ঠাইলৈ লুটিয়াই ভালদৰে মিহলাই লওক ৷ এইদৰে দুই-তিনিবাৰ ভালদৰে প্ৰস্তুত কৰিব পাৰিব ৷ বহল ভিত্তিত কৰিবলৈ হ’লে দানা প্ৰস্তুত কৰা যন্ত্ৰৰ দ্বাৰা এইবোৰ কাম কৰা হয়৷
উৎস: অসম কৃষি বিশ্ববিদ্যালয়।শেহতীয়া উন্নীতকৰণ: : 6/19/2020
হাঁহ-কুকুৰা পালনৰ আগকথা