অংশিদাৰী
Views
  • স্থিতি: সম্পাদনাৰ বাবে মুকলি

পানী মেটেকা ফুলৰ ভাজি

পানী মেটেকা ফুলৰ ভাজি

পানী মেটেকা আমি বৰ অপ্ৰয়োজনীয় উদ্ভিদ বুলি ভাবো। কিন্তু প্ৰকৃততে পানী মেটেকাৰ উপকাৰিতা বহুত। নদী-বিলৰ পানী পৰিশোধনৰ বাবে পানী মেটেকা বৰ দৰকাৰী। মেটেকাৰ পৰা কাগজ তৈয়াৰ কৰোতেও ব্যৱহাৰ কৰিব পাৰি। সৰ্বোপৰি ইয়াক খাবও পাৰি। গাঁৱে-ভূঞে পানী মেটেকা উভৈনদী। পানী মেটেকাৰ পাতল বেঙুনীয়া মৰম লগা ফুলপাহ আমি সকলোৱে দেখিছো। পানী মেটেকা ফুলৰ ভাজি এখন খাই চাওকচোন।

উপকৰণ

  • মেটেকাৰ ফুল ২০ পাহ।
  • পিঁয়াজ দুটা।
  • কেঁচা জলকীয়া আৰু নিমখ।

প্ৰণালী

ফুলখিনি ঠাৰিৰ পৰা সাৱধানে বাচি লৈ ভালদৰে ধুই লওক। পিঁয়াজখিনি মিহিকৈ কাটি লগত জলকীয়া ফালি দি গৰম তেলত ভাজক। পিঁয়াজখিনি ৰঙা হৈ আহিলে অলপ নিমখ দি লৰাই পানী মেটেকাৰ ফুলখিনি দিয়ক। জুই কমাই আৰু অলপ পৰ ভাজক। ফুলৰ পানী শুকাই আহিলে আৰু অলপমান কেঁচাতেল দি ভালদৰে লৰাই ভাজিখন নমাই থওক। গৰমে গৰমে ভাতৰ লগত পৰিৱেশন কৰক।

উৎস: বিকাশপেডিয়া।

3.0
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top